Keela woó vándai Lúu í pɔ́nɛni kɔwɔ́ato Jísu Kílisitii wa LÚU 4:41 - Kɛ́lɛ Niinaí

⁴¹ Ná volú mɔ́ɔ, Jísu i ỹína nyɔítii tevéni nuu bíh̃iw̃aa volú. Aáva ná tɔ́ɔ ɣɛ́ taa léve nungáitii polú tɔ́ɔ ɣɛ́ taá woo gúla gbél̃eiŋ, tíwaa ɣɛ́ ta, “Yá kái kái tɔ́ yí ngáá Ngalángi H̃íỹɛndou Loí!” Kɛ́ Jísu i kpaní tí w̃a ngáá kule ngáá tí w̃áá ɣɛ ló. Aa kɛní tɔɔ yɛ́pɛ bɔw̃álale ti ɣɛ́i kɔlɔ́ ngáá láa lɔ í ngáá Ngalángi Lókolo Mbá W̃ɔ́i.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 4:41 Iomraidhean Croise

MÁFIYU 26:63

Kɛ́ Jísu i w̃aa ɣɛí ló. Ngala sááɣa gula mbélai ti wutúwɔɔ w̃ɔ́ɔ́ wálai ná i mɔɔ yɛpɛí Jísu yelé, i ɣɛ ma, “Ndɛɛh̃u Yálangi laahéingi h̃u, ngí í wálanga kpɛɛna mbú. Nde ni w̃a, ná yá lɔ yáá ɣɛ́ ngáá Ngalángi Lókolo Mbá W̃ɔ́i, Ngalángi H̃íỹɛndou Loí.”

MÁFIYU 4:3

Kɛ Ngutuwɔ́ Ỹína Nyɔí i vaangá ngéle, i ɣɛ ma, “Ná yá lɔ tí yáá ɣɛ́ ngáá Ngalángi H̃íỹɛndou Loí, kɛ nde ná kɔtuí sítiini ma ti vóte ngáá mɛɛní.”

MÁFIYU 8:16

Ná kpindí í vɛ́lɛni, nungáá tí vááni ngáá nuu bíh̃iw̃aa ỹína nyɔí í ɣɛ́i ti volú. Jísu va i ndení ỹína nyɔítii ma ngáá ti levé ti volú aáva ti lévei ti volú. Ná vólu, i seebɛ́ yeláitii kpɛ́lɛɛ mbáloni.

MÁFIYU 8:29

Ná nɔ́ɔ léi siỹɛ́ félengɔi nátii ti Jísu lɔní, ngamá nɔ́ɔ kɛ tí woo gúlaa gbél̃eiŋ, ti ɣɛ́ ma, “Ndeé lɔ í lóngɔ yí kɛ ngáá ni ye yɛ́i yí ngáá Ngalángi H̃íỹɛndou Loí? Yí váa ngáá yí faa bá ndá ni w̃a p̃ɛ́ɛ́ kuí ɣéle ɔ́ɔ́ ɣɛ́a folóma ɣéla?”

MÁFIYU 8:4

Kɛ Jísu i ɣɛa ma, “Yaá fái sí le nuu fíli má. Kɛ́ lí Ngala sááɣa gula mɔ́i yelé, í í hɔ́bɛ. Ná ná áá ɣɛ́, yáá sááɣai sí gúla náa kɛ kíya Ngala sávai í fengɔ́ Muusé yaá í ndéngɔ. Ná lɔ́ áá kɛ nungáitii kpɛ́lɛɛ taá ɣɛ́ kɔlɔ́ ngáá kɛ yí wálonga.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 1:25

Kɛ́ Jísu i kpaní ỹína nyɔí w̃a ngáá kule, i ɣɛ ma, “W̃áá ɣɛ lo, yí léve siỹɛndópoi sí vólu!”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 1:32

Kpindí vɛ́lɛ w̃aí naa ngáá folói vílangɔ í ɣɛ́i náa la, nungáitii tí vaaní ngáá seebɛ yeláitii kpɛ́lɛɛ ɛ́ɣɛ sítii ỹína nyɔítii tí ɣɛ́i ti volú Jísu yelé.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 1:34

Jísu va i ti bih̃íw̃aa wáloni sítii seebɛ híí gɛ́vɛlɛ kɛvɛlɛngí í ɣɛ́i ti wa. Ná vólu, i ỹína nyɔu bih̃íw̃aa léveni nungáitii pólu. Kɛ́ ɛ́i belé kɛ ỹína nyɔítii tɔɔ yɛ́pɛ, sífaa ti ɣɛ́i kɔlɔ́ ele wáá ngáá laá.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 3:11

Nungái sítii ỹína nyɔu ỹɔungai tɔ́ɔ́ ɣɛ́ ti volú, ná nɔ́ɔ léi tɔ́ɔ́ Jísu lɔ, tɔ́ɔ́ gúla kɔwɔ́ wú, tí bái ngeleya, ti ɣɛ́ ma, “Yá lɔ yí ngáá Ngalángi H̃íỹɛndou Loí!”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 4:39

Kɛ Jísu i liingá ngéle, í ndé kɔɔlɛ́hulai w̃a ngáá kɛ aa bé nyah̃ápoi ná wa. Aáva i bení mba. Kɛ maa nyah̃ápoi i yooɣénga nɔ́ɔ ngáma, í mɛɛni hé ti yɛ.

NJƆÚ 20:31

Kɛ́ sítii pɔ́nɛngɔɔ lé nɔ́ɔ ngáá wú lá lá ngáá Jísu lɔ í ngáá Ngalángi Lokoló Mbá W̃ɔ́i lɛ́i í ngáa Ngalángi H̃íỹɛndou Loí. Aáva ná ndángi ná áá ɣɛ wú h̃u, wáá ndɛ́ɛ́h̃u gítei w̃aahɔ́lɔ laá máa véle w̃a.

JIMISÍ 2:19

Wú lángɔɔ lé la ngáá Ngalángi yíla kpé. Ná vángɔɔ lé. Ỹína ỹɔítii kele tɔ ti langɔ́ɔ́ lé ngáá ná, aáva aa nduwá vú ti h̃u.