Keela woó vándai Lúu í pɔ́nɛni kɔwɔ́ato Jísu Kílisitii wa LÚU 21:1 - Kɛ́lɛ Niinaí

¹ Ná Jísu í ɣɛ́i áá nungáitii ngasɔ́bɛ, i tɔí kpatɛ yélaitii táá tí Yála kɔngí víli Hɛ́ɛ́ma Yála Pɛ́lɛi góvii h̃u Yála kɔ pu nyáákai h̃u.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 21:1 Iomraidhean Croise

MÁFIYU 27:6

Ngala sááɣa gula mbélai ti wutúwɔai tí naholói ná yéɣei ndɔwɔlɔ́i wa, ti ɣɛ́ ta, “Aá lɔ́ ngáá Ngala sávai w̃aaỹɛ́ɛ́ ngáá, a mɔí naholói sí víli Hɛ́ɛ́ma Yála Pɛ́lɛi wuu yándɔɔlɔmai ná í ngáá ŋaaw̃ɔ náholo.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 20:47

Nungái sítii pa tɔ nɔ́ɔ mɔ́ɔ taá ponyah̃áitii ti vɛ́lɛitii kula ti yaá ti kɛ ngáá vo, tí pɛ́lɛ bɔwɔ́ gulamá ngáá nuu vándaa nungáitii ngaah̃ú ngáá ti Yála fɛlindái taá súúɣɛ gooh̃á. Kɛ́ nuu láálii sítii pa faa bángi áá va láma ti w̃a, aa lɔve nungáá vékaitii ti ndái wa.”

NJƆÚ 8:20

Jísu i njɛpɛí sítii puní ná h̃u í ɣɛ́i áá kalambongí wo Hɛ́ɛ́ma Yála Pɛ́lɛi góvii h̃u, mbéinda tɔ́ɔ́ Ngalá kɔ́ngitii pú na ti ɣɛ́i na. Kɛ́ nuu fíli aa souní bɔw̃álale na w̃aa l̃áingi aa nɛɛ ɣɛi folói ma.