Keela woó vándai Lúu í pɔ́nɛni kɔwɔ́ato Jísu Kílisitii wa LÚU 4:1 - Kɛ́lɛ Niinaí

¹ Ná Jísu í híɣeni Jɔ́ɔ́dɛ Yɛí h̃u, Hɛ́ɛ́ma Ỹínangi i vuní su. Aáva Hɛ́ɛ́ma Ỹínangi i vaaní í peleí ɣɛ́ ngáá Jísu, í lí ngaalaí h̃u.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 4:1 Iomraidhean Croise

MÁFIYU 3:16

Ná nɔɔ́ léi Jísu í ngúyai w̃ááhɔlɔni, i gulaí náa njɛ́i wu. Ngamá nɔ́ɔ, kɛ ngeleí laa í wónga, í Ngalángi Hɛ́ɛ́ma Ỹínangi lɔ áá yéi ngáá í héi ma, i ɣɛi gulaí ngáá poovóó kɛ kíli.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:27

Hɛ́ɛ́ma Ỹínangi i kɛní ngáá háwu í lí Hɛ́ɛ́ma Yála Pɛ́lɛi góvii h̃u. Ná Mɛɛloíni ngaa Joosɛ́ ti líini ngáá Jísu kɛinɔɔ́ sí í ngáá ti ndá lúva vele savaí h̃u tí kɛ Jísu haaw̃a,

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 3:3

Naa h̃uu vá tɔ Njɔú í ɣɛ́i áá lɔ́ve tɔvé hááli hááli njɛí ná taá tolí ngáá Jɔ́ɔ́dɛ Yɛí maa látai h̃u. I ɣɛi áá Ngalángi géela woí le nungáitiini ma ngáá kɛ tí volú yáfe ti háá ỹɔítii mba, ti ngúyai w̃aahɔ́lɔ ti háá ỹɔítii suuhaaló fááw̃a Ngalá mbɛ.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 3:38

Kiŋa va i ɣɛi ngáá Íínɔsi h̃íỹɛndou loí. Íínɔsi va i ɣɛi ngáá Sɛtí h̃íỹɛndou loí. Sɛtí va i ɣɛi ngáá Ádau h̃íỹɛndou loí. Ádau va i ɣɛi ngáá Ngalángi h̃íỹɛndou loí.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 4:14

Kɛ Jísu i yangáimanga tátai sí h̃u taá náá lolí ngáá Galéli Hɛ́ɛ́ma Ỹínangi yákpangi h̃u. Aáva maa woo í híya híyani hááli tataí ná h̃u.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 4:18

“Ndemɔí Ngalángi Ỹínangi lɔ́ pólu, bɔw̃álale, i lokolongá mbá ngáá ngí kééla woó vándai lé nyaani yélaitii ma. I tɔ́venga ngáá ngí sítii ti wumááwondai w̃ááheehe wó ti ngáá pelésina, ná vólu, ngí mɔ́ɔ sítii mbaló ti ngáá mbole yeláa. Ngí mɔ́ɔ sítii ngumááwo ti ngáá nungáá taa ɣɛ́ faa báma h̃u.

NJƆÚ 1:32

Sí Njɔú i ɣɛi kɔlɔ́ aáva í ndení aá waa ngáá sí i ɣɛ́i ta, “Ngí Hɛ́ɛ́ma Ỹínangi lɔ́ni, íwaa yéi kíya poovóóngi áá ɣɛ́ áá yéi. I ɣɛi áá híɣe ngáá ngelegóóh̃u véle aáva ná i foloní ma, aa mɔɔ betéveni mba.

NJƆÚ 3:34

Sífaa lɛ́i Ngalá ngí tɔvengɔ́ Ngalá ndaa wóitii tɔ áá ndé. Laáva Ngalá ngi Hɛ́ɛ́ma Ỹínangi yákpangi kpɛ́lɛɛ féngɔ ngeyá.

TI GƐ́Ɛ́ HAÍTII 1:2

í lóngɔ su í foló folói ná h̃uu w̃a í lɛ́ɛ́ni ngelegóóh̃u. Aáva ɔ́ɔ́ ɣɛ́ p̃ɛ́ɛ́ í lɛ́ ngelegóóh̃u, i faa léni sítii ma í ɣɛ́i lokoloní tí wa ngáá Ngalángi géélaitii. I ndení tí w̃a Ngalángi Hɛ́ɛ́ma Ỹínangi yákpangi w̃aa véle w̃á sí kule í ɣɛ́i ti w̃a taa ɣɛ́a kɛ.

TI GƐ́Ɛ́ HAÍTII 10:38

Ná wáá ngáá, kíya Ngalá ngí ngi Hɛ́ɛ́ma Ỹínangi ɛ́ɣɛ ngi yákpangi yéini Jísu w̃a lɛ́i í ngáá Násɔlɛ taí h̃uu w̃ɔ́i. Ná vólu, kíya Jísu í ɣɛ́i áá lɔ́ve tɔvé áa faa vándaitii kɛ aáva áá nungái sítii kpɛ́lɛɛ mbálo ti ɣɛ́i Ngutuwɔ́ Ỹína Nyɔí yákpangi wu, bɔw̃álale Ngalá ngi ɣɛí Jísu laá polú.

TI GƐ́Ɛ́ HAÍTII 8:39

Ná ti gúlani njɛí wu, naa yaah̃ú w̃á nɔ́ɔ, Ndemɔí Ngalángi Hɛ́ɛ́ma Ỹínangi i Félepi gúlani náa naa wa aáva Ítiyopiya w̃ɔí ná vá aa mɔɔ tɔní. Kɛ́ Ítiyopiya w̃ɔí ná i ɣɛi áá lí ngáá gooh̃unɛ́ɛ.