Keela woó vándai Lúu í pɔ́nɛni kɔwɔ́ato Jísu Kílisitii wa LÚU 3:11 - Kɛ́lɛ Niinaí

¹¹ Kɛ Njɔú í ti woo yápotenga, i ɣɛ ti w̃a, “Nuí fíli ndoma ngáá ɣɛ́ ngeyá féle, kɛ í ngilángi hé nuí sí yáa ta fíli ɛ́i ɣɛ́ ngeyá. Nuí vá mɛɛní áá ɣɛ́ ngeyá, laá bɛ́lɛ nɔ́ í ngákɔlɛ.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 3:11 Iomraidhean Croise

MÁFIYU 25:40

Masangí aa ti woo yápote náa, i ɣɛ ti w̃a, ‘Ngí tɔɔỹái le wú w̃á, sí fíli wú kɛ́ni nungái sítii ti tá yílaa mbɛ́ ngakpá ngáa ɣɛ́i tí yɛ, kɛ́ ti ngáá ní vóngaa ɣɛ kíli, wú kɛngɔ́ mbɛ́.’

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 11:41

Kɛ́ sí í wú gɔ́puitii su ɛ́ɣɛ wú váningitii a kpɛ́lɛɛ fé lɛ́ɛ́ sítii ngeyá ti ngáá nyaani yélaitii. Ná lɔ áá kɛ wú wúyangɔ áá ɣɛ la fó Ngalá ngaah̃ú.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 18:22

Ná Jísu í fái sí ỹɛ́nini, i ɣɛi ma, “Faa yílaa tɔ́ ná nɛ́nɛ yáá nɛ́ɛ́ kɛní. Yaá wɔ́lingai kpɛ́lɛɛ mááɣɛ, yí maa náholoi he nyaani yélaitii ngeyá. Ná yáá ná ɣɛ, kpatɛ́ yándɔɔlɔngɔ aa ɣɛ lá náa í hááw̃a ngelegóóh̃u. Ná vólu, vá, yí ɣɛ́ ngáá pólu w̃ɔ́ɔ.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 19:8

Kɛ Sákiyɔ i yooɣénga í ló, i ɣɛ Ndemɔí Jísu w̃a, “Kawalái, ndóngɔɔ lé yí ɣɛ́ kɔlɔ́ ngáá kɛ sɔ́lɔ wɔlingí kínɛi í ngéya, nyá lɔ́ɔ kɔlɛ́ su féle ngí kaka yílaangi he nyaaní yélaitii ngeyá. Ná vólu, ná ngáá ɣɛ́ ŋani fíli kúlangɔ nuu yáa ngáá kahá véle, ngáá kɛɣɛ́lai ɣɛ naáni, ngí fe maa w̃ɔ́i yaá ngáá potó.”

NJƆÚ 13:29

Kɛ sífaa Júdɔ lɔ í ɣɛi ngáá ti gápa ngandɔ́ɔ́lɔ mɔ́i, i ɣɛi ti lɛ́ingaa gí má ngáá kɛ Jísu i ɣɛi áá nde Júdɔ w̃a ngáá í lí í ŋaní tá yaá Ngumaawó Kúi wúya fááw̃a ɔɔ ná láá lé, í ŋani tá he ỹaani yélaitii ngeyá.

TI GƐ́Ɛ́ HAÍTII 10:2

Kɔníliyani ngaa ngi vɛ́lɛ lowa wu yélaitii kínɛi, ti bɔwɔ́ gulaní kɛlɛ́ma Ngalá mbɛ. Aáva Ngalángi lúwambai i ɣɛi ti h̃u. Kɔníliya va ɔ́ɔ́ nyaani yélaitii kɔ ngwala. Aáva ɔ́ɔ́ Ngala fɛ́li hɔ́wɔ fíli.

TI GƐ́Ɛ́ HAÍTII 10:31

Kɛ i ɣɛa má, ‘Kɔníliya, í Yála fɛli ngói taá í hémbɛ wɔlingáitii yáá fe nyaani yélaitii mbɛ, Ngalá ngí lókoheinga ti wu.

TI GƐ́Ɛ́ HAÍTII 10:4

Kɛ Kɔníliya i kpelénga tííŋ áá lúwa, í mɔ́ɔ́ni, i ɣɛ ma, “Ndéé le, káwalai?” Kɛ malékai i ngoo yápotenga, i ɣɛ ma, “Í Yála fɛ́li ngói taa í hémbɛ wɔlingáitii yáá fe nyaani yélaitii mbɛ, Ngalá ngí lókoheinga mbu ngáá í í wóó yápote náa.

Ɛ́FƐSƆ 4:28

Nuí fíli áá ɣɛ ngáá ŋuỹá w̃ɔ́ɔ́ í bé ŋuỹá wóndai wa. Aá ɣéle, í yénge kɛinɔɔ́ áá ɣɛ́a ŋani hɔ́lɔ sú áá ɣɛ́a bɔ́ la bɔwɔ́ wa ɛ́ɣɛ nyaani yélaitii mba.

TÍMOTI HESENDAA GƆLƆÍ 6:17

Nde Ngala fɛ́li mbélai sítii ma ti bátɛngɔi ngáá ngeleí sí wuu wɔ́lingaitiini ngáá tálaa h̃úú ɣɛ́ wɔ́ɔ́lɔ aáva tálaa gíto ngetéyangi sí h̃úubatɛ séɣe héɣe mba lɛ́i nuu ɛ́i lókola ma. Kɛ́ tí gítongɔ í ɣɛ́ la Ngalá mba lɛ́i áá ŋani kpɛ́lɛɛ fé a mu yaá ngáá ngambɔ́ɔ́lɔngɔ ɛ́i bóɣi kpoɣí, laa vá aa fe ngáá a mú liivó kɛ́ la.

TÍMOTI HESENDAA GƆLƆÍ 6:18

Nde ti w̃a taayáá faa vánda ɣɛ, ná vólu, ti lóko h̃uulɔ́vengɔ í ɣɛ́ la ngwala kpɔmba hááw̃a nuu kpɛ́lɛɛ mbá. Ti ɣɛ́ ngáá nungáá taá ŋáni hé nuu yáá tɛi bóɣi kpoɣí, ná vólu, ti ɣɛ́ ngaá kɔ mbó mbélaa.

HÍBULU 6:10

Ngála ngaa ngáá kahá gúla mɔ́ɔ́. Ɛi leéw̃a ngengengí w̃a wú mbóngɔ mbɛ́ ɛ́ɣɛ ndongí wú ngááh̃u ɣɛ́ngɔ lá ná wú bɔ́ngɔ ngi vóngaitii mba aáva wáá ndi nɔ́ɔ ngu ma kélei ngáá kpɔmbái wáá fé ti yɛ.

JIMISÍ 1:27

Sí mu Kɛ́ɛ́ɣɛ Ngalá ngáá ngéɣe ngáá tɔɔỹaá Yála fɛlindái tɔmbema w̃áá fíli áá mbá aá wáa ngáá sí, kpɔmba wóndai pondengáitii mba ɛ́ɣɛ ponyah̃áitii mba ti háá bɔlundaítii su. Ná vólu, nuu í w̃aah̃ú béle ngáá ngeleí sí wuu háá ỹɔítii ta ɔ́ɔ́ vá híyama.

JIMISÍ 2:14

Mu mbála Yalá fɛ́li mbélai, aá lɔ́ ngáá faa ỹááka nuí sí hááw̃a áá ɣɛ́ ta, “Ndangɔ́ɔ́ lé ngáá Ngalá,” kɛ́ ɛi maah̃ú háá ɣɛ. Kɛ ná w̃aa lángi aa ngumááwo?

NJƆÚ HESENDAA GƆLƆÍ 3:17

Ná nuu áá ɣɛ́ na toko i mbɛ́ aáva í ngí mbála Yalá fɛli mɔ́i lɔ i kpeɣé sú, kɛ́ í yaah̃ú w̃ááleve ngáá ngi mbála Yalá fɛli mɔ́i ná, kɛ aa ɣelé ndé náá ngáá Ngalángi lóngi lɔ́ ndií h̃u?

NJƆÚ HESENDAA GƆLƆÍ 4:20

Ná nuu áá ɣɛ́ ta, “Ndóngɔɔ lé ngáá Ngála,” kɛ́ sílimai í maa w̃ɔ́i lií h̃u ngí mbála Yalá fɛ́li mɔ́i hááw̃a, kɛ aá lɔ́ ngáá ndɛɛ gɔ́ɔ́la mɔ́ɔ́ sífaa ɛi lo ngáá Ngála lɛí áá nɛ́ɛ́ tɔní nápa ná ɛ́i ɣɛ́ loi ngáá ngi mbála Yalá fɛ́li mɔ́i lɛ́i áá tɔ.