Keela woó vándai Lúu í pɔ́nɛni kɔwɔ́ato Jísu Kílisitii wa LÚU 8:3 - Kɛ́lɛ Niinaí

³ Ti lɛ́ingaa ti ɣɛ́i ngáá Jowána sí ngi h̃íỹɛngi i ɣɛi ngáá Kúsa. Kúsa va i ɣɛi áá Hɛ́lɔdi yaá wɔ́lingaitii kpɛ́lɛɛ mááh̃u belé. Nyah̃ái sí taa ɣɛ ma Susana ɛ́ɣɛ nyah̃á vékaa bih̃íw̃aa tiyá lɔ ti ɣɛ́i taa bɔ́ Jísu wa taá polú yélaitii ngáá yaá wɔ́lingaa.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 8:3 Iomraidhean Croise

MÁFIYU 14:1

Ná h̃u Masangí Hɛ́lɔdi í sí w̃áá woo ỹɛ́nini Jísu í ɣɛ́i áá kɛ,

MÁFIYU 14:3

Masangí Hɛ́lɔdi i kisiyái sí wói, bɔw̃álale, sí ɔ́ɔ́ ɣɛ́ p̃ɛ́ɛ́ í ɣɛ́, i ɣɛi náá Hɛlɔ́diya yeɣéi, ngi ndéɣe Félepi ỹah̃aí ngáá ngi ỹáh̃a. Aáva Nguya Wo Mɔ́i Njɔú i ɣɛi áá nde Hɛ́lɔdi w̃a, áa ɣɛ́ ma, “Aa pele w̃a ngáá yɔ́ɔ́ í ndéɣe Félepi ỹah̃aí Hɛlɔ́diya yéɣe ngáá í ỹáh̃a.” Náá hááw̃a, Masangí Hɛ́lɔdi i ndeí ngáá tí Njɔú hóu, tí ngíli, tí píli kpindi vɛlɛ́i wu.

MÁFIYU 14:6

Ná folói sí tí Masangí Hɛ́lɔdi leí ma í ɣɛ́i áá fóloma, nungáitii tí yatɛ́i mba maa gúi w̃a, Hɛlɔ́diya nyah̃áloi i ndoolíí wóni nungáitii kákala. Ndoolií ná lɔ́ í Hɛ́lɔdi liilɛ́ini tɔ́ tɔ́.

MÁFIYU 2:11

Ti wálai náa maa vɛ́lɛi wu, tí ndoí lɔ ɛ́ɣɛ ngi njéé Mɛɛloí. Kɛ ti hítɛnga wúmbu ya, tí ngufema hé ndói yɛ. Tí tí yandɔ́ɔ́lɔ nyakáitii ndaa wói náa tí ndói w̃áábatɛngaitii fé ngeyá. Maabatɛ́ngaitii tí ɣɛí ngáá, góólii ɛ́ɣɛ ngɛ́ingai nátii ti hɔ́w̃ɔ bangɔ́ walaí taa ɣɛ́ tí w̃a filakísɛngi ɛ́ɣɛ mɛ́i.

MÁFIYU 20:8

Ná kpindí í vɛ́lɛni, kpelé w̃ɔ́i i ɣɛi ngi héimai w̃a, ‘Ngenge mbélaitii tolí yí tí páva, yí tɔkúla héi ngáá sítii ngí ti yeɣengɔ́ ngapúmai, yí ngákɛɛlɛ ngáá sítii ngí ti yeɣéngɔ hése.’

MÁFIYU 25:40

Masangí aa ti woo yápote náa, i ɣɛ ti w̃a, ‘Ngí tɔɔỹái le wú w̃á, sí fíli wú kɛ́ni nungái sítii ti tá yílaa mbɛ́ ngakpá ngáa ɣɛ́i tí yɛ, kɛ́ ti ngáá ní vóngaa ɣɛ kíli, wú kɛngɔ́ mbɛ́.’

MÁFIYU 26:11

Nyaani yélaitii tiyá lɔɔ ɣɛ́ wú lííwaa hɔ́wɔ fíli, kɛ́ ngáá vaamá ɣɛmá wú lííwaa hɔ́wɔ fíli.

MÁFIYU 27:55

Nyah̃aá bih̃íw̃aa ti ɣɛ́i na, ti lóóni góóh̃ama táa náa béle. Tí ɣɛ́i ngáá Jísu waa bɔ́mba yélaa. Tí lói Jísu wa ti híɣe Galéli.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 24:10

Sítiini ti ɣɛ́i liiní kambái ŋál̃a ti ɣɛi ngáá Mɛɛloí, Magadála taí h̃uu w̃ɔ́i ɛ́ɣɛ Jowána ɛ́ɣɛ Jimisí njéé Mɛɛloí ɛ́ɣɛ nyah̃á vékaitii. Tiyá lɔ ti fái sí h̃úúɣɛni ngáá sítiini Jísu i lokoloní ti wa ngáá Ngalángi géélaitii.

NJƆÚ 12:6

Taá ɣɛi ndo tɔ́ Júdɔ í ɣɛ́i su ngáá nyaani yélaitii ná lɔ í sí leí faaw̃a, kɛ́ laá ɣéle, i ndení sífaa i ɣɛi ngáá ŋuỹá w̃ɔ́ɔ́. Laá lɔ́ í ɣɛi ngáá ti bɔ́ma gápa ngandɔ́ɔ́lɔ mɔ́i, aáva ɔ́ɔ́ ta yeɣé mba í faa ɣɛ́ la bɔwɔ́ haáw̃a.

TI GƐ́Ɛ́ HAÍTII 13:1

Átiyɔ taí h̃uu Yála fɛli mbélaitii su Ngalá ndaa háá lé mbélaitii ti ɣɛ́i na kpahangɔ́ kaamɔítii mba. Aáva ti ɣɛ́i ngáá Bánaba, ɛ́ɣɛ Símiyɔ lɛ́i tɔ́ɔ́ tolí ngáá Nuu W̃áá Lɛingí, ɛ́ɣɛ Lúsɔ lɛ́i í gúlani taí sí h̃u taá naa lolí ngáá Saílini, ɛ́ɣɛ Manééyɔ lɛ́i taá Masangí Hɛ́lɔdi Átipa ti ɣɛ́i ngáá mbala lopo, ɛ́ɣɛ Sɔ́ɔ.

KƆ́L̃E GƆ́LƆI HELE KÉLEI 8:9

Wú faa wɔ́lɔ kɔwɔ́ato mu Lemɔ́i Jísu Kílisitii háá bɔwɔí wa a mu yɛ. Ná wáá ngáá, kíya bɛ́lɛ kpatɛngɔ í ɣɛ́i la i bɔwɔ́ ɣɛ́i ngáá nyaani w̃ɔ́ɔ́ wú hááw̃a ngáá kɛinɔɔ́ wú bátɛ láa ngi ỹáánii w̃áá vélei w̃a.

FÉLEPA 4:22

Ngalángi vóngaitii kpɛ́lɛɛ ti hái wú w̃a ngungí nda mɛ́ɛ́ sítii ma tí Lóómingai ti Lɔ́wɔlɔ W̃ása Ngwalaí vɛ́lɛ lowaí wu.

TÍMOTI HESENDAA GƆLƆÍ 5:10

Ponyah̃ái i ɣɛ́ ngáá nuu tɔwɔ́ vánda í mba, aáva áá ɣɛ́ maakɛ pánda vungɔ́ ngí léngaitii su. I ngáá nuu áá lókohei sotángaa wu ɛ́ɣɛ í ngáá ngufema háá ɣɛ́ mɔ́ɔ́ ngí mbála Yalá fɛ́li mbélaitii mbɛ, íwaa kpɔmba hé nungáá yɛ́ taa ɣɛ́ fáá báma h̃u aáva í bɔ́wɔ gúla kɛ́lɛma faa vánda vanda bih̃íw̃aa ɣɛ́ndaa h̃u.