Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:1 - Kɛ́lɛ Niinaí

¹ Táingi ná h̃uu vá Njɔú léngɔ í ɣɛ́i náá la, Lóómi Lɔwɔlɔ́ W̃asa Ngwalaí sí tɔ́ɔ ɣɛ́ ma Ɔgɔ́sitɔ, i sava laní nungáitii ngeyá Lóómi lɔwɔlɔí ná h̃u ngáá tí laahéingitii pu kɔlɔ w̃a.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:1 Iomraidhean Croise

MÁFIYU 22:17

Faalɔ, nde ná ni w̃a, bɛɛ́ lɔ í ngáá í gísiyai? Aá lɔ pele w̃a Ngala sávai h̃u ngáá ní pávai he Lóómi Lɔwɔlɔ́ W̃ása Ngwalaí yáa baa aa pele w̃a?”

MÁFIYU 24:14

Aáva keela woó vándai sí kɔwɔ́ato Ngalángi w̃ásandai wa, pólu yélaitii taá ndé ỹandáitii kpɛ́lɛɛ ngeleí sí wu. Ná vá ngáá ɣɛ́ kɛinɔɔ́ nuu kpɛ́lɛɛ tí Ngála kééla woí ỹɛ́ni. Ná ná áá ɣɛ́, ngetéyangi aa vilá naá.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 14:9

Ngí tɔɔỹái le wú w̃á, mbéi fíli taá Ngalángi gééla woo vandaí lé ná ngeleí sí kpɛ́lɛɛ kpɛ́lɛɛ mbú, sí nyáh̃apoi sí í kɛ́a taá nde ti gindó fááw̃a laá su.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 16:15

A lí ndɔwɔlɔ́i kpɛ́lɛɛ kpɛ́lɛɛ su, wú Ngalángi gééla woo vandaí lé nuu kpɛ́lɛɛ má.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:3

Nuí kpɛ́lɛɛ pá tí lííni ti bɔwɔ́ lé taítii su ngáá tí laahéingitii pu.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 3:1

Ná h̃u siỹɛndópoi sí tɔ́ɔ ɣɛ́ má Tebɛliyɔ í ɣɛ́i ngáá Lóómi Lɔwɔlɔ́ W̃asa Ngwalaí, ngi hówo púúngɔ maah̃úú ndɔ́ɔ́lungɔi h̃u ngi w̃ásandai h̃u, Ngalá ngí yɛpɛní Sakaláya h̃iỹɛndou loí Njɔú yéle ngaalaí h̃u. Naa h̃uu lɔ siỹɛndópoi sí tɔ́ɔ ɣɛ́ ma P̃ɔ́tiyɔ Páilɛɛ í ɣɛ́i ngáá gɔ́mɛti nuu walaí tataí sí h̃u taá náá lolí ngáá Judíya, Hɛ́lɔdi í ngáá masangí tataí ná h̃u taá náá lolí ngáá Galéli. Ngi ndéɣe Félepi va i ɣɛi tataí sítii maah̃u taá naitii tolí ngáá Étuliya ɛ́ɣɛ Tulákɔnitɛ. Siỹɛndópoi sí bɛ́lɛ pá tɔ́ɔ ɣɛ́ ma Lesániya i ɣɛi tataí sí w̃ááh̃u taá náá lolí ngáá Abeléni. Ánasi ɛ́ɣɛ Káyafani tɔ ti ɣɛ́i ngáá Ngala sááɣa gula mbélai ti wutúwɔɔ w̃ɔ́ɔ wala walaítii.

TI GƐ́Ɛ́ HAÍTII 11:28

Ti tá yiláá sí ndaahéingi i ɣɛi ngáá Agábɔ i wuyoɣéni, í ló Hɛ́ɛ́ma Ỹínangi yákpangi h̃u, sí í ɣɛ́i áá va ɣɛ́ma, í nde, í ɣɛ ta, “Ndɔlɛ walá lɔɔ vá gulamá, í híya hiyá Lóómi ndɔwɔlɔí sí kpɛ́lɛɛ sú.” Aáva sí i hitɛní nga naa h̃u siỹɛndópoi sí tɔ́ɔ ɣɛ́ ma Kulɔ́diyasi ngi w̃ásandai h̃u.

TI GƐ́Ɛ́ HAÍTII 25:11

Ná múl̃ɔ wɔ́lii ngɛ́i ɣɛ́ veléni faa fíli fááw̃a ngáá ɣɛ́ kɛngɔ́ kule áá ɣɛ́ má ngí saa w̃ááhɔlɔ faaw̃a, ngɛ́i léle haalaí wa. Kɛ́ ná wɔ́lii faí sítii Júsuaitii tí pɛ́lɛngɔ mbá tɛ́i ɣɛ́ ngáá tɔɔỹaá, kɛ ɛi ɣɛ́ pele w̃a saavaí h̃u ngáá nuu fíli ɔ́ɔ́ tɔ́ve ti yelé. Faalɔ, bɛlɛ́ Lóómi Lɔwɔlɔ́ W̃ása Ngwalaí í ní bɔ́ɔ́lɔi lé.”

TI GƐ́Ɛ́ HAÍTII 25:21

Kɛ́ ná Pɔ́ɔ í ndéni ngáá kɛ ndongɔ́ɔ́ le Lóómi Lɔwɔlɔ́ W̃ása Ngwalaí í ngi bɔ́ɔ́lɔi le, aáva aa ɣɛ loí í ló gɔ́mɛtii lóko h̃u, nyá bɛ́lɛ pa ngí ndéni naá sóyaitii ma ngáá í ló ti lóko h̃u í ló su ngí tɔve Lóómi Lɔwɔlɔ́ W̃ása Ngwalaí yelé.”

LÓÓMI 1:8

Maifɔ́lɔ mbáá ngáá, ngáá sɛ́ɣɛɛ gula Ngalá ma wú hááw̃a Jísu Kílisitii w̃áá véle w̃a bɔw̃álale, wú w̃áá woo híyangɔɔ lé hááli hááli ỹandá kpɛ́lɛɛ ndɔwɔlɔ́i sí h̃u kɔwɔ́ato wú lángi wa wú sú ngáá Jísu Kílisitii.

FÉLEPA 4:22

Ngalángi vóngaitii kpɛ́lɛɛ ti hái wú w̃a ngungí nda mɛ́ɛ́ sítii ma tí Lóómingai ti Lɔ́wɔlɔ W̃ása Ngwalaí vɛ́lɛ lowaí wu.