Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:5 - Kɛ́lɛ Niinaí

⁵ Kɛ́ nyá lɔ́ɔ kɛ ngáá wú ye lɛ́i sí kule í wú w̃a wú lúwa mba. A lúwa Ngala mba lɛ́i áá wú váa, ná vólu, ngakpá ngí ngeyá ngáá í wú lɔ́ve njahááma. Tɔɔỹaá hááw̃a a lúwa mba.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:5 Iomraidhean Croise

MÁFIYU 10:28

A waa lúwa sítiini mba taá nuu búsai váá, kɛ́ tɛ́i hómbo tɔɔ́ wú h̃úúyafuw̃angi váá. Kɛ́ wá ɣéle, a lúwa Ngalá mba, lɛ́i áá wú h̃úúyafuw̃angini ngaa wú búsai ỹááni pɔ́lɛɣɛ pɔlɛɣɛ njahááma.

MÁFIYU 25:41

Kɛ́ aa ɣɛ sítii ma tí kɔvɔ h̃u vélei, ‘Wɛ́i Ngalángi vélengi í wú wá, a hiɣe ngááh̃u wú lí kúnafɔ wɔ́mbui h̃u, sí kɛ kíli batɛngɔ́i Ngutuwɔ́ Ỹína Nyɔí haaw̃a taá polu yeláitii,

MÁFIYU 25:46

Jísu woo yápumai faanɛ́ɛ́ngi sí h̃u, i ɣɛi ta, “Aáva taá li kúnafɔ w̃áánɔw̃ɔi h̃u. Kɛ́ sítii pa tí ngáá telembo mbélaitii taá lí kúnafɔ lɛ́ɛ́h̃ui h̃u.”

MÁFIYU 5:22

Kɛ́ nyá lɔɔ́ nde náa wú w̃á ngáá, nuí fíli tuungɔ́ áá ɣɛ́ la ngi mbálai yaá, taá vá ngáá maa w̃ɔ́i kóótii h̃u. Nuí fíli pá áá ngí mbála yɛɛlí, taá vá ngáá maa w̃ɔ́i kóóti walaí h̃u. Ná vólu, nuí fíli áá ɣɛ́ ngi mbála w̃a, ‘Ngambalámba w̃ɔ́ɔ́ waa ngáá í ye!’ Ná áá kɛ ngáá háwu Ngalá ngí maa w̃ɔ́i lɔ́ve njahááma wɔ́mbui h̃u.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 13:23

Faalɔ, wú gísei w̃a, ngí fái sítii ndengá wú w̃á naa wutúwɔɔ.”

TƐSALÓNIKA HESENDAA GƆLƆÍ 4:6

Nuu fíli pa álaa fái sí ta ɣɛ ngáá ngi mbála Yalá fɛ́li mɔ́ɔ. Wú ɣɛ́ kɔ́lɔ ngáá kɛ Ndemɔí Jísu lɔɔ vá faa bá ndáma nungái sítii ma taa fái sítii kɛ ní ndááhi kpá kpá mbongɔ́ ngáá wú yé kɔwɔ́ato ti wa.

HÍBULU 10:31

Aá lɔ́ ngáá faa h̃úúỹɔungɔ wála ngáá Ngalángi lɛ́i ndɛɛh̃ú í su áá lókovɛlɛ nuu w̃á.

PÍTƐ GƆ́LƆI HELE KÉLEI 2:4

Ngalá ngáá suuhaalói malékai sítiini mbɛ tí faa ỹɔ́i ɣɛ́i, kɛ́ aá ɣéle, í tí vílii njahááma mbéinda tí na ngili h̃u kpindíí h̃u táá kɔsɔ́ mbááleve fóloi w̃áálɛlɛ.

FAA YÁKƐ KƆ́LƆI 14:7

I ndéni woo wála h̃u, i ɣɛ ta, “A wúfe Ngalá má wú ndaaw̃áálɛ bɔw̃álale táingi folongá ma ngáá áá vá nungáitii kpɛ́lɛɛ kɔ́sɔma. A Ngalá fɛ́li lɛ́i í ngeleya, ndɔwɔlɔ́i, yívoi ɛ́ɣɛ njɛitii kpɛ́lɛɛ kpátɛngɔ.”

FAA YÁKƐ KƆ́LƆI 15:4

Yɛ́i yí ngáá Ndemɔí, ele lɔ ɛ́i wúfe í w̃a? Ele lɔ ɛ́i kɛ ɔ́ɔ́ í lɛ́? Í yílaa kpé tɔ́ faa ỹɔ́u áá í h̃ú. Ngeleí sí wuu yélaitii kpɛ́lɛɛ tiyá lɔ́ɔ vá í gákala ti í hɛ́li bɔw̃álale í lélembongi ya ngí ɣɛa ngáá ti ye.”

FAA YÁKƐ KƆ́LƆI 20:14

Tí sái ɛ́ɣɛ saa yélai ti ỹándai vílini ngɔmbu hó ngwálai ya. Ngɔmbu hó ngwálai sí yá tɔ́ í ngáá saí helé kéle wómai.