Keela woó vándai Lúu í pɔ́nɛni kɔwɔ́ato Jísu Kílisitii wa LÚU 7:2 - Kɛ́lɛ Niinaí

² Lóómi hoya nuu wala yiláá ngi ɣɛ́i na, i ɣɛi sóya hɔ́ndɔ ngiláá mááh̃u. I ɣɛi loí ngáá ngi lúwɔ lopoí ta ngwala, ná vá seebɛngɔ́ i ɣɛi lá ngwála, i saa lowá la.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 7:2 Iomraidhean Croise

MÁFIYU 27:54

Sóya nuu walaí ná ɛ́ɣɛ sóyai sítii ti ɣɛ́i mba táa Jísu w̃aah̃ú belé, ná tí ndɔwɔlɔ́i lɔní í bɛ́lini, ɛ́ɣɛ sí kpɛ́lɛɛ í híyai na, nduwái i vuí tí h̃u. Kɛ ti ɣɛ́a tá, “Tɔɔỹaá kái kai té, i ɣɛngɔ ngáá Ngalángi H̃íỹɛndou Loí!”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 23:47

Ná sóya nuu walaí í fái sí lɔní í híyani, i Ngalá tɛ́ni, i ɣɛ ta, “Tɔɔỹaá hááw̃a, faa ỹɔ́u fíli aa ɣɛngɔ siỹɛndópoi sí h̃u.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 7:1

Ná Jísu í vílani fái sítii kpɛ́lɛɛ ndéma nungáitii ma í ɣɛ́i loí ti ɣɛ́ kɔlɔ́, i liiní náa taí sí h̃u taá náá lolí ngáá Kapɛ́ɛ́niya.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 7:3

Ná Lóómi hoya nuu walaí ná í Jísu w̃aa woo yɛ́nini, i Júsuai ti gelé ɣele mbelái lɛingáá lɔvení ngáá ti lí tí nde Jísu w̃a í vá í ngi lúwɔ lopoí wálo.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 8:42

bɔw̃álale ngi ỹáh̃alou yiláá kpéngi í ɣɛ́i náa kɛní ngáá fowó púúngɔ maah̃úú félengɔ, i ɣɛi saa lowá la. Ná Jísu í ɣɛ́i áá li na, faŋaí i ɣɛi áá kpɛ́ɛ́ɣi.

TI GƐ́Ɛ́ HAÍTII 10:1

Siỹɛndópo yiláá taa ɣɛ́ ma Kɔníliya, í ɣɛi taí sí h̃u taa náá lolí ngáá Sɛsɛ́liya. Kɔníliya sí i ɣɛi Lóómi hóya hɔ́ndɔ ngilá mááh̃u ngáá ti núú walai. Ngi gúúwui sí va i ɣɛi sóya bɔsɔwɔngí h̃u taa tolí ngáá Étɔli Bɔsɔwɔngí.

TI GƐ́Ɛ́ HAÍTII 10:7

Ná Malékai sí í yɛ́pɛni Kɔníliya yelé í lííni, kɛ Kɔníliya i ngi yénge mbelaa félengɔ lolínga taá ngu maa hóya yiláá sí í ɣɛ́i bɔwɔ́ gulaní kɛlɛ́ma Ngalá mbɛ.

TI GƐ́Ɛ́ HAÍTII 22:26

Ná sóya nuu walaí ná í ngói ná ỹɛ́nini, i liiní, í vólu haa lé ti w̃ááh̃u w̃ɔ́ɔ́ walaí w̃a, í mɔ́ɔ́ni, i ɣɛ ma, “Ndeé lɔ náa yáá vá kɛmá, sífaa siỹɛndópoi sí lɔ ngáá Lóómi lɔwɔlɔ h̃uu w̃ɔ́ɔ́.”

TI GƐ́Ɛ́ HAÍTII 23:17

Kɛ Pɔ́ɔ i sóya nuu wala yiláá tólinga, i ɣɛ ná w̃a, “Lí lɛ́ɛ kái ngáá siỹɛndóu lói sí wú w̃ááh̃u w̃ɔ́ɔ́ walaí yéle. Njɛpɛ lɔ nda ngáá í súúɣɛ lá.”

TI GƐ́Ɛ́ HAÍTII 27:1

Ná suubátɛngɔ í ɣɛ́i náá lá ngáá ni víli kelé ngwálai h̃u, ni li ndɔwɔlɔ́i sí h̃u taá naa lolí ngáá Étɔli, Pɔ́ɔ ɛ́ɣɛ pelésina vekaa lɛingáá tí tí hení Lóómi hoya nuu wala yiláá ngéya tɔ́ɔ́ ɣɛ́ ma Júliyɔ. Aáva i ɣɛi ngáá nuu wála sóya bɔsɔwɔngí sí h̃u taa tolí ngáá Lóómi Lɔwɔlɔ́ W̃ása Ngwalaí Bɔsɔwɔngí.

TI GƐ́Ɛ́ HAÍTII 27:3

Ngele vekái náá í wóni, ní fóloni taa walái sí h̃u taa náa lolí ngáá Sáidɔ, ní ló na. Júliyɔ ngi lúva vele vanda w̃a ngáá Pɔ́ɔ, i bení Pɔ́ɔ wa ngáá ná í li ngi mbálangaitii ngelé kɛinɔɔ́ sí laá Pɔ́ɔ áá béɣe ma, nátii tí fé ngeyá.

TI GƐ́Ɛ́ HAÍTII 27:43

Kɛ́ sóyaitii ti núu walaí aa ɣɛi loní Pɔ́ɔ lɛɛh̃úi ɔ́ɔ́ ỹááni. Faalɔ, i pele levéni ti lɔ́wɔ ngáá tálaa ná ɣɛ. I ndení náa sítii ma táa lɔ́mbu, ná vólu, tɔ́ɔ́ ndafé mbó ngáá nátii ti víli hése njɛí ya, ti lí kaséngi ya.

KƆLƆ́SE 3:22

Wɛ́i wú ngáá nduwɔ lopoáitii, a waayaa goló wú w̃ááliɣiaitii mbɛ faa kpɛ́lɛɛ su. A yakpá wááyaa tí lii lá, aáva álaa ɣɛ́ nɔ́ɔ ngáá ti yaah̃u haa kɛinɔɔ́ ti lokohéi wú wú. A waayaa yenge ti yɛ ngáá ndiiwolé ngáá sífaa, Ndemɔí Jísu wufema í wú yáá.