Keela woó vándai Lúu í pɔ́nɛni kɔwɔ́ato Jísu Kílisitii wa LÚU 17:2 - Kɛ́lɛ Niinaí

² Maa ɔ́ɔ́ ɣɛ́ nɛ́ɛ́ni tí ndólo wɔtú wála yili maa w̃ɔ́i woló wá, tí píli yívoi wu, í ló mbu, í lɔ́ve sí wa áá kɛ ngáá háwu sítii ti langɔ́ ngáá ngé tí tá yíla kéle tɔ í faa ỹɔ́u ɣɛ.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 17:2 Iomraidhean Croise

MÁFIYU 17:27

Kɛ́ maá lói mɔɔ́ ti báálɛ mba háá ɣɛ. Faalɔ, lí njɛ wálai la, yí ndoolíngi víli mbu, hésendaa ỹɛí yáa sóu, ndaawó, yáa kápangi lɔ́ nda sí áá kúlaɣɛ ngáá ní ndá pávai ɛ́ɣɛ í ndái. Maa gápangi ná yeɣé, yí líí la, yí mú ndá pávaitii fé lá.”

MÁFIYU 18:10

Kɛ Jísu i ɣɛa ta, “A w̃aah̃ú béle ngáá wálaa tokohíya ngu maah̃ú haa ɣɛ ngáá sítii ti langɔ́ ngáá ngé tí ta yílaa kéle tɔ. Sífaa ngí nde wú w̃á, ti w̃álekaitii tí ngelegóóh̃u, tiyá lɔ ní Kɛ́ɛ́ɣɛ Ngalángi yaah̃ú hɔ́wɔ fíli. [

MÁFIYU 18:14

Ngimɔ́ɔ́ nɔ́ɔ jɔ́ wú Kɛ́ɛ́ɣɛ Ngalá ngí ngelegóóh̃u áá lói sítii ti langɔ́ lá tí tá yílaa kéle tɔ ti betévengɔ ɔ́ɔ́ ɣɛ́ lá mba.”

MÁFIYU 26:24

I ɣɛ ti w̃a, “Nuí síí w̃ɔ́i taa ɣɛ́ ma Nuu Búsa Goo H̃ú Loí lɔɔ vá hááma kíya nɔ́ɔ pɔnɛngɔ́ Ngalá Kɔ́lɔi h̃u kɔwɔ́ato mba. Kɛ́ suu lɔɔ vá ɣɛ́ma ỹɔú siỹɛ́ngi sí w̃a íwaa tokolevé! Ɔ́ɔ́ ɣɛ́ vaní maa w̃ɔ́i hááw̃a ná tɛ́i belé ɣɛ́ ndení!”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 9:42

Kɛ Jísu i mɔɔ ɣɛa ta, “Sítii ti langɔ́ ngáá ngé, í li bɛ́lɛ í to ndopo gúlo gulóaitii mba, nuí fíli áá kɛ ngáá háwu ti tá yílaa í faa ỹɔ́u ɣɛ, maa ɔ́ɔ́ ɣɛ́ nɛ́ɛ́ni tí ndólo wɔtú wála yili maa w̃ɔ́i woló wá, tí píli yívoi wu, í ló mbu.

NJƆÚ 21:15

Ná naá ti ɣɛ́i viláni ndaa ỹɛ́ngi woma, kɛ Jísu i Sáimɔ Pítɛ w̃ɔɔningá, í ɣɛ ma, “Njɔú h̃íỹɛndou loí Sáimɔ, í lóngɔɔ lé ngáá ngé í lɔ́ve ndóngi wa sítii kpɛ́lɛɛ ti su ngáá ngé?” Ná i ɣɛ ma, “Eeí, Kɛɛɣɛ́, yí kɔlɔ́ ngáá ndóngɔɔ lé ngáá í ye.” Jísu i ɣɛ ma, “Pólu yélaitii maah̃ú béle kíya mbaala w̃ááh̃u béle mɔ́i áá ngi wáálaitii mááh̃u béle.”

KƆ́L̃E HESENDAA GƆLƆÍ 9:15

Kɛ́ laá vá ngáá nɛ́ɛ́ ní lɔ́ɔ́ỹai sítii ta fíli máá ỹɛní, aáva ngáá kɔ́lɔi sí vɔ́nɛma wú yéle ngáá kɛinɔɔ́ ngí ɣɛ́ náá ngáá tí w̃áá ỹɛ. Maa í nɛ́ɛ́ni laá ɣéle ngí há í lɔ́ve sí wá nuu yáá kɛ ngáá háwu ngɛ́i mɔɔ yonga téve kɔwɔ́ato ní háá lɔɔỹaí sí wa ngí lókogulangɔ su.

KƆ́L̃E HESENDAA GƆLƆÍ 9:22

Ná naa ɣɛ́ ỹánda yílaa naá sítii tí h̃úúbangɔ láá le Ngalá fái h̃u, ngáá bɔ́wɔ ɣɛ́ kíli gula ngáá ti ɣɛ kíli kɛinɔɔ́ ngí kɛ ngáá háwu ti wumáá í wo. Ngundamái waa ngaá ngáá bɔ́wɔ ɣɛ́ kíli gula ngáá nuu híí kpɛ́lɛɛ kɛ kíli kɛinɔɔ́ ngí kɛ ngáá háwu tí lɛ́ingaa ti wumáá í wó pele fíli sú nɔ́ɔ áá hólowo.