Keela woó vándai Lúu í pɔ́nɛni kɔwɔ́ato Jísu Kílisitii wa LÚU 9:12 - Kɛ́lɛ Niinaí

¹² Ná í ɣɛ́i ngáá kpɔkɔ hóloi kpɔ́lɔɔ, Jísu volú yélaa púúngɔ maah̃úú félengɔitii tí liiní ngelé, ti ɣɛ́ ma, “Faŋaí sítii tɔve kokói sítiini nga ti mbéinda béla ɛ́ɣɛ kpaalaítii su kɛinɔɔ́ tí mɛɛní wɔ́li bɔwɔ́ yɛ taá ndaaw̃aá. Bɔw̃álale a muỹá lɔ mbéinda tevémba h̃ú.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 9:12 Iomraidhean Croise

MÁFIYU 14:13

Ná Jísu i mɛniní ngáá Masangí Hɛ́lɔdi í Njɔú váánga, i gulaí mbéi wa í ɣɛ́i na, í víli keléngi h̃u, í lí tevémba h̃u ngilaá kpé mbéi nuu fíli áá ɣɛ́i ná. Ná nungáitii tí sí w̃áá woo ỹɛ́nini, ti gúlai ti láitii su, ti híya gɔwɔ́ w̃á ti tó mba.

MÁFIYU 15:23

Kɛ́ ngoo yílaa bɛ́lɛ Jísu aa ndeí ma. Kɛ Jísu volú yélaitii tí váa Jísu yelé, tí maanɛ́ɛ́nɛ, ti ɣɛ́ ma, “Nyah̃ápoi sí bɛ́ mu volú, aá lɔ nɔ́ɔ mu volú áá mu lolí ngéleya.”

MÁFIYU 15:32

Kɛ Jísu i volú yélaitii tólinga, i ɣɛ ti w̃a, “Nungái sítii maaw̃áánu lɔɔ sóu, bɔw̃álale, tí kɛ́nga náa mbéi ngáá foló sáángɔ aáva ŋani fíli aa ti yaá tɔ́ɔ mɛ. Nyáá vá ngáá lói ngɔ́ɔ́ ti lɔ́ve ti láitii su ngáá ndɔlɛí, sífaa tɛingaa h̃u taá vúw̃a ngáá ndɔlɛí pélei h̃u.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 9:11

Kɛ́ ná faŋaí i Jísu w̃aa woo ỹɛ́nini tí toní mba. Jísu va i lokohéini ti wu, í yɛ́pɛ ti yéle kɔwɔ́ato Ngalángi w̃ásandai wa. Ná vólu, í sítii mbaló ti bɛ́ndɛngɔ í ɣɛ́i lá mbaló fááw̃a.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 9:13

Kɛ́ Jísu i ti woo yápoteni, i ɣɛ ti w̃a, “Wá ɣéle a mɛɛní hé ti yaá tí mɛ.” Ti Jísu woo yápoteni, ti ɣɛ́ ma, “Bilé búsa ndɔ́ɔ́lungɔ lɔ nɔ́ɔ í ni yaá mbéinda ɛ́ɣɛ nyɛɛ busá félengɔ. Kɛ náá hɔ́ɔ naá lí ní mɛɛní yáa faŋa walái sí yɛ.”

NJƆÚ 6:1

Ná naá ná í gúlani su, kɛ Jísu i Galéli Yɛ Walaí na lévenga, maa njɛ́i ná taá tóli mɔ́ɔ́ ngáá Tebɛliya Yɛ Walaí.

FÉLEPA 1:19

bɔw̃álale ngí kɔ́lɔ ngáá wú Yála fɛlindáitii ɛ́ɣɛ kpɔmbaí Hɛ́ɛ́ma Ỹínangi lɛ́i Jísu Kílisitii í máa gúúlo mboní táá fe mbɛ́ tiyá lɔɔ vá kɛmá ngáá háwu ngúmaa í wo.