Keela woó vándai Lúu í pɔ́nɛni kɔwɔ́ato Jísu Kílisitii wa LÚU 16:3 - Kɛ́lɛ Niinaí

³ Kɛ ngeyá wɔ́li maah̃ú belé mɔ́i ná i ndengá gi má, i ɣɛ ta, ‘Ndeé lɔ náa ngáá kɛ? Sífaa ní núu walaí lɔɔ kúla náa ngengengí h̃u, aáva súú áá bái kali híya fááw̃a, nyáá vá ngáá ɣɛ́ ngáá wúfe ngáá ngí nungáá w̃aanɛ́ɛ́nɛ ŋani haáw̃a.’

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 16:3 Iomraidhean Croise

MÁFIYU 20:8

Ná kpindí í vɛ́lɛni, kpelé w̃ɔ́i i ɣɛi ngi héimai w̃a, ‘Ngenge mbélaitii tolí yí tí páva, yí tɔkúla héi ngáá sítii ngí ti yeɣengɔ́ ngapúmai, yí ngákɛɛlɛ ngáá sítii ngí ti yeɣéngɔ hése.’

Keela woó vándai Máa í pɔ́nɛni kɔwɔ́ato Jísu Kílisitii wa MÁI 10:46

Kɛ Jísuni ngaa polú yélaitii ɛ́ɣɛ faŋaí í ɣɛ́i ti volú tí fólonga taa walái sí h̃u taa tolí ngáá Jɛlóko. Ná tí ɣɛ́i taa gúla naa wa, ti Temeyɔ h̃iỹɛndou loí w̃áálei héini peleí béla tɔ́ɔ́ ɣɛ́ ma Batímeyɔ mbolengɔ́ áa maanɛ́ɛ́nɛ mbó ngáá tí kɔ ngáá ŋani.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:17

Kɛ siỹɛndópoi ná aá tɔ áá gisíya áá nde gi má áá ɣɛ́ ta, ‘Míl̃i lɔ náa ngɔ́ɔ́ ní hí ŋanii sí kpɛ́lɛɛ ngándɔɔlɔ na? Ngandɔɔlɔ́mai í ngéya naa áá wɔɔlɔ ngáá ngɔ́ɔ́ kpɛ́lɛɛ pú na.’

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 16:2

Kɛ kpatɛ w̃ɔ́i i yaá wɔ́li maah̃ú béle mɔ́i ná lolínga, í mɔ́ɔ́ni, i ɣɛ ma, ‘Sí ngí mɛningɔ́ kɔwɔ́ato í wá, tɔɔỹaá le? Vá yí wóna, bɔw̃álale yáá mɔ́ɔ ɣɛmá ngáá ngeyá wɔ́li maah̃ú belé mɔ́ɔ́ kúnafɔ.’

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 16:20

Nyaani w̃ɔ́ɔ́ yiláá pa i ɣɛi na, ndaahéingi i ɣɛi ngáá Lásɔlɔ. Pala léé léé i ɣɛi nduwúi w̃a. I ɣɛi nɔ́ɔ lááni nuu lɛ́ɛ́w̃ai kpatɛ w̃ɔ́i ná vɛ́lɛi la.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 16:22

I ɣɛi ngáá hɔ́wɔ ta, nyaani w̃ɔ́i ná í há, malékaitii tí lii lá ngelegóóh̃u, tí sei Lébilah̃au bela. Kpatɛ w̃ɔ́i bɛ́lɛ nɔ i haaní aáva tí kpɔ́lu.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 16:4

Kɛ i ɣɛa ta, ‘Ngí kɔlɔ́ naa sí ngáá kɛ kɛinɔɔ́ ná ní núu walaí áá kpɛ́ ngengengí h̃u, ngí nungáá hɔ́lɔ tí lokohéi mbú ti vɛ́lɛitii mbu.’

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 18:4

Kɛ́ suu í ɣɛ́i gooh̃á ká ka masangí aa kɛní. Kɛ́ í ɣɛi ngáá hɔ́wɔ ta kɛ masangí sí i ɣɛa bɔwɔ́ w̃a, ‘Kíya bɛ́lɛ ngɛ́i lúwa Ngalá mba kɛlaa kpɛ́ndɛ ɔ́ɔ́ ɣɛ́ nuu fíli su,

NJƆÚ 9:8

Kɛ ngi góvii h̃úú yelái ɛ́ɣɛ nungáá vékai sítii tɔ́ɔ́ tɔ áá fɛli mbó maanɛɛnɛ́ su, tí ɣɛ́a ta, “Kɛ́mbɛ siỹɛndópoi sí lɔ ɔ́ɔ́ ɣɛ́ héini íwaa nungáá hɛli maanɛɛnɛ́ su?”

TI GƐ́Ɛ́ HAÍTII 3:2

Siỹɛndópo yiláá pá tí ɣɛ́i ndení wɔ́lɔ nɔɔnɔngɔ́ aáva tɔ́ɔ́ líí la Hɛ́ɛ́ma Yála Pɛlɛí bákii la taá naa lolí ngáá Kpaki Vandá Wálai La. Naa lɔ hɔ́wɔ fíli tɔ́ɔ́ líí la na áa nungáitii fɛ́li kápa faaw̃a tɔ́ɔ ɣɛ́ taa lí Hɛ́ɛ́ma Yála Pɛ́lɛi góvii h̃u.

TI GƐ́Ɛ́ HAÍTII 9:6

Kɛ́ yooɣé náa yí lɛ́ tái sí h̃u, sí va ngí kule í í w̃á ngáá yí kɛ taá nde í w̃á.”

TƐSALÓNIKA GƆ́LƆI HELE KÉLEI 3:11

Niỹá lɔ́ɔ ná lé bɔw̃álale, ní mɛ́ningɔ ngáá nungáá lɛ́ingaa lɔ́ wú h̃u ti ngáá saɣá yélaa, tɛ́i faa fíli kɛ kɛ nɔ́ɔ́ ti vílindaa nungáá hááni su.