Keela woó vándai Lúu í pɔ́nɛni kɔwɔ́ato Jísu Kílisitii wa LÚU 7:41 - Kɛ́lɛ Niinaí

⁴¹ Kɛ Jísu i faanɛ́ɛ́ séinga, i ɣɛ ta, “Siỹɛ́ félengɔ lɔ ti ɣɛ́i na, kɛ tí kule hóunga kule vɛ́lɛ mɔ́ɔ yiláá má. Kule vɛ́lɛ mɔ́i ná ngi gúlei i ɣɛi ngilángi w̃a ngáá suulɔ́vengɔ ngwala, pekaí va aa ɣɛi ma letéi.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 7:41 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 7:47

Faalɔ, ndo ngwálai sí í su ngáá ngé, i ngakɛ́a ngáá kɛ Ngalá ngí ngi háá ỹɔ́u bih̃i kpih̃ingí h̃úúhaalonga. Kɛ́ nuí fíli ngi háá ỹɔí ɛi ɣɛ bih̃i, ná suuhaa áá lo, ndongí áá ɣɛ maa w̃ɔ́i h̃u Ngalá fááw̃a aa ɣɛ gulo kw̃ɛ́ɛ́.”

LÓÓMI 5:20

Ngalá ngí saváitii féni Muusé yaá kɛinɔɔ́ faa ỹɔ́u ɣɛ́ndai ya ngí ɣɛ́ wɔ́ɔ́lɔ. Kɛ́ ná ná í ɣɛ́ni Ngalángi háá bɔwɔí ɣéle ngangí ɣɛ́i wɔ́ɔ́lɔ ngwala.

MÁFIYU 18:28

Kɛ ngenge mɔ́i ná i gulaá, í lí í ngi mbála yengé mɔ́i w̃áále, ngi gúlei í ɣɛi ná w̃á ngáá kápa kulo, kɛ í sóunga mbolóla áá ndiibá, áá ɣɛ́ ma, ‘Ní gúlei gúla!’

MÁFIYU 6:12

Yí ni háá ỹɔítii suuhaaló kɛ kíya nɔ́ɔ naá sítii suuhaaló taá fáa ỹɔ́u ɣɛ́ ngáá ni ye.

LÓÓMI 3:23

sífaa, nuu kpɛ́lɛɛ i faa ỹɔ́u ɣɛ́a aáva nuu fíli áá na yɔ́ɔ́ ɣɛ́ faa ỹɔ́u áá su kíya Ngalá ngí ná faa ỹɔ́u áá su.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 11:4

Ni háá ỹɔítii suuhaaló sífaa niỹá bɛ́lɛ naa sítii suuhaaló taá faa ỹɔ́u ɣɛ ngáá ni ye. Yálaa kɛ ngáá háwu suugɔvɔ́ kpángɔ ɔ́ɔ́ vá ni yelé ɔ́ɔ́ kɛ́ nɔɔ́ faa ỹɔ́u ɣɛ.’ ”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 13:4

Jísu í mɔ́ɔ ɣɛ ti w̃a, “Nuu púúngɔ maah̃úú ngwáhakpangɔi sítii pá náa ngeleya pɛ́lɛi í wóloni ti w̃a í ti váani taí sí h̃ú taá náá lolí ngáá Sáilow̃ɔ, aa lɔ́ wú gí ma ti ɣɛ́i ngáá faa ỹɔ́u yélaa wala í lɔ́ve sítii kpɛ́lɛɛ mbá ti ɣɛ́i Jɛlúsɛl̃ɛ taa h̃u?

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:48

Kɛ́ ngénge mɔ́i sí ɛi ɣɛ kɔlɔ́ sí í ngáá ngi núu walaí liivó fái, laáva í faa ɣɛ́ í ngáá ndeve haá ɛi ndeve bih̃íngɔ w̃aahɔ́lɔ. Bɔw̃álale nuí fíli Ngalá ngáá ŋani hé ngéya bih̃í kulé lɔ́ má í fé bih̃í, nuí vá Ngalá ngáá fé ngéya bih̃í ngwala kulé lɔ́ ma í fé bih̃í ngwála.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 6:37

Kɛ́ Jísu i ti woo yápoteni, i ɣɛ ta, “Wá ɣéle a mɛɛni hé ti yaá, tí mɛ.” Kɛ ti ɣɛ́a Jísu w̃a, “Ná ná áá ɣɛ́, ná naá ɣɛ́ ní bilé yáa í kulaɣɛ sítii kínɛi mbá kɛ kaní kóle hɔ́ndɔ félengɔ aa ɣɛ ngáá ná. Niyá lɔ naa ná l̃ɔ́ingi yéɣe, ní maa híya bilé w̃á, ní fé sítii ngeyá, tí mɛ?”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 7:40

Kɛ Jísu i yɛpɛngá ngéle, i ɣɛ ma, “Sáimɔ, faa lɔ kí ma ngáá ngí ndé í w̃a.” Kɛ Sáimɔ i ngoo yápotenga, i ɣɛ ma, “Tóko lɔ mbu, Kaamɔ́ɔ́, nde má.”