Keela woó vándai Lúu í pɔ́nɛni kɔwɔ́ato Jísu Kílisitii wa LÚU 7:16 - Kɛ́lɛ Niinaí

¹⁶ Nungái sítii kínɛi ti ɣɛ́i na, ti h̃úúlaahengɔ i ɣɛi lá ngáá nduwái, tí pɛ́lɛ Ngalá tɛ́ma. Ti ɣɛ́i taa ɣɛ́ ta, “Ngalá ndaa háá lé mɔ́ɔ wala i vaá a mu liiwáá.” Ti mɔ́ɔ ɣɛ ta, “Ngalá ngí vaá ngáá í bɔ́ ngi vóngaitii mba.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 7:16 Iomraidhean Croise

MÁFIYU 15:31

Nungáitii kindáá vílingɔ i ɣɛi lá ngwála ná ti bóboai tɔí táa yɛ́pɛ, nɔɔnɔ yeláitii ti walóngɔ, tí mɛŋɛl̃ɛ́ yélai tɔ táa híya, ɛ́ɣɛ tí mbole yélai tɔ táa ỹandá lɔ, aáva ti kpɛ́lɛɛ ti Ísulɔ yeláitii ti Yálangi laaw̃áálɛi.

MÁFIYU 21:11

Kɛ́ faŋaí i ngapótei, ti ɣɛ́ ta, “Jísu lɔ ngáá sí, Ngalá ndaa háá lé mɔ́i í gúlangɔ Násɔlɛ taí h̃u, Galéli lataí h̃u.”

MÁFIYU 28:8

Kɛ nyah̃ái nátii ti híɣea kambái ŋál̃a ngáá suuhulángɔ nduwái i ti h̃u. Kɛ́ ti h̃úúlaahengɔ ngáá kooh̃unɛ́ɛ́ tíwaa lí ngáá viliỹɛ́ ngáá tí ndé Jísu volú yélaitii ma.

MÁFIYU 9:8

Ná fáŋai í sí ŋál̃a lɔní, ti h̃úúlaahengɔ i ɣɛi la ngáá nduwái, aáva tí Ngalá ndaaw̃áálɛi ngakpa táálii ná hé fááw̃a nuu búsaa yáa.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:65

Sítii ti ɣɛ́i kovíi ná h̃u, ti kpɛ́lɛɛ ti h̃úúlaahengɔ i ɣɛi lá ngáá nduwái. Aáva faí sítii kpɛ́lɛɛ maa woo í híyani ngihe ngihé tataí ná h̃u taá náá lolí ngáá Judíya.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:68

“Bɛlɛ́ Ndemɔí Ngalá ndaaw̃áá í lɛ́, lɛ́i í ngáá Ísulɔ yeláitii ti Yálangi. Bɔw̃álale i vaangá aáva i ngi vóngaitii ngumááwonga.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 19:44

Aáva taa wú vɛ́lɛitii nyaaní pɔ́lɛɣɛ pɔ́lɛɣɛ ɛ́ɣɛ wá gítei. Kɔtu yiláá kéle tɔ tɛí ndo lááni ngi mbála w̃aah̃u í pɛlɛ́i h̃u, bɔw̃álale wáá ɣɛ́i folói sí wɔ́lɔ Ngalá ngí vááni wú wúmaawoma!”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:20

Mbaala w̃ááh̃u béle mbélaitiini tí yángaimani, táá Ngalá ndaaw̃áálɛ fái sítii kpɛ́lɛɛ fááw̃a tí mɛ́nini, tí naa lɔ kɛ kíya nɔ́ɔ malékai í ndéni tí w̃a.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 24:19

Kɛ Jísu i ti w̃ɔ́ɔ́ninga, i ɣɛ ti w̃a, “Ndee háa?” Kɛ ti ngoo yápotenga, ti ɣɛ ma, “Faí sí í híyangɔ ngáá Jísu, Násɔlɛ taí h̃uu w̃ɔ́i. Siỹɛndópoi ná í ɣɛ́ngɔ ngáá Ngalá ndaa háá lé mɔ́ɔ ngakpángɔ ngwala ndaa wóó h̃u ɛ́ɣɛ tuva gilí h̃u. Ngalá pa taa nungáitii ti lokoheíni mbu.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 5:26

Nuí kpɛ́lɛɛ ti ɣɛ́i na, ti gindáá vílingɔ i ɣɛi lá. Kɛ tí pɛ́lɛnga Ngalá tɛmá, ngi lúwambai í ti h̃u. Kɛ ti ɣɛ́a ta, “A mú kɔ́ɔ́lamba háá wála ŋál̃aa lɔngá hááwɔ.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 5:8

Ná Sáimɔ Pítɛ í fái sí ŋál̃aa lɔní, i laní Jísu yɛ, i ɣɛ ma, “Hiɣe kpéla, yí lí, kawálai. Nyá lɔ ngáá faa ỹɔ́u w̃ɔ́ɔ.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 7:15

Kɛ siỹɛndóu loí sí saangɔ́ í ɣɛ́i ɣɛi lá i yooɣéa í héi í pɛlɛ njɛpɛí vúma. Kɛ Jísu i ɣɛa maa h̃íỹɛndou loí njéé w̃a, “Í lói lɔ ngáá sí.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 7:39

Ná Falósi w̃ɔí sí í ɣɛ́i Jísu lolíni ngi vɛ́lɛ lá í fái sí ŋál̃aa lɔní, kɛ i ndengá gí ma, i ɣɛ ta, “Kɛbei siỹɛndópoi sí i ɣɛi ngáá Ngalá ndaa háá lé mɔ́ɔ kái kái, ɔ́ɔ ɣɛ́ kɔlɔ́ ngáá kɛ ele wáa ngáá nyah̃ápoi sí áa lúba mba, ná vólu, kíya kɛ kíli í na. Ɔ́ɔ mɔ́ɔ ɣɛ́ kɔlɔ́ ngáá nyah̃ápoi sí lɔ ngáá faa ỹɔ́u w̃ɔ́ɔ.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 8:37

Nungái sítii kpɛ́lɛɛ pá ti ɣɛ́i tataí sí h̃u taá náá lolí ngáá Gɛlása tí ndéni Jísu w̃a ngáá í gúla ti látai h̃úu wá bɔw̃álale ti h̃úúlaahengɔ i ɣɛi lá ngáá nduwái. Faalɔ, Jísu i viliní keléngi h̃u, í gúla naa wa.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 9:19

Nátii tí ngoo yápoteni, ti ɣɛ́ ma, “Ti lɛ́ingaa ti ɣɛ́ Ngúya Wó Mɔ́i Njɔú wáá ngáá í ye, ti lɛ́ingaa va ti ɣɛ́ Ngalá ndaa háá lé mɔ́i Iláija waa ngáá í ye, kɛ́ ná fíli su ti lɛ́ingaa ti ɣɛ́ sítii wɔ́lɔ wɔ́lɔmai h̃u tɔ́ɔ́ Ngalá ndaa háá lé ti tá waa ngáá í ye, yí váángɔ volú ndɛɛh̃úi h̃u.”

NJƆÚ 1:21

Ti mɔ́ɔ́ mɔɔní, ti ɣɛ́ ma, “Ndeé w̃ɔ́ɔ́ waa hɔ́ɔ́ ngáá í ye? Ngalá ndaa háá lé mɔ́i Iláija waa ngáá í ye?” I ti woo yápotei, i ɣɛ ta, “Kpéle, ngáá ngáá Iláija.” Ti ɣɛ́ ma, “Yá lɔ́ yí ngáá nuí síí w̃ɔ́i taa ɣɛ́ ma Ngalá Ndaa Háá Lé Mɔ́i?” I ɣɛ ti w̃a, “Kpéle.”

NJƆÚ 1:25

tí Njɔú w̃ɔ́ɔ́ninga, ti ɣɛ́ ma, “Ná yɛ́i ɣɛ́ ngáá Ngalángi Lókolo Mbá W̃ɔ́i kɛlaa Iláija kɛlaa Ngalá Ndaa Háá Lé Mɔ́i, ndeé lɔ́ hɔ́ɔ́ i kɛ́nga yíwaa ngúya wo ngáá nungái?”

NJƆÚ 4:19

Kɛ nyah̃ápoi bɛ́lɛ i ɣɛa Jísu w̃a, “Kawálai, ngí ngatɔ́nga mba ngáá yá lɔ́ ngáá Ngalá ndaa háá lé mɔ́ɔ.

NJƆÚ 6:14

Ná nungái tí náa lɔ́ni Jísu i káámaa hái sí ɣɛ́ni, kɛ tí pɛ́lɛnga ɣɛ́ma ta, “Tɔɔỹáá kái kái te siỹɛndópoi sí lɔ í ngáá nuí síí w̃ɔ́i taa ɣɛ ma Ngalá Ndaa Háá Lé Mɔ́i ti ɣɛngɔ́ ta aa lɔɔ va ngeleí sí wu!”

NJƆÚ 9:17

Ngapúmai náa kɛ Falósiai ti mɔ́ɔ́ vótenga siỹɛndópoi wa Jísu í ɣɛ́i náá ngaah̃úi híɣei ma, tí mɔɔní, ti ɣɛ́ ma, “Ndeé lɔ́ í í gí ma ngáá yí ndé kɔwɔ́ato Jísu wa, sífaa yá lɔ í í yááh̃ui híɣengɔ ma?” Ná í ti woo yápoteni, i ɣɛ ta, “Aá lɔ́ ngáá Ngalá ndaa háá lé mɔ́ɔ́.”

TI GƐ́Ɛ́ HAÍTII 5:5

Ná Ananáya í ngói sí ỹɛ́nini, i h̃undɛní ndɔwɔlɔ́i wa, í há. Aáva nduwá wála i vuní nungáitii kpɛ́lɛɛ sú tí fái sí w̃aa woo ỹɛ́nini í ɣɛ́ni.

TI GƐ́Ɛ́ HAÍTII 7:37

Muuséi sí lɔ í ndéni Ísulɔ yeláitii ma, i ɣɛ ta, ‘Ngalá tɔɔ vá laa háá lé mɔ́ɔ́ gulamá wú bɔ́wɔ bɔ́wɔ vóngaitii ndiiwáá wú yɛ́ kíya nɔ́ɔ ngí na.’

GALÉSIYA 1:24

Faalɔ, ti ɣɛ́i taá sɛ́ɣɛɛ gula Ngalá má kɔwɔ́ato mbá.