Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:9 - Kɛ́lɛ Niinaí

⁹ Kɛ́ Ndemɔí Ngalángi w̃áleka i gulangá tí yaah̃ú, ná vólu, Ndemɔí Ngalángi múw̃a muw̃angí í hólo ti w̃a, nduwá wála í vú ti h̃u.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:9 Iomraidhean Croise

MÁFIYU 1:20

Ná í ɣɛ́i áá gísiya ngáá faí sí, Ndemɔí Ngalángi w̃álekai i gulaní ngaah̃ú siŋal̃ái h̃u, i ɣɛ ma, “Joosɛ́, yɛ́i yí ngáá Masangí Deevé láála lói, yálaa lúwa Mɛɛloí yéɣe fááw̃a ngáá í ỹáh̃a, bɔw̃álale Hɛ́ɛ́ma Ỹínangi yákpangi lɔ í ndói vílingɔ koo ya.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:28

Ngalángi w̃álekai i líini Mɛɛloí yelé, í laalí ma, i ɣɛ ma, “Mɛɛloí, yáánɛi! Yá lɔ ngáá Ngalá ndiivó mɔ́ɔ, Ndemɔí Ngalá tɔ í vólu.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:8

Aáva mbaala w̃ááh̃u béle mbélaitii ti ɣɛ́i taí ná h̃uu béla táá mbaalaítii maah̃ú béle ỹandáá gbál̃aumai kpitingí h̃u ngáá kpindíi.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 24:4

Maa gíndaa vilingí i loí nɔ́ɔ ti w̃a, kɛ siỹɛ́ félengɔ gulangá ti yaah̃ú w̃a nɔ́ɔ ngamá, ti lóóni ti béla ti w̃ááyilingɔ ngáá kula woléngi áá hólo míl̃a mil̃a.

NJƆÚ 12:41

Ngalá ndaa háá lé mɔ́i Aisáya i faí sí léni bɔw̃álale i Jísu yakpa ngwalaí lɔni ɛ́ɣɛ ngi haa w̃aanɛɛnɛɛ ngwalaí aáva i yɛpɛí kɔwɔ́ato Jísu wa.

TI GƐ́Ɛ́ HAÍTII 12:7

Ngamá nɔ́ɔ, Ndemɔí Ngalángi w̃áleka i gulaní Pítɛ yááh̃u kpindi vɛlɛ́i wu, í naa ɣɛ kpál̃au, í Pítɛ w̃ááleve, í ɣɛ ma, “Wuyoɣé bála bala!” Kɛ njɔlɔwɔítii ti gúlanga Pítɛ lokoítii su yɔ́ɔ́lɛɛ.

TI GƐ́Ɛ́ HAÍTII 27:23

Bɔ́kɔi w̃á, Ngalángi sí ngí fááw̃a, ná vólu, ngáá fɛli, ngi w̃áleka i gulaní ngááh̃u, í ló kpéla.

TI GƐ́Ɛ́ HAÍTII 5:19

Kɛ́ ná í ɣɛ́i ngáá kpindíi, Ndemɔí Ngalángi w̃áleka i vaaní í kpindi vɛlɛ́i laawó ndááwo, í tí gúla na.

KƆ́L̃E GƆ́LƆI HELE KÉLEI 3:18

A muỹɛ́i maa hái gúlangɔ ngáá kulaí ná í híɣenga mu gi maitii nda, nungáitii taá Ndemɔí Ngalá ngí háá w̃áánɛɛnɛngi tá lɔ mu h̃u aáva maá ɣɛ nɔ́ɔ maa ɣɛ́ ngáá kɛ kíli kélei kélei. Ndemɔí Ngalá lɛ́i í ngáá Hɛ́ɛ́ma Ỹínangi aá lɔ áá sí ɣɛ.

KƆ́L̃E GƆ́LƆI HELE KÉLEI 4:6

Ngalangí sí í ndéni ngáá bɛ́lɛ folo hólongi í hólo kpindíí h̃u, láa lɔ nɔ́ɔ múl̃ɔ áá ndé ngáá maa hólo folongí í hólo ni liítii su, í vá ngáá kele ɣelé ní yɛ kɔwɔ́ato Ngalángi yákpa maanɛ́ɛ́nɛɛngɔi wa nuu áá tɔ Kílisitii h̃u.

TÍMOTI HESENDAA GƆLƆÍ 3:16

Kindaa vilí tɔ́ɔ́ỹai Ngala ngí ngákɛngɔ kɔwɔ́ato sí wa mú lángɔ lá, nuu fíli ɛ́i w̃aaɣaali lá. Jísu Kílisitii i vaí ngeleí sí wu i ngáá nuu búsa. Hɛ́ɛ́ma Ỹínangi í ngákɛi kpál̃au ngáá faa ỹɔ́u fíli aa ɣɛi Jísu h̃u. Malékaitii ti tɔ́i. Aáva nungáá ti kééla wóo vándai léni kɔwɔ́ato laá mba híí kpɛ́lɛɛ má. Nungáá tí lá la ỹandá kpɛ́lɛɛ. Aáva í lɛní ngelegóóh̃u, i ɣɛ na ngáá masa Ngalá mba.

HÍBULU 12:21

Maa hái wála w̃aa ỹíkingɔ i ɣɛi la í ló su p̃ɛ́ɛ́ Muusé gíte i ɣɛ ta, “Súú lɔɔ bɛ́li ngáá nduwái.”

FAA YÁKƐ KƆ́LƆI 18:1

Ná sí í gúlai su, ngí mɔ́ɔ maléka véka lɔí áá gúla ngelegóóh̃u. Ngakpa ngwála i ɣɛi ngeyá aáva íwaa hólo ngwala. Ngi hólo mil̃a mil̃angí í ngelewui sí kpɛ́lɛɛ súú ɣɛi kpál̃au.

FAA YÁKƐ KƆ́LƆI 20:11

Kɛ ngí mása kpɔ́kpɔ kóle ngwalaí lɔ́a nuí ta í héini su. Ndɔwɔlɔ́ ɛ́ɣɛ ngéleya ti kpɛ́lɛɛ ti ỹɛ́ɛ́nɛi kákala kúnafɔ fááw̃a tɛí belé mɔ́ɔ́ lɔ́.