Keela woó vándai Lúu í pɔ́nɛni kɔwɔ́ato Jísu Kílisitii wa LÚU 3:16 - Kɛ́lɛ Niinaí

¹⁶ Kɛ́ Njɔú i ɣɛi ti kpɛ́lɛɛ má, “Ngáá nguyaí wó ngáá wú yé ngáá njɛí, kɛ́ nuí sí áá vá vaamá, ngakpángɔɔ lé í lɔ́ve mbá, ngáá kulaɣɛí p̃ɛ́ɛ́ ngáá nuú ngi gɔ́ɔ́vai ɣéle tɔ ndaa húlo fááw̃a. Aa nguyaí wo ngáá wú ye ngáá Hɛ́ɛ́ma Ỹínangi ɛ́ɣɛ ngɔmbuí.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 3:16 Iomraidhean Croise

MÁFIYU 3:11

Ngáá nguyaí wó ngáá wú ye ngáá njɛí kɛinɔɔ́ nga ngí ɣɛ́ kpál̃au ngáá kɛ wú vólu yáfenga wú háá ỹɔítii mba. Kɛ́ nuí áá vá vaamá ná ní ndá hái áá gúla su, ngakpángɔɔ lé í lɔ́ve mbá. Aa nguyaí wó ngáá wú ye ngáá Hɛ́ɛ́ma Ỹínangi ɛ́ɣɛ ngɔmbuí. Ngáá kúlaɣɛi p̃ɛ́ɛ́ ngáá nuu ngáá lí ngáá ngi gɔ́ɔ́vai.

MÁFIYU 3:12

Ngi gɔ́sɔ mbaalévendai ɣɛ kíli gulangɔ́ɔ́ lé ngáá nuí sí áá ngí wíítii yatɛ́ mba tevé sɔ́wɔi w̃a. Aa ngi wíítii kpɛ́lɛɛ pu ngi wótai h̃u, aáva ná áá ngandíɣa í kpɛkpɛlɛ, aa wíítii gɛ́hɛi yandɔ́ɔ́lɔ ngí wótai h̃u, í wííti gaangí w̃ɔ́ ngáá ngɔmbuí sí ɛ́i há kúnafɔ.”

NJƆÚ 1:26

Í mɔ́ɔ́ ti woo yápote, i ɣɛ ta, “Ngáá ngúyai wo ngáá nungáitii ngáá njɛí kɛ́ nuu lɔ́ wú lííwaa, wáá kɔlɔ́ ngáá kíya í na.

NJƆÚ 1:27

Ná ní ndá hái áá gúla su, nuí ngí ndá hái áá ɣɛ́ nga, ngáá kulaɣɛí p̃ɛ́ɛ́ ngáá nuú ngi gɔ́ɔ́vai ɣéle tɔ ndaa húlo fááw̃a.”

NJƆÚ 1:33

Kɛ́ ná fíli su, ngáá ɣɛ́i ngáá va ɣɛ́ma kɔlɔ́, kɛ́ Ngalá lɛ́i í tɔ́vengɔ ngáá ngí ɣɛ ngáá nungái nguya ngáá njɛ, i ndení má, i ɣɛ ta, ‘Yá lɔ́ɔ vá Hɛ́ɛ́ma Ỹínangi lɔ́ma í yéi siỹɛndópo yiláá má aáva ɛi betéve mba. Nuí yáá tɔ ná áá ɣɛ́ la, kɛ maa w̃ɔ́i lɔ áá nungái nguya ngáá Hɛ́ɛ́ma Ỹínangi.’

NJƆÚ 7:38

Pɔnɛngɔɔ́ lé Ngalá Kɔ́lɔi h̃u, sí vá pɔ́nɛngɔ aá waa ngáá sí, ‘Nuí fíli áá ɣɛ́ laní ngáá ngé, ndɛɛh̃ú w̃aahɔ́lɔ njɛ́i aa ɣɛ áá gula maa w̃ɔ́i h̃u.’ ”

TI GƐ́Ɛ́ HAÍTII 1:5

Nguya Wo Mɔ́i Njɔú i ɣɛi áá nguya wo ngáá njɛí, kɛ́ kuu félengɔi h̃u, Ngalá tɔɔ vá nguyaí wóma ngáá wú ye ngáá ngi Hɛ́ɛ́ma Ỹínangi.”

TI GƐ́Ɛ́ HAÍTII 10:44

Pítɛ í loí nɔ́ɔ ngoí sítii nde ma, kɛ Hɛ́ɛ́ma Ỹínangi i vungá sítii su ti wolílongɔ í ɣɛ́i lá keela woí sí w̃a.

TI GƐ́Ɛ́ HAÍTII 2:33

Ngalá ngí séinga ngufema ỹándai kpéla ngi w̃ásandai h̃u. I Hɛ́ɛ́ma Ỹínangi w̃ááhɔlɔnga áá gúla Kɛɛɣɛí Ngalá ngéya. Hɛ́ɛ́ma Ỹínangi sí vá tɔ́ Ngalá ngí maagúúlo mbongɔ́. Ná vólu, sí naá wú waa mɛni náa nde ɛ́ɣɛ sí wúwaa naa lɔ náa kɛ, maa Hɛ́ɛ́ma Ỹínangi lɔ náá í ní volú.

KƆ́L̃E HESENDAA GƆLƆÍ 12:13

Mu lɛ́ingaa muỹá lɔ́ ngáá Júsua, mu lɛ́ingaa maá ngáá Júsua, mu lɛ́ingaa mu ngáá nduwɔ lopóa, mu lɛ́ingaa maa ngáá nduwɔ lopóa, kɛ́ Hɛ́ɛ́ma Ỹína ngilaa kpéngi lɔ mu kpɛ́lɛɛ mú nguyaí w̃ááhɔlɔngɔ maa véle w̃a, mu gúlangɔ ngáá kpusa yílaa. Aáva Hɛ́ɛ́ma Ỹína ngiláá kpéngi lɔ áá ɣɛ́ mu yilá ngílangi kpɛ́lɛɛ pólu.