Keela woó vándai Lúu í pɔ́nɛni kɔwɔ́ato Jísu Kílisitii wa LÚU 5:10 - Kɛ́lɛ Niinaí

¹⁰ Aáva ngimɔ́ɔ́ nɔ́ɔ jɔ́ í Sɛ́bɛdi h̃iỹɛndou lou félengɔitii kíndaa vílini, tiyɛ́i tɔ́ɔ ti lolí ngáá Jimisí ɛ́ɣɛ Njɔú aáva ti ɣɛ́i ngáá Sáimɔ mbálangaitii nyɛɛ́ bɛ fái h̃u. Kɛ́ Jísu i ɣɛi Sáimɔ w̃a, “Yaa lúwa, í séi hááwɔ w̃a í lí ngáá naa lúwɔɔ, yá lɔɔ ɣɛ́ yáá nungáá w̃ááloli Ngalá mbɛ.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 5:10 Iomraidhean Croise

MÁFIYU 13:47

Ná vólu, i mɔɔ faanɛ́ɛ́ngi ta héini tí yɛ, i ɣɛ ta, “Ngalángi w̃ásandai ɣɛ́ kíli gúlangɔɔ lé nɔ́ɔ mɔ́ɔ ngáá faanɛ́ɛ́ngi sí. Nyɛɛ bɛ́ mbélai tɔ wɔ́lɔ ti ɣɛ́i na, kɛ tí tí ỹɛ́ɛ́ bɛ mbów̃ai vílinga njɛ wálai wu. Kɛ nyɛɛ híí bih̃íw̃aa ti vílinga su.

MÁFIYU 14:27

Kɛ́ Jísu i yɛpɛní ti yelé ngáma i ɣɛ ti w̃a, “Nyáá le. A waa lúwa!”

MÁFIYU 20:20

Kɛ Sɛ́bɛdi ỹah̃aí i vaá Jísu yelé ngáá ngi h̃íỹɛndou lou félengɔi í lá Jísu yɛ í mɔ́ɔ́ni faa bɔ́wɔ haaw̃a.

MÁFIYU 4:19

Jísu i ɣɛi ti w̃a, “A vá wú hítɛ pólu aáva ngáá wú gálambo wáá kɛ ngáá háwu nungáá táa ɣɛ́ ngáá pólu yelaa.”

MÁFIYU 4:21

Ná mɔ́ɔ í lɔ́vei míl̃anda w̃a, i siỹɛ péka félengɔ lɔ́i ti ngáá njee koo h̃u yiláá. Ti ɣɛ́i ngáá, Jimisí ɛ́ɣɛ ngí ndéɣe Njɔú, Sɛ́bɛdi h̃iỹɛndou lengáitii. Ti ɣɛ́i keléngi h̃u taá ti kɛ́ɛ́ɣɛni, táá tí ỹɛ́ɛ́ bɛ mbów̃aitii suuhɔlɔ́ sɔ́lɔ. Jísu í tí lolíni ngáá ti hítɛ polú.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 1:17

Kɛ Jísu i ɣɛa ti w̃a, “A vá, wú hítɛ pólu aáva ngáá wú gálambo wáá kɛ ngáá háwu nungáá táá ɣɛ́ ngáá pólu yélaa.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 5:7

Kɛ tí loko ɣɛa ngáá ti mbálangaitii míŋa míŋa ti ɣɛ́i kelé pékai h̃u ngáá nátii ti vá ti bɔ́ ti wa. Aáva nátii tí liiní na tí kelé séi h̃u félengɔitii ndaahé ngáá nyɛí ngáá i loí naá kulo tí lɔ́mbu.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 5:9

Laá ɛ́ɣɛ ngi mbálangaitii kpɛ́lɛɛ, ti gindáá vílingɔ i ɣɛi lá ngwala ngáá nyɛí h̃ɔ́ingi tí sóuni.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 6:14

Sáimɔi sí Jísu í ndaahéini ngáá Pítɛ i ɣɛ́i na ɛ́ɣɛ ngi ndeɣé Ándulu, Jimisí, Njɔú, Félepi, Batólomiyu,

NJƆÚ 21:2

Jísu volú yélaa lɛingáá ti yatɛ́ngɔ í ɣɛ́i la mba ỹanda yílaa. Sítii pa ti ɣɛ́i na ti laahéingitii ti ɣɛ́i ngáá, Sáimɔ Pítɛ ɛ́ɣɛ Tɔmɔsí lɛ́i tɔ́ɔ́ tolí ngáá Heelangí ɛ́ɣɛ Natáániyɔ lɛ́i í gúlani Kéna taí h̃u í Galéli lataí h̃u ɛ́ɣɛ Sɛ́bɛdi h̃iỹɛndou lengáitii ɛ́ɣɛ Jísu volú yélaa vekaa félengɔitii.

TI GƐ́Ɛ́ HAÍTII 2:4

Ngalángi Hɛ́ɛ́ma Ỹínangi i yeiní ti kpɛ́lɛɛ má aáva tí tɔkúla héini naa ngáá yɛpɛndáá híí woo vekaítii su kíya nɔɔ́ Hɛ́ɛ́ma Ỹínangi ɔ́ɔ́ maa yákpangi he ti yilá ngíla mbɛ́.

KƆ́L̃E GƆ́LƆI HELE KÉLEI 8:23

Táitɔ lɔ ngáá ní mbála naá laá náa yénge ngáá ni bɔ́ wú wá. Kɛ́ Ngala fɛ́li mbélaa veka félengɔitii taá tiyéni táá vá, nátii tɔ ngáá Ngalá fɛ́li mbélaitii ngááh̃u aáva ti yéngengi aa va ngáá ngufema Kílisitii yɛ.

TÍMOTI GƆ́LƆI HELE KÉLEI 2:26

Aáva ná aa kɛ ti géle ɣele ti gula sí h̃u kulangɔ ngáá ndɛndɛ́ Ngutuwɔ́ Ỹína Nyɔí í tí hóungɔ lá lɛ́i ti golongɔ́ í ɣɛ́ngɔ lá mbu.