Keela woó vándai Lúu í pɔ́nɛni kɔwɔ́ato Jísu Kílisitii wa LÚU 5:12 - Kɛ́lɛ Niinaí

¹² I ɣɛi ngáá hɔ́wɔ ta, ná Jísu í ɣɛ́i taa walá yiláá sú, siỹɛndópo yiláá nduwu w̃aa heebɛ́ ỹɔ́u ỹɔungí í ɣɛ́i gulaní nduwú w̃a hááli haali i Jísu lɔní. Kɛ i liinga í lá mbɛ, i ɣɛ ma, “Kawálai, ngí kɔ́lɔ yáá hómbo yí mbálo ná yáá ɣɛ́ lói yí kɛ.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 5:12 Iomraidhean Croise

MÁFIYU 26:6

Ná Jísu í ɣɛ́i taí sí h̃u taá tolí ngáá Bɛ́tani, i ɣɛi siỹɛndópo yiláá ngi vɛ́lɛi wu tɔ́ɔ́ ɣɛ ma Sáimɔ, nduwu w̃aa heebɛ́i í ɣɛ́i náa bení mba.

MÁFIYU 9:28

Ná Jísu í lɛ́ɛ́ni pɛlɛ́i wu, mbole yeláá félengɔi nátii tí líí náa ngelé. Kɛ Jísu i ti w̃ɔ́ɔ́ninga, i ɣɛ ti w̃a, “Wú langɔ́ɔ́ lé lá ngáá, ngáá hómbo ngí wú wálo?” Nátii ti ngoo yápoteni, ti ɣɛ́ ma, “Ééi, Kawálai!”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 5:23

i maanɛ́ɛ́nɛ ngáá hɛmbɛ́ fíli, i ɣɛ ma, “Ní ỹáh̃alou guloí lɔ náá saa lowá la. Vá kái, yí loko vɛ́lɛ ma kɛinɔɔ́ í wálo kái álaa há.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 17:16

I liiní, í bé bɔwɔ́ wa, í gúla Jísu gɔwɔ́ wú, í sɛ́ɣɛɛ gulá ma. Siỹɛndópoi sí va í ná ɣɛ́ni, i ɣɛi ngáá sotá, Samááliya w̃ɔ́ɔ i ɣɛi lá.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 5:13

Kɛ Jísu i loko h̃úúhulombonga, í lúba siỹɛndópoi wa, i ɣɛ ma, “Ngí lúw̃anga ngáá ngí i wálo. Faalɔ, wálo.” Aáva ngamá nɔ́ɔ nduwu w̃aa heebɛ́ ỹɔ́u ỹɔungí ná í walóni siỹɛndópoi ná w̃a.

HÍBULU 7:25

Náá hááw̃a, nuí fíli áá lí Ngalá ngéle Jísu w̃áá véle w̃a, Jísu aa hómbo í maa w̃ɔ́i wumááwo kpésekele bɔw̃álale, lɛ́i í ngáá Jísu aá lɔ́ na kúnafɔ íwaa yɛ́pɛ nungáitii faaw̃a Ngalá ngéle.