Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:11 - Kɛ́lɛ Niinaí

¹¹ Hááwɔ hóloi sí, Deevé lé tái h̃u, ti wú Wumááwo Mɔ́i lengá ná. Laá lɔ́ í ngáá Ngalángi Lókolo Mbá W̃ɔ́i lɛ́i í ngáá Ndemɔí.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:11 Iomraidhean Croise

MÁFIYU 1:16

Jékɔ va tɔ í ɣɛ́i ngáá Joosɛ́ kɛ́ɛ́ɣɛ. Joosɛ́ sí ngi ỹáh̃a í ɣɛ́i ngáá Mɛɛloí. Mɛɛloí sí í ɣɛ́i ngáá Jísu njéé. Jísu sí taa ɣɛ́ ma Ngalángi Lókolo Mbá W̃ɔ́i.

MÁFIYU 1:21

Aá lɔɔ́ vá siỹɛndóu lou lemá, aáva kɛ yí ndaahéi ngáá Jísu, bɔw̃álale, laá lɔ áá vá ngi vóngai ngumááwoma ti háá ỹɔítii ngeyá.”

MÁFIYU 16:16

Kɛ Sáimɔ Pítɛ í ngoo yápotenga, i ɣɛ ma, “Yá lɔ́ yí ngáá Ngalángi Lókolo Mbá W̃ɔ́i ngumaawóngi hááw̃a, Ngalángi sí í ndɛ́ɛh̃ui h̃ú kúnafɔ, ngi H̃íỹɛndou Loí waa ngáá í ye.”

MÁFIYU 16:20

Kɛ Jísu í volú yélaitii ndaahínga ngáá tálaa nde nuu fíli má ngáá kɛ laá lɔ í ngáá Ngalángi Lókolo Mbá W̃ɔ́i.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:43

Kɛ ndee háa bɔwɔ wala lɔ í ɣɛ́a mbɛ́ ngáá Ndemɔí njéé í váánga séi heíma?

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:69

I ngi wúmaawo ngakpangí wu mbúyoɣenga ngi yénge mɔí Deevé lé kpámbii h̃u.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:26

Hɛ́ɛ́ma Ỹínangi i ɣɛi ngakɛ́ni ngáá Símiyɔ ngáá ɛi ha í ló su í Ndemɔí Ngalángi Lókolo Mbá W̃ɔ́i lɔ.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:4

Faalɔ, Joosɛ́ lɛ́i í ɣɛ́i náa Mɛɛloí w̃aahóuni ti gulaní taa Mɛɛloí taí sí h̃u taá náá lolí ngáá Násɔlɛ í Galéli lataí h̃u, tí lí taí sí h̃u taa náá lolí ngáá Bɛ́tileh̃ɛ i tataí sí h̃ú taá tolí ngáá Judíya ngáá tí laahéingi vu. Tí lííni míl̃a bɔw̃álale Joosɛ́ í ɣɛ́i ngáá masangí wɔ́lɔ tɔ́ɔ ɣɛ́ ma Deevé ngi lé kpambíi h̃uu w̃ɔ́ɔ́ aáva Deevé lé tái i ɣɛi ngáá ná. Ti líí l̃aingi ná h̃úú vá Mɛɛloí í ɣɛ́i náá koí h̃u.

NJƆÚ 1:41

Aáva hésendaa hái Ándulu í kɛ́ni i ɣɛi ngáá i ngi ndíya Sáimɔ wɔlíni, i ɣɛ ma, “Ní Ngalángi Lókolo Mbá W̃ɔ́i lɔngá.” Sí vá Ándulu í ɣɛi ma, laá lɔ taa ɣɛ́ ma Kílisitii Gilísi woí h̃u.

NJƆÚ 1:45

Kɛ Félepi i Natáániyɔ lɔngá í ndé ma, i ɣɛ ma, “Ní nuí síí lɔ́nga Muusé í kɔ́lɔ vɔ́nɛi kɔwɔ́ato mba Ngalá sáva gɔlɔí h̃u. Laá lɔ Ngalá ndaa háá lé mbélai bɛ́lɛ tí kɔ́lɔ vɔ́nɛi kɔwɔ́ato mba. Aá lɔ́ ngáá Jísu, Násɔlɛ taí h̃u w̃ɔ́ɔ, Joosɛ́ h̃íỹɛndou loí.”

NJƆÚ 11:27

Kɛ Mááta í ngoo yápotenga, i ɣɛ ma, “Éei, Kɛɛɣɛ́, ndángɔɔ lé la ngáá yá lɔ́ yí ngáá Ngalángi Lókolo Mbá W̃ɔ́i, yá lɔ́ yí ngáá Ngalángi H̃íỹɛndou Lói, yá lɔ́ Ngalángi ndeí ngáá yá lɔɔ vá vaamá ngeleí sí wu.”

NJƆÚ 20:31

Kɛ́ sítii pɔ́nɛngɔɔ lé nɔ́ɔ ngáá wú lá lá ngáá Jísu lɔ í ngáá Ngalángi Lokoló Mbá W̃ɔ́i lɛ́i í ngáa Ngalángi H̃íỹɛndou Loí. Aáva ná ndángi ná áá ɣɛ wú h̃u, wáá ndɛ́ɛ́h̃u gítei w̃aahɔ́lɔ laá máa véle w̃a.

NJƆÚ 4:25

Kɛ nyah̃ápoi i ɣɛ́a ta, “Ngí suuwɔlɔ́ ngáá Ngalángi Lókolo Mbá W̃ɔ́i lɛí taá tolí ngáá Kílisitii aá lɔɔ vá vaamá, aáva ná áá vá aa faí kpɛ́lɛɛ ngákɛ kpál̃au ní yaa.”

NJƆÚ 4:42

Kɛ tí ndengá nyah̃ápoi w̃a, ti ɣɛ́ ma, “Ni la sáwui ngáá Jísu áá ngáá sí hááw̃a yí ndéngɔ ni w̃a, kɛ́ sífaa niỹá gíte ní ngoo ỹɛ́ninga aáva ní kɔlɔ́ ngáá laá kái kái tɔ í ngáá ngeléi sí wuu yélai Ngumááwo Mɔ́i.”

NJƆÚ 6:69

Aáva ní kɔ́lɔ níỹa vá ni langɔ́ lá ngáá yá lɔ yí ngáá Ngalángi Hɛ́ɛ́ma W̃ɔ́i í í lɔ́vengɔ ngeleí sí wu.”

NJƆÚ 7:41

Nungáá lɛ́ingaa tí ɣɛ́ ta, “Laá lɔ́ í ngáá Ngalángi Lókolo Mbá W̃ɔ́i.” Kɛ́ ná fíli su, ti lɛ́ingaa tí ɣɛ́i ta, “Galéli lataí h̃u w̃ɔ́ɔ́ aa ɣelé ɣɛ́ náá ngáá Ngalángi Lókolo Mbá W̃ɔ́i?

TI GƐ́Ɛ́ HAÍTII 10:36

Keela wói sí lɔ Ngalá ngí tɔvení nungái sítii ngelé ti ngáá Ísulɔ yeláitii. Ná wáá ngáá, keela woó vánda lendái kɔwɔ́ato ndiihéi wa Jísu Kílisitii w̃aa véle w̃a lɛ́i í ngáá Ndemɔí nuu kpɛ́lɛɛ fááw̃a.

TI GƐ́Ɛ́ HAÍTII 13:23

Maa Déévei sí ngi lé kpámbii h̃uu lɔ́ Ngalá ngí Ngumaawó Mɔ́i Jísu gulaní na, í tɔve Ísulɔ yeláitii ngelé kɛ kíya nɔ́ɔ í maa gɛ́lɛ ngeɣéni.

TI GƐ́Ɛ́ HAÍTII 17:3

I ɣɛi áá suugúla ti w̃a, áá ngákɛ, áá kula Ngala Kɔ́lɔi h̃u ngáá kɛ Ngalángi Lókolo Mbá W̃ɔ́i í w̃áánɔw̃ɔ, ná vólu, í wúyoɣe sái h̃u. Pɔ́ɔ i ndení ti w̃a, i ɣɛ ta, “Jísui sí ngáá ngi hái le wú w̃a, laá lɔ í ngáá Ngalángi Lókolo Mbá W̃ɔ́i.”

TI GƐ́Ɛ́ HAÍTII 2:36

Pítɛ í ndíí ngu ma, i ɣɛ ta, “Faalɔ, Ísulɔ yélaitii kpɛ́lɛɛ, a ɣɛ́ fái sí wɔ́lɔ kpál̃au ngáá kɛ Jísui sí wú kpakpáni kulɔ́sii w̃a, Ngalá ngí kɛngá ngáá ngi Lókolo Mbá W̃ɔ́i ɛ́ɣɛ mu Lemɔ́i.”

TI GƐ́Ɛ́ HAÍTII 5:31

Ngalá ngí ngu tɛngá kélei í séi ngufema ỹándai bela ngi w̃ásandai h̃u ngáá Ngutuwɔ́ ɛ́ɣɛ Ngumaawó Mɔ́i kɛinɔɔ́ ngumaawóngi í hé Ísulɔ yeláitii mbɛ tí vólu yafé ti háá ỹɔítii mba ɛ́ɣɛ ti h̃úúhaa í ló.

KƆ́L̃E HESENDAA GƆLƆÍ 15:47

Ngalá ngí hésendaa nuí Ádau bátɛi ngáá pɔlɔ́i, aáva í gulangɔ́ ngeleí sí wu. Ádau vekaí vá i gulangɔ́ ngelegóóh̃u.

FÉLEPA 2:11

Nuu kpɛ́lɛɛ pá taá nde lííwaa wála ngáá Jísu Kílisitii lɔ í ngáá Ndemɔí kɛinɔɔ́ Kɛɛɣɛí Ngalá í ngúfema w̃ááhɔlɔ su.

FÉLEPA 3:8

Aá ɣéle p̃ɛ́ɛ́ kulasuunúmai í Kílisitii wɔ́lɔndai h̃u ngáá kíya í na, ná nuu fíli áá faa fíli súw̃a maa gúlasuunumai ná w̃a, ngáá maa hái ná kpɛ́lɛɛ ngéɣe ngáá faa ỹááka. Sífaa ngí lokogúlaa faa kpɛ́lɛɛ sú ngí ti yeɣé ngáá faa ỹááka ngáá kɛinɔɔ́ ngí hómbo ngí ɣɛ́ ngáá Jísu Kílisitii nuu lɛ́i í ngáá Ndémɔi.

KƆLƆ́SE 2:6

Ná wú lókoheinga Jísu Kílisitii wú ngáá wú Lémɔi, náá hááw̃a, a ɣɛ́ kíya Jísu Kílisitii í na wú báha kílii su mba.

NJƆÚ HESENDAA GƆLƆÍ 4:14

Ní ngi H̃íỹɛndou Loí lɔ́nga, niỹá vá náá nde nungáá w̃a ngáá Kɛɛɣɛí Ngalá i ngi H̃íỹɛndou Loí lɔ́vengɔ ngáá ná í ɣɛ́ ngáá Ngumaawó Mɔ́i ngeleí sí wu.

NJƆÚ HESENDAA GƆLƆÍ 5:1

Nuí fíli áá ɣɛ́ lái la ngáá kɛ Jísu lɔ í ngáá Ngalángi Lókolo Mbá W̃ɔ́i, maa w̃ɔ́i lɔ ngáá Ngalángi lóu. Nuí fíli pa ndóngɔ áá ɣɛ́ la ngáá Kɛɛɣɛí Ngála kɛ maa w̃ɔ́i longɔ́ɔ́ lé ngáá ngi léngaitii bɛ́lɛ.