Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:4 - Kɛ́lɛ Niinaí

⁴ Jísu í mɔ́ɔ ɣɛ ta, “Ngí tɔɔỹái le wú w̃a mu mbálangaitii, a waa lúwa sítiini mba taá nuu búsai váa, kɛ́ í kúla ná vólu, tɛí mɔ́ɔ hombó tɔɔ́ péka fíli kɛ́ múl̃ɔ.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:4 Iomraidhean Croise

MÁFIYU 10:28

A waa lúwa sítiini mba taá nuu búsai váá, kɛ́ tɛ́i hómbo tɔɔ́ wú h̃úúyafuw̃angi váá. Kɛ́ wá ɣéle, a lúwa Ngalá mba, lɛ́i áá wú h̃úúyafuw̃angini ngaa wú búsai ỹááni pɔ́lɛɣɛ pɔlɛɣɛ njahááma.

NJƆÚ 15:13

Ndo fíli aa mɔɔ na ɔ́ɔ́ lɔ́ve sí wa ngáá sí nuí áá lɛɛh̃úi gúla kɛlɛ́ma ngi mbálangaitii faaw̃a.

TI GƐ́Ɛ́ HAÍTII 20:24

Kɛ́ ngáá lɛɛh̃úi yeɣéngɔ ngáá ŋani fíli bɔwɔ́ yaa. Sí nɔ́ɔ léi kpéɣengɔ ma, aá waa ngáá ngí ngengengí sí wu kúla Ndemɔí Jísu í fengá ngéya. Maa yéngengi waa keela woó vándai léndai kɔwɔ́ato Ngalángi háá bɔwɔí wa.”

TI GƐ́Ɛ́ HAÍTII 4:13

Ná Faa H̃uu Haa Lé Mbélaitii tí tɔ́ni ngáá kɛ nduwá aa ɣɛ́i Pítɛni ngaa Njɔú h̃ú aáva tí ngatɔ́ mba mɔ́ɔ ngáá kɛ taá ɣɛi ngáá kɔlɔ wɔlɔ́ mbélaa kɛ́ ti ɣɛ́i nɔ́ɔ ngáá nuu bɔ́w̃angaa, i gɔɔlaní ti wa ngwala aáva tí ɣɛ́i kɔlɔ́ ngáá kɛ siỹɛ́ félengɔi sítii ti ɣɛ́ngɔ Jísu wa.

FÉLEPA 1:28

Waa lúwa wú wááhilima yélaitii mba pele fíli sú. Ná wáá sí ɣɛ, aá lɔ áá ngakɛ́ ngáá ti ye ngáá kɛ ti ndái ɛi ndoma kɛ́ wáá vá, wú ndái lɔɔ va ndómama, bɔw̃álale Ngalá tɔ áá vá kɛ́ma ngáá háwu wú ndái í ndóma.

JIMISÍ 2:23

Aáva sí ndéngɔ Ngala Kɔ́lɔi h̃u, í hitɛní náa ngá ngáá sí, í ɣɛ́i ta, “Lébilah̃au i laní ngáá Ngalá, aáva ngi lángi ná w̃aa véle w̃a, Ngalá ngí ngeɣé ngáá telembo mɔ́ɔ.” Ná vá tɔ í kɛ́ni tɔ́ɔ́ Lébilah̃au lolí ngáá Ngalángi mbálai.

PÍTƐ HESENDAA GƆLƆÍ 3:14

Kɛ́ bele pá wú w̃áá áá nɔ́w̃ɔ sífaa wáá ɣɛ́ wáá híya ngáá telembo pélei, aa lɔ́ ngáá faa vánda wú hááw̃a. Wálaa lúwa maa nungáitii mba, kɛlaa ti háá ɔ́ɔ́ kɛ ngáá háwu wú líí ɔ́ɔ́ hɛ́lɛ.

FAA YÁKƐ KƆ́LƆI 2:10

Wálaa lúwa máanɔw̃ɔ fíli mbá wáá vá ngéɣema. A bɛlɛ́ ngí sí lé wú w̃a, Ngutuwɔ́ Ỹína Nyɔí lɔ́ɔ vá kɛ́ma ngáá háwu ti wú lɛ́ingaa víli kpindi vɛlɛ́ wú ngáá wú h̃úú í gɔ́vɔ, wáá ɣɛ́ maa bíndi vɛ́lɛi ná wú foló púúngɔ laa lówah̃u. A wáá vólu yáfe mbá, bele pá aa gula ngáá faa tá ngáá wú wú ngáá ló su, ngáá wú w̃ááỹaa fe ngáá kúnafɔ lɛ́ɛ́h̃ui.