Keela woó vándai Lúu í pɔ́nɛni kɔwɔ́ato Jísu Kílisitii wa LÚU 17:1 - Kɛ́lɛ Niinaí

¹ Jísu í mɔ́ɔ ɣɛ volú yélaitii ma, “Faí sítii taá kɛ nuu áá faa ỹɔ́i ɣɛ kɛ tí ɣɛ́ nɔ́ɔ w̃ɛ́ɛ taa ɣɛ. Kɛ́ suu lɔɔ vá ɣɛ́ma ỹɔ́u nuí sí w̃a áá kɛ ngáá háwu faí sítii taa ɣɛ́.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 17:1 Iomraidhean Croise

MÁFIYU 16:23

Kɛ́ Jísu i voteí, i ɣɛ Pítɛ w̃a, “Hiɣe kpéla, Setána! Yá lɔ yí ngútuwɔ yaa súúbɛɛɣi, bɔw̃álale, nuu búsa vélei lɔ́ yáá gisíya la, kɛ́ yáá gísiyama ngáá Ngalángi ndá vélei.”

MÁFIYU 18:7

Suu lɔɔ vá ɣɛ́ma ỹɔ́u nungáitiini ma ngeleí sí wu, sífaa fáitii tɔ naa taá kɛ ngáá háwu taá fáa ỹɔ́i ɣɛ, maa háitii kɛ ti ɣɛ́ nɔ́ɔ w̃ɛ́ɛ́ taa ɣɛ́, kɛ́ suu lɔɔ vá ɣɛma ỹɔú nuí sí w̃a áá kɛ ngáa háwu faí sítii taá ɣɛ́.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 16:31

Kɛ́ Lébilah̃au i ɣɛi ma, ‘Ná í ndéɣeaitii tɛ́i ɣɛ́ wolíloni savaítii ma Ngala ngi féni Muusé yaá ɛ́ɣɛ Ngalá ndaa háá lé mbélaitii ti gɔ́lɔ vɔnɛngɔ́itii, nuu ɔ́ɔ́ bɔ́ɔ́ yooɣé sái h̃u, í lí ti yelé, ná ɛi kɛ tɔɔ́ lá la.’ ”

LÓÓMI 14:13

Faalɔ, á málaa ɣɛ́ máá mú mbála Yalá fɛ́li mbélaa vekáitii mbaaléve ngáá taá vélei. A nda gíte gi su kpál̃au ngáá wálaa kɛ ngaa háwu faa ɔ́ɔ́ víli Ngala fɛ́lindai h̃u ti yaá, ɔɔ tálaa víli faa ỹɔ́u ɣɛ́ndaa h̃u kɔwɔ́ato wú wa.

LÓÓMI 16:17

Mu mbála Yala fɛ́li mbélai, wu w̃áánɛɛnɛngɔ gítee le, a waayaa naa w̃ááh̃u béle gíte ngáá nuí fíli áá ɣɛ́ wú lííwaa ngáá í vá ngáá ndowah̃u kɔlɛ́ háa, ɔ́ɔ́ í kɛ́ ngáá háwu faa í víli Ngala fɛ́lindai h̃u, ná wáá ngáá, sítiini taa léle ngáá ti híya ngáá kalambongítiini wú maahɔ́lɔngɔ, a waa báha kpahá sú wáá ná w̃aa núngai,

KƆ́L̃E HESENDAA GƆLƆÍ 10:32

Wú lɛ́ɛ́h̃ui h̃uuhíya kílii álaa kɛ ngáá háwu Júsua ɔɔ sítii taa ngáá Júsua ɔɔ Ngala fɛ́li mbéla vekaítii ti tá fíli faa ɔ́ɔ́ víli tí Yála fɛlindái h̃u.

KƆ́L̃E HESENDAA GƆLƆÍ 11:19

Maanɛ́ɛ́ngɔɔ lé ngáá wú lówah̃u kɔ́lɛngɔ í ɣɛ́ la ma ngáá kɛinɔɔ́ nga ngi ɣɛ́ kpál̃au nungáá tí ɣɛ́ kɔ́lɔ ngáá sítii tíwaa sí ɣɛ́ í pele w̃a.

KƆ́L̃E HESENDAA GƆLƆÍ 8:13

Faalɔ, ná wɔ́lii sí ngáá mɛ aá lɔ áá kɛ ní mbála Yalá mɔ́i áá víli faa ỹɔ́u h̃u, kɛ ngɛ́i mɔɔ ná ỹɛ í lí bɛ́lɛ í tó suwa wa kúnafɔ kɛinɔɔ́ ngɔ́ɔ́ kɛ ngáá háwu ní mbála Yalá fɛ́li mɔ́i ɔ́ɔ́ gúla volú Ngala fái h̃u.

TÍMOTI HESENDAA GƆLƆÍ 4:1

Hɛ́ɛ́ma Ỹínangi í ndengɔ́ kpál̃au ngáá ngetéyangi sí yákɛɛlɛmai laa lówah̃u, nungái ti lɛ́ingaa taá lókogula ndangí h̃u tí su ngáá Jísu Kílisitii, ti hítɛ ỹína ỹɔítii pólu, nátii táá ti yakpólowa ngáá ndɛɛ gálambongaitii.

FAA YÁKƐ KƆ́LƆI 2:14

Kɛ́ fái sítii tɔ ngáá wú báálɛ hóu sú. Wú lɛ́ingaa lɔ na wú hítɛa kalambongí sí vólu Béél̃ɔ í Bééla galambóngɔ lá ngáá í Ísulɔ yeláitii píli faa ỹɔ́i ɣɛndaa h̃u. Ná wáá ngáá, mɛɛni sítii mɛ́ndai taá fé kɔɔ kɔ́ɔ ŋániaitii mbɛ taa ti yeɣé ngáá ngalángaa ɛ́ɣɛ kɔlɔsiyá mbóndai.

FAA YÁKƐ KƆ́LƆI 2:20

Kɛ́ sí lɔ́ ngáá wú báálɛ hóu su. Wú lókoheinga nyah̃ápoi sí wú taá ɣɛ́ ma Jɛsɛbɛ, lɛ́i íwaa bɔ́wɔ yéɣe ngáá Ngala ndáa háá lé mɔ́ɔ. Nyah̃ápoi sí aá lɔ́ɔ ní yénge mbeláitii ngakpólowa ngáá ngi gálambongi áa mbó ngáá ti ye ngáá tí víli kɔlɔsiyá mbóndaa h̃u ɛ́ɣɛ mɛ́ɛ́nii sí ỹɛ́ndai taá fé kɔɔ kɔɔ́ ŋánia yɛ taa ti yeɣé ngáá ngalángaa.