Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:51 - Kɛ́lɛ Niinaí

⁵¹ Aáva Jísu i toní tí wa, tí yángaima Násɔlɛ. Laa vá kolóngɔ i ɣɛi lá tí yɛ. Kɛ́ ngi njéé i giséini fái sítii kpɛ́lɛɛ má.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:51 Iomraidhean Croise

MÁFIYU 12:46

Ná Jísu í ɣɛ́i nɛ́nɛ áá yɛ́pɛ faŋaí yéle, kɛ ngi njéé ɛ́ɣɛ ngi ndéɣeaitii ti ɣɛ́i ngáá siỹɛngáá tí váánga. Ti ɣɛ́i lóóni ngitíí yá táá Jísu ŋál̃a w̃ɔ́ɔ́ni ngáá ti yɛ́pɛ ngelé.

MÁFIYU 3:15

Kɛ́ Jísu i ngoo yápoteni, i ɣɛi ma, “Bɛlɛ́ sí í ɣɛ́ h̃íí náa nɛ́nɛ, kɛinɔɔ́ sítii kái kái Ngalá ngi ndéngɔ ngáá mú tí ɣɛ, mú tí ɣɛ.” Faalɔ, Njɔú bɛ́lɛ i luw̃ái náa.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 1:9

Naa laa lówah̃u vá, Jísu i hiɣení Násɔlɛ taa h̃u Galéli lataí h̃u, í vá Njɔú yéle. Njɔú vá í nguyaí wóni lá Jɔ́ɔ́dɛ Yɛí h̃u.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 6:3

Ti mɔ́ɔ ɣɛ ta, “Kápindai láa ngáá sí? Mɛɛloí lói laa ngáá sí? Jimisíni ngaa Joosɛ́ ɛ́ɣɛ Júdɔni ngaa Sáimɔ ti ndíyai laa ngáá sí? Kɛ́mbɛ ngi héélaitii tɔ mbéinda?” Faalɔ, ti bééleni Jísu wa.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 18:37

Nátii tí ngoo yápoteni, ti ɣɛ́ ma, “Jísu í ngáá Násɔlɛ taí h̃úu w̃ɔ́i, aá lɔ íwaa lɔ́ve.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:19

Mɛɛloí i giséini maa hái sítii kpɛ́lɛɛ má áá gisíya ngáá ti ye.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:39

Ná Mɛɛloíni ngaa Joosɛ́ ti vílani faí sítii kpɛ́lɛɛ kɛ́ma ngáá Ndemɔí Ngalángi hávai í ndéni ngáá kɛ tí kɛ, tí yángaimani náa Galéli lataí h̃u ti láa h̃u taá naa lolí ngáá Násɔlɛ.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 4:16

Kɛ Jísu i liingá Násɔlɛ taí h̃u mbéi tí makɛ́ni na. Aáva ná i ɣɛ́i ngáá Ndɛ́ɛ́lɛmbo Ngála Fɛli Fóloi, Jísu i liiní Ngala fɛ́li máákpɔ wotaí wu, bɔw̃álale ngi ndá lúva veleí i ɣɛi ngáá ná. Kɛ i yooɣénga í ló ngáá í Ngalá Kɔ́lɔi gála.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 4:23

Kɛ Jísu i ɣɛa ti w̃a, “Ngí kɔlɔ́ gíte kpál̃au ngáá kɛ wá lɔɔ vá faanɛ́ɛ́ngi sí héima mbɛ́, wú ɣɛ́ ta, ‘Mbaló mbó mɔ́ɔ walaí, bɔwɔ́ waló ná.’ Ná vólu, wáá mɔ́ɔ ɣɛ ta, ‘Sí ní mɛ́ningɔ ngáá yí kɛ́ngɔ Kapɛ́ɛ́niya taa h̃u, ta ɣɛ ná í bɔ́wɔ bɔ́wɔ lái h̃u.’ ”

Ɛ́FƐSƆ 5:21

Kílisitii wúfemai hááw̃a í wú yáa, a waayaa bɔwɔ́ gúla kɛlɛ́ma ỹɔw̃ɔ́ ỹɔ́w̃ɔ yɛ.

PÍTƐ HESENDAA GƆLƆÍ 2:21

Ngalá ngí wú lólingɔ ngáá wú w̃áánɔw̃ɔ h̃íí ná sífaa Kílisitii í w̃aanɔw̃ɔ́ngɔ wú hááw̃a. Aáva ngi w̃áánɔw̃ɔi ná ɣɛ kíli lɔ wáá ɣɛ́ wáá wɔ́lɛ mba wúwaa híya kɔwɔ́ vó njɛ́ ya.