Keela woó vándai Lúu í pɔ́nɛni kɔwɔ́ato Jísu Kílisitii wa LÚU 3:8 - Kɛ́lɛ Niinaí

⁸ A luva veléitii kɛ náa pele w̃a sí áá ngákɛ ngáá nungáitii ngáá wú vólu yáfenga wú háá ỹɔítii mba. Ná vólu, a waa pɛlɛ gisíyama ngáá wáá w̃áávela maa háá bamaí wa sífaa nɔ́ɔ wú ngáá Lébilah̃au laalá lengaa. Ngí tɔɔỹái le wú w̃á, Ngalá ngáá hombó í kɔtuí sítiini pote ngáá ndengáá Lébilah̃au yɛ.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 3:8 Iomraidhean Croise

MÁFIYU 21:43

Jísu í mɔ́ɔ́ ɣɛ ta, “Faalɔ, ngí ndé wú w̃a, Ngalángi w̃ásandai lɔɔ vá gulamá wú yáá í hé nungái sítii ngéya taa híya ngáá sí Ngalá ndóngɔ tí kɛ. [

MÁFIYU 3:8

Wú lúva veléitii ti ɣɛ náá pele w̃a sí áá ngákɛ ngáá nungáitii ngáá wú vólu yáfenga wú háá ỹɔítii mba.

MÁFIYU 3:9

Ná vólu, a waa gísiya ngáá wáá w̃aavéla maa háá bamaí wa sífaa nɔ́ɔ́ wú ngáá Lébilah̃au laala lengaa. Ngí tɔ́ɔ́ỹai le wú w̃á, Ngalá ngáá hómbo í kɔ́tui sítiini pote ngáá ndengáá Lébilah̃au yɛ.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 13:25

Ná léi nɔ́ɔ pɛlɛ́ w̃ɔ́i áá yóóɣe í pɛlɛ́i laabɔ́lu, wáá ɣɛ́ lóóni ngítii ya wáá pɛlɛ́i laa lúba wáá maanɛɛnɛ́ngi wo wáá ɣɛ́ tá, ‘Kawalái, pɛlɛ́i laawó kái ní lúwɔ.’ Kɛ́ aa wú wóó yápote, i ɣɛ wú w̃á, ‘Ngáá wú wɔ́lɔ kɛlaa mbéi wáá gúla na.’

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 13:26

Wáá vá wáá ngoo yápote náa, wú ɣɛ́ ma, ‘A mú laaỹɛ́nga ỹanda yílaa, ná vólu, yíwaa ni galámbo ni láitii su ngití wála wálaitii nga.’

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 14:9

Ná ná áá ɣɛ́, sota kɛɛɣɛí áá ɣɛ́ wú héi h̃u félengɔ lolíni, aa va i ɣɛ í w̃á, ‘Mu mbálai, í bɔ́kpɔngi hé siỹɛndópoi sí yaá.’ Kɛ yáa vá i wúfengɔ aa ɣɛ náa lá ngáá yí héi ngufema lála ỹándai.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 19:40

Kɛ́ Jísu i ti woo yápoteni, i ɣɛ ti w̃a, “Ngí ndé wú w̃a, bele pá sítii taá w̃áa ɣɛ ló, kɔtuítii taá woo gúla.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 19:9

Kɛ Jísu i ngoo yápotenga, i ɣɛ ma, “Ngalá ngí vaangá ngáá ngumaawóngi pɛlɛ́i sí wu hááwɔ, bɔw̃álale yá bɛ́lɛ yá lɔ́ ngáá Lébilah̃au le kpámbi h̃uu w̃ɔ́i ta.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 5:21

Kɛ kaamɔítii Ngala sávai hááw̃a ɛ́ɣɛ Falósiaitii tí pɛ́lɛnga ndemá gí má, tíwaa ɣɛ́ ta, “Ele wáá ngáá siỹɛndópoi sí áá tɛɣɛsuí sí gúla ngáá Ngalá? Nuu fíli ɛi faa ỹɔ́u h̃úúhaalo kɛ léi Ngalá ngílaa kpé.”

NJƆÚ 8:33

Kɛ tí ngoo yápotenga, ti ɣɛ́ ma, “Lébilah̃au laala lengái mbaa ngáá ni ye aáva nápa naá nɛ́ɛ́ walaí nuu fíli ngéya nduwɔ laá h̃u. Yáá ɣelé nde náá ni w̃a ngáá ni wumáá áá wo?”

NJƆÚ 8:39

Ti Jísu woo yápoteni, ti ɣɛ́ ma, “Ni káwala i ɣɛi ngáá Lébilah̃au.” Jísu i ɣɛ ti w̃a, “Bele wú ɣɛ́i ngáá Lébilah̃au laala lengaa, wú lúva veléitii tɔɔ ɣɛ́ pele w̃a kíya Lébilah̃au ndái í ɣɛ́i pele w̃a.

TI GƐ́Ɛ́ HAÍTII 26:20

Aáva ngí Ngala ngói lení hése sítii ma tí Damásikɔ, ná vólu, Jɛlúsɛl̃ɛ, ná vólu, Judíya lataí kpɛ́lɛɛ sú, ná vólu, ngí mɔ́ɔ́ nde sítii ma taa ngáá Júsua tiyá bɛ́lɛ. Ngɔ́ɔ́ nde ngáá kɛ ti vólu yáfe ti háá ỹɔítii mba, ti héle Ngalá mba, aáva tí lúva veléitii kɛ pele w̃a sí áá ngakɛ́ ngáá kɛ ti gúlanga faa ỹɔ́i h̃u.

LÓÓMI 4:16

Maa hái kpɛ́lɛɛ i liingɔ́ nɔ́ɔ í tó ndangí wá nuu áá ɣɛ́ sú ngáá Ngalá ngáá kɛinɔɔ́ í ɣɛ ngáá Ngalángi háá bɔwɔí w̃áá véle w̃á ngí gúúlongi aa hítɛ nga. Aáva kuulóngi sí aa na nɔ́ɔ léikei Lébilah̃au laala lengáitii fááw̃a tiyɛ́i Ngala sávai í tí loow̃a, kɛ́ aá ɣéle, aá lɔ́ na nungái kpɛ́lɛɛ fááw̃a tiyɛ́i taa ɣɛ́ ngáá Lébilah̃au laala lengaa kɔwɔ́ato ndangí wá nɔ́ɔ taa ɣɛ́ su ngáá Ngalá kíya Lébilah̃au í ɣɛ́i na. Ná ná áá ɣɛ, kɛ Lébilah̃au lɔ í ngáá ti kpɛ́lɛɛ tí kɛ́ɛ́ɣɛ.

LÓÓMI 9:7

Seímil̃a p̃ɛ́ɛ́, ná Ngalá ngí Lébilah̃au guulóni, áá ɣɛi ngáá ngi láála lengáitii kpɛ́lɛɛ, kɛ́ sítii í ɣɛ́i ti w̃a ti ɣɛ́i ngáá sítii nɔ́ɔ taa gúla Áise ndá le kpambíi h̃úu véle.

FÉLEPA 1:11

Wú gɛ́ɛ́ hái i ɣɛ́ nɔ́ɔ fɔ́ ngáá faa vándaitii kɛndáá Jísu Kílisitii yílaa kpé áá kɛ ngáá háwu wáa hómbo wáa ti ɣɛ́ kɛinɔɔ́ ngúfema í ɣɛ́ Ngála mbɛ ná vólu, ndaaw̃áá í lɛ́.