Keela woó vándai Lúu í pɔ́nɛni kɔwɔ́ato Jísu Kílisitii wa LÚU 3:1 - Kɛ́lɛ Niinaí

^1-2 Ná h̃u siỹɛndópoi sí tɔ́ɔ ɣɛ́ má Tebɛliyɔ í ɣɛ́i ngáá Lóómi Lɔwɔlɔ́ W̃asa Ngwalaí, ngi hówo púúngɔ maah̃úú ndɔ́ɔ́lungɔi h̃u ngi w̃ásandai h̃u, Ngalá ngí yɛpɛní Sakaláya h̃iỹɛndou loí Njɔú yéle ngaalaí h̃u. Naa h̃uu lɔ siỹɛndópoi sí tɔ́ɔ ɣɛ́ ma P̃ɔ́tiyɔ Páilɛɛ í ɣɛ́i ngáá gɔ́mɛti nuu walaí tataí sí h̃u taá náá lolí ngáá Judíya, Hɛ́lɔdi í ngáá masangí tataí ná h̃u taá náá lolí ngáá Galéli. Ngi ndéɣe Félepi va i ɣɛi tataí sítii maah̃u taá naitii tolí ngáá Étuliya ɛ́ɣɛ Tulákɔnitɛ. Siỹɛndópoi sí bɛ́lɛ pá tɔ́ɔ ɣɛ́ ma Lesániya i ɣɛi tataí sí w̃ááh̃u taá náá lolí ngáá Abeléni. Ánasi ɛ́ɣɛ Káyafani tɔ ti ɣɛ́i ngáá Ngala sááɣa gula mbélai ti wutúwɔɔ w̃ɔ́ɔ wala walaítii.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 3:1 Iomraidhean Croise

MÁFIYU 14:1

Ná h̃u Masangí Hɛ́lɔdi í sí w̃áá woo ỹɛ́nini Jísu í ɣɛ́i áá kɛ,

MÁFIYU 14:3

Masangí Hɛ́lɔdi i kisiyái sí wói, bɔw̃álale, sí ɔ́ɔ́ ɣɛ́ p̃ɛ́ɛ́ í ɣɛ́, i ɣɛi náá Hɛlɔ́diya yeɣéi, ngi ndéɣe Félepi ỹah̃aí ngáá ngi ỹáh̃a. Aáva Nguya Wo Mɔ́i Njɔú i ɣɛi áá nde Hɛ́lɔdi w̃a, áa ɣɛ́ ma, “Aa pele w̃a ngáá yɔ́ɔ́ í ndéɣe Félepi ỹah̃aí Hɛlɔ́diya yéɣe ngáá í ỹáh̃a.” Náá hááw̃a, Masangí Hɛ́lɔdi i ndeí ngáá tí Njɔú hóu, tí ngíli, tí píli kpindi vɛlɛ́i wu.

MÁFIYU 14:6

Ná folói sí tí Masangí Hɛ́lɔdi leí ma í ɣɛ́i áá fóloma, nungáitii tí yatɛ́i mba maa gúi w̃a, Hɛlɔ́diya nyah̃áloi i ndoolíí wóni nungáitii kákala. Ndoolií ná lɔ́ í Hɛ́lɔdi liilɛ́ini tɔ́ tɔ́.

MÁFIYU 22:17

Faalɔ, nde ná ni w̃a, bɛɛ́ lɔ í ngáá í gísiyai? Aá lɔ pele w̃a Ngala sávai h̃u ngáá ní pávai he Lóómi Lɔwɔlɔ́ W̃ása Ngwalaí yáa baa aa pele w̃a?”

MÁFIYU 27:2

Tí ngiliní, tí lii lá, tí fe Lóómi gɔ́mɛti nuu walaí sí yáa taa ɣɛ́ ma Páilɛɛ.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 6:17

Hɛ́lɔdi i kisiyái sí wói, bɔw̃álale, sí ɔ́ɔ́ ɣɛ́ p̃ɛ́ɛ́ í ɣɛ́, i ɣɛi náá Hɛlɔ́diya yéɣei, ngi ndéɣe Félepi ỹah̃aí ngáá ngi ỹáh̃a. Aáva Nguya Wo Mɔ́i Njɔú í ɣɛ́i áá nde Hɛ́lɔdi w̃a, áá ɣɛ́ ma, “Aa pele w̃a ngáá yɔ́ɔ́ í ndéɣe Félepi ỹáh̃ai Hɛlɔ́diya yeɣé ngáá í ỹáh̃a.” Náá hááw̃a, Masangí Hɛ́lɔdi i nungáá lɔ́veni ngáá tí Njɔú hóu ti ngíli, tí píli kpindi vɛlɛ́i wu.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 6:21

Ngapúmai náa tɛ́ɛ́lɛ tɛ́ɛ́lɛ, kɛ Njɔú váándai i ɣɛa ngáá solowo fáá Hɛlɔ́diya yaá. Folói sí tí Másangi Hɛ́lɔdi lení ma, ná maa hóloi í fóloni ma múl̃ɔ, Masangí Hɛ́lɔdi i mɛɛni wála yilíni gɔ́mɛti nuu wala walaítii taa sóyaitii ti núú wala walaítii mbɛ ɛ́ɣɛ tɔwɔ́ mba yélaitiini Galéli lataí h̃u.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 13:31

Naa hɔwɔ́ vá, Júsuai sítii taa ɣɛ́ ti w̃a Falósiai ti lɛ́ingaa tí vááni Jísu yelé, ti ɣɛ́ ma, “Gula ỹandái mbéi wa yí lí ỹandá ta, bɔw̃álale Hɛ́lɔdi longɔ́ɔ́ lé í í váa.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:1

Táingi ná h̃uu vá Njɔú léngɔ í ɣɛ́i náá la, Lóómi Lɔwɔlɔ́ W̃asa Ngwalaí sí tɔ́ɔ ɣɛ́ ma Ɔgɔ́sitɔ, i sava laní nungáitii ngeyá Lóómi lɔwɔlɔí ná h̃u ngáá tí laahéingitii pu kɔlɔ w̃a.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 23:24

Páilɛɛ va i kpatɛní náa gi má ngáá í lokohéi nungáitii ndaa wói wu.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 3:19

Kɛ́ Njɔú í ndéni Masangí Hɛ́lɔdi w̃a ngáá kɛ i faa ỹɔ́u ɣɛ́a bɔw̃álale lɛ́i í ngáá Hɛ́lɔdi i bɔwɔ́ ndéɣei ỹáh̃ai Hɛlɔ́diya yeɣéni ngáá ngi ỹáh̃a. Ná vólu mɔ́ɔ, Njɔú í Hɛ́lɔdi haa ỹɔu veka bih̃i bih̃ingáitii ndéni ma í ɣɛ́i kɛní.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 9:7

Ná Masangí Hɛ́lɔdi í fái sí kpɛ́lɛɛ mɛ́nini í ɣɛ́i áá híya, i ɣɛi wu nga wúúle ngwala bɔw̃álale nungáitii ti lɛ́ingaa ti ɣɛ́i taá nde ngáá kɛ Njɔú í yóóɣenga sái h̃u.

TI GƐ́Ɛ́ HAÍTII 23:26

“Nyɛ́i ngí ngáá Kulɔ́diyasi Lésiya, ngí há í w̃á Masangí Fílesi yɛ́i ngufema wála í í yɛ.

TI GƐ́Ɛ́ HAÍTII 24:27

Ná fowó félengɔ í ɣɛ́i náá gúlani su, siỹɛndópoi sí taa ɣɛ́ ma Pɔ́kiyɔ Fɛ́sitɔ laá lɔ náa í Masangí Fílesi vómai yeɣéni masandái h̃u. Kɛ́ sífaa Masangí Fílesi í ɣɛ́i loní í w̃aaw̃ɔni Júsuaitii ngeyá, faalɔ, aa kɛní ɔ́ɔ́ Pɔ́ɔ gula kpindi vɛlɛ́i wu, i ndoí na.

TI GƐ́Ɛ́ HAÍTII 26:30

Masangí Agílepa í báha náa Masangí Fɛ́sitɔ wa ɛ́ɣɛ Bɛníí í báha náa sítii mba ti ɣɛ́i héini taá tiyéi, tí wúyoɣeni,

TI GƐ́Ɛ́ HAÍTII 4:27

Tí ndí ngu ma, ti ɣɛ́ ta, “Tɔɔỹáá hááw̃a, Masangí Hɛ́lɔdi taá Lóómi gɔmɛti nuu walaí P̃ɔ́tiyɔ Páilɛɛ tí w̃ɛ́ɛ́ni ỹandá yílaa taa walái sí h̃u taa Ísulɔ yeláitii ɛ́ɣɛ híí vekaítii, tí silíma batɛ́ í Hɛ́ɛ́ma Yénge Mɔ́i Jísu w̃a lɛ́i yí lokoloní mba.