Keela woó vándai Lúu í pɔ́nɛni kɔwɔ́ato Jísu Kílisitii wa LÚU 21:8 - Kɛ́lɛ Niinaí

⁸ Jísu i ti woo yápoteni, i ɣɛ ti w̃a, “A w̃aah̃ú béle nuu fíli álaa wú yákpolowa. Sífaa nuu bíh̃iw̃aa lɔɔ vá vaamá tíwaa ndááheingi vɛ́lɛ wa, tí yilá ngila fíli taa ɣɛ́ taa ɣɛ ta, ‘Nyá lɔ́ ngí ngáá Ngalángi Lókolo Mbá W̃ɔ́i.’ Ná vólu, ‘Ngetéyangi yákɛɛlɛmai i bɛɛngá náa mba,’ kɛ́ a waa hítɛ ti volú.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 21:8 Iomraidhean Croise

MÁFIYU 24:11

Ná vólu, nungáá bih̃íw̃aa lɔɔ vá vááma, táá nde ngáá tiyá lɔ́ ngáá Ngalá ndaa háá lé mbélaa, kɛ́ ɛi ɣɛ ngáá tɔɔỹaá, aáva taá nuu bih̃íw̃aa yákpolowa.

MÁFIYU 3:2

I ɣɛi áá ɣɛ́ ta, “A volú yáfe wú háá ỹɔítii mba bɔw̃álale Ngalángi w̃ásandai áá vá ɣɛ́ma nuu kpɛ́lɛɛ mááh̃u h̃umbuwa i folóa ma.”

MÁFIYU 4:17

I síɣe ná h̃úú w̃á, Jísu í tɔkúla héini ngáá keéla wói lendáá áá ɣɛ́ ta, “A vólu yáfe wú háá ỹɔítii mba, bɔw̃álale Ngalángi w̃ásandai áá vá ɣɛ́ma nuu kpɛ́lɛɛ mááh̃u h̃umbuwa i folóa ma.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 17:23

Aáva nungái taá ɣɛ́ taa ɣɛ́ wú w̃a, ‘A wɔ́lɛ lɛ́ɛ, laá wúl̃ɔ múl̃ɔnda,’ ɔɔ ti ɣɛ́ ta, ‘Laá béle tɛ mbéinda.’ A waá tó ti wa kɔlí fááw̃a,

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 21:7

Jísu volú yélaitii ti mɔ́ɔ́nini, ti ɣɛ́ ma, “Kaamɔ́ɔ́, bele hɔwɔ́ lɔ́ faí sítiini táa vá ɣɛmá yí yɛ́pɛngɔ kɔwɔ́ato ti wa? Ná vólu, bɛɛ́ lɔ́ áá ngakɛ́ kpál̃au ngáá kɛ faí sítii tiyá lɔ́ɔ vá náá ɣɛ́ma?”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 21:9

Ná vólu, ná wáá mɛni ngáá kɔɔní tí gúlaa, ná vólu, nungáá taa toow̃aá lápi wɔ, a waa lúwa. Sífaa kɛ fái sítiini tí ɣɛ, kɛ́ ti bɔ́ɔ́ ɣɛ, ngetéyangi yákɛɛlɛmai ɛi va nɔ́ɔ́ ngamá.”

NJƆÚ 5:43

Ní Kɛ́ɛ́ɣɛ Ngalá i tɔ́venga ngáá ngí ɣɛ́ ngáá ngááh̃u, kɛ́ wáá lokohéingɔ mbú, kɛ́ ná nuu véka fíli áá va bɔwɔ́ haaw̃a, wáá lokohéi maa w̃ɔ́i wu.

NJƆÚ 8:24

Ná lɔ́ i kɛ́ngɔ ngí ndéngɔ wú w̃a ngáá wá lɔɔ va haamá wú háá ỹɔítii su. Ná wɔ́i ɣɛ́ laní la ngáá Nyá Wáa Ngáá Nyá, kɛ wá lɔɔ vá haamá wú háá ỹɛ́itii su.”

NJƆÚ 8:28

Faalɔ, Jísu i ndení ti w̃a, i ɣɛ ta, “Ná náa wáá nuí síí w̃ɔ́i taa ɣɛ́ ma Nuu Búsa Goo H̃ú Loí lɛ ngeleya kulɔ́sii w̃a, wáá ɣɛ́ náá kɔlɔ́ ngáá Nyá Wáa Ngáá Nyá. Ná vólu, wáá ɣɛ́ náá mɔ́ɔ kɔlɔ́ ngáá kɛ ngɛ́i faa fíli kɛ ngáá wúmaa kɛ́ ngáá yɛpɛ nɔ́ɔ́ sí wa jɔ́ ní Kɛ́ɛ́ɣɛ Ngalá ngí kálamboni la.

KƆ́L̃E HESENDAA GƆLƆÍ 6:9

Wú súúwɔlɔ pánda vánda ngáá kɛ nyaama yélaitii taá vaamá ɣɛ́ma Ngalá mbu ngi w̃ásandai h̃u. Wálaa bɔwɔ́ vɛ́lɛ, sítii ti ngáá kɔlɔsiyá mbélaa, ɔɔ sítii taá kɔɔ kɔɔ́ ŋániaitii fɛ́li taa ti yeɣé ngáá ngalángaa, ɔɔ nuí taa ɣɛ́ séi h̃u í mɔ́ɔ́ kɔlɔsiyá mbó, ɔɔ kɔlɔsiyá mbó mbélaa ngáá ti mbála ỹah̃ái ɔɔ tí mbála h̃iỹɛ́,

Ɛ́FƐSƆ 5:6

Wálaa kɛ nuu ɔ́ɔ́ wú yákpolowa ngáá ndɛɛ gɔ́ɔ́landaa wú yáá bɔw̃álale sítii kínɛi ngí yɛ́pɛa kɔwɔ́ato tí wá, tí hááw̃a lɔ áá kɛ Ngalá ngáá liiỹɔ́u sítii ma tɛi gólo mbɛ.

TƐSALÓNIKA GƆ́LƆI HELE KÉLEI 2:3

Kɛ́ wálaa kɛ nuu fíli ɔ́ɔ́ wú yákpolowa péle fíli su, sífaa, Ndemɔí aa nɛɛ vaamá kɛ sítii táá vá ngapúmaa lo ndáá wuí gúlama ngáá Ngala tí kɛ. Ná vólu, nyaama ỹáni walaí sí lɛ́i suubátɛngɔ náa ngáá aá lɔɔ lí njahááma aa vá náa.

TÍMOTI GƆ́LƆI HELE KÉLEI 3:13

Kɛ́ faa ỹɔ́u yélaitii ɛ́ɣɛ sítii ti ngáá ndɛɛ yélaitii tiyɛ́i taa bɔwɔ́ yéɣe ngáá nuu vándaa, ti háá ỹɔu ɣɛndáitii nga tɔ́ɔ́ ɣɛ́ nɔ́ɔ áá ɣɛ wɔ́ɔ́lɔ pól̃ou. Taá ɣɛ taá núngai ngakpólowa tiyá bɛ́lɛ tí yakpólowangɔ.

NJƆÚ HESENDAA GƆLƆÍ 4:1

Mu mbála vandáitii, wálaa ɣɛ́ nɔ́ɔ wáá lá ngáá nuí kpɛ́lɛɛ nɔ́ɔ ngáá ná nɔ́ɔ léi taá kula ngáá kɛ Ngalángi Hɛ́ɛ́ma Ỹínangi lɔ́ íwaa tí wúto. Kɛ́ aá ɣéle, waayaa ti yilá ngílangi fíli ngásɔbɛ ngáá pangɔ́, wú ɣɛ́ kɔ́lɔ ná wɔ́lii Ngalángi Hɛ́ɛ́ma Ỹínangi lɔ áá ɣɛ́ áá tí wú to. Sífaa, nuu bíh̃iw̃aa lɔ́ náá ngelewu táá kulá ngáá tiyá lɔ́ ngáá Ngalá ndaa háá lé mbélaa kɛ́ ɛi ɣɛ́ ngáá tɔɔỹaá.

NJƆÚ GƆ́LƆI HELE KÉLEI 1:7

Nungáá bíh̃iw̃aa taa núngaa híɣe tɔɔỹaá veleí wa tiyá lɔ náá ngeleí sí wu, tiyɛ́i taá tí gálambongi wó ngáá Jísu Kílisitii aa ɣɛi ngáá nuu búsa ná h̃u í vááni ngeleí sí wu. Nuí fíli áá ná le, maa w̃ɔ́i lɔ ngáá ngakpolówa mɔ́ɔ áá nuu híɣe tɔɔỹaá vélei wa, ná vólu, maa w̃ɔ́i lɔ ngáá Kílisitii wááhilima w̃ɔ́ɔ́.

FAA YÁKƐ KƆ́LƆI 1:3

Aá lɔ́ ngáá faa vánda nuí sí w̃ɔ́i hááw̃a áá kɔ́lɔi sí gála. Aá lɔ́ mɔ́ɔ ngáá faa vánda sítii faaw̃a taá wólilo Ngala ndaa háá lé mɔ́ɔ woo vili ngói sí w̃á tí híya ngáá sítii kínɛi pɔnɛngɔ́i kɔlɔí sí h̃u, bɔw̃álale kuí h̃úú áá mɔ́ɔ gooh̃á sítii tí lengɔ́i kɔlɔí sí h̃u táá vá ɣɛ́ma.

FAA YÁKƐ KƆ́LƆI 12:9

Kaali wálai sí, ná wáá ngáá wɔ́lɔ wɔlɔma gáálii sí lɛ́i taa mɔ́ɔ ɣɛ́ ma Ngutuwɔ́ Ỹína Nyɔí ɔɔ Setána, lɛ́i íwaa nungáitii kpɛ́lɛɛ ngákpolowa ngélei sí wu sí h̃ui, aá p̃ɛ́ɛ́ ɛ́ɣɛ ngí w̃álekaitii kpɛ́lɛɛ, tí tí gúlani ngelegóóh̃u wá tí tí yéi mbéi ngélei sí wu.