Keela woó vándai Lúu í pɔ́nɛni kɔwɔ́ato Jísu Kílisitii wa LÚU 11:9 - Kɛ́lɛ Niinaí

⁹ Jísu í mɔ́ɔ ɣɛ ti w̃a, “Faalɔ, ngí nde wú w̃a, a Ngalá mɔ́ɔ́ni ŋani haáw̃a, aa fe wú yaa. A yakpá wú ŋani wɔlí Ngalá ngéya, aa fe wu yáa. A Ngalángi góngi laa lúba, aa ndaawó wú yɛ́.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 11:9 Iomraidhean Croise

MÁFIYU 21:22

Ná ndá ngáá ɣɛ́ wú h̃ú, sí fíli wáá Ngála fɛ́li faaw̃a, wáá mááhɔlɔ.”

MÁFIYU 21:31

Kɛ Jísu i ɣɛa ti w̃a, “Ti félengɔ h̃uu, ele lɔ í ngí kɛ́ɛ́ɣɛ liivó fái ɣɛí?” Tí Jísu woo yápoteni, ti ɣɛ́ ma, “Kpakolo keleí.” Kɛ Jísu i ɣɛa ti w̃a, “Ngí tɔ́ɔ́ỹai le wú w̃á, pava gani kula mbélaitii ɛ́ɣɛ tamál̃a nyáh̃aitii taá kɔlɔsiyángi wó kápa fááw̃a, tiyá lɔɔ lí wú wútuwɔ Ngalángi w̃ásandai wu.

MÁFIYU 6:29

Kɛ́ ná fíli su, ngí faa lé wú w̃á, ngáá kíya bɛ́lɛ Masangí Sɔ́lɔmɔ batɛngɔ́ í ɣɛ́i lá ngwála, kula áá ɣɛ́i ngeyá pangɔ́ ɔ́ɔ́ ɣɛ́ lá ɔ́ɔ́ híti fuláwai sítiini ti yiláá kéle tɔ su.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 11:24

Jísu í mɔ́ɔ ɣɛ ti w̃a, “Faalɔ, ngí ndé wú w̃á, sí fíli wáá kál̃aa w̃ɔ́ɔ́ni wú Yála fɛli ngói h̃u, a lá lá ngáá wá lɔɔ vá maahɔ́lɔma, aáva wáá mááhɔlɔ.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 13:37

Sí ngáá nde wú w̃á, nyá lɔ́ɔ́ ndé nuu kpɛ́lɛɛ fááw̃a, faalɔ, ngí ndé wú w̃á, ‘A w̃ááh̃u béle!’ ”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 11:10

Sífaa nuí fíli áá Ngalá mɔ́ɔ́ni ŋani haáw̃a, maa w̃ɔ́i aa maahɔ́lɔ. Nuí fíli pá áá ŋani wɔlí Ngalá ngéya, aa fe maa w̃ɔ́i yaa. Nuí vá áá Ngalángi góngi laa lúba, aa ndaawó maa w̃ɔ́i yɛ.

NJƆÚ 14:13

Aáva, sí fíli yáá fɛli ndááheingi h̃u, ngáá kɛ í yɛ́. Ná aa ɣɛ kɛinɔɔ́ ngi H̃íỹɛndou Loí w̃áá véle w̃a nungáá ti ɣɛ́ kɔlɔ́ ngáá kíya laá Kɛɛɣɛí kaámaangɔ.

NJƆÚ 15:16

Wá láa le wɔ́ɔ́ lokolo mbá, kɛ́ nyá lɔ́ ngí lókolongɔ wú wa ngáá wú lí wú kɛ ngáá háwu ngamba bih̃íw̃aa í hɔ́lɔ wú h̃ú, ngambángi sí áá ɣɛ́ na kúnafɔ taá ngi ndá gúnafɔ. Aáva sí fíli wáá ní Kɛ́ɛ́ɣɛ hɛ́li faaw̃a ndááheingi h̃u, aa fe wú yáá.

NJƆÚ 15:7

Kɛ́ ná wɔ́lii wáá ló kpahái h̃u wú su mbá, ndáá wói va í ló wú líítii su, ná ná áá ɣɛ́, sí fíli áá wú líívo, a Ngala fɛ́li faaw̃a aáva wáá sɔ́lɔ.

NJƆÚ 4:10

Kɛ Jísu i ngoo yápotenga, i ɣɛ ma, “Bele yí ɣɛ́i Ngalá fémbɛ wɔlíngi wɔlɔ́ ɛ́ɣɛ nuí sí íwaa í w̃ɔ́ɔ́ni kpɔ́le yɛ́i hááw̃a yɔ́ɔ́ ɣɛ́ ɣɛi maa w̃ɔ́i w̃ɔ́ɔ́nini aáva ɔ́ɔ́ ndɛɛh̃ú w̃aahɔ́lɔ njɛ́i he í yáá.”

LÓÓMI 2:7

Ngalá ngáá kúnafɔ lɛ́ɛ́h̃ui hé sítii ngeya taá lɛ́ɛ́h̃ui h̃uuhíya ngáá ndiilɔlɔ́ faa vánda ɣɛ́ndai h̃u, ti gitómai aa ɣɛ ngáá Ngalangí yákpa maanɛɛnɛɛ ngwalaí ɛ́ɣɛ ngi yɛ́lɛhei, ɛ́ɣɛ kúnafɔ lɛ́ɛ́h̃ui.

KƆ́L̃E GƆ́LƆI HELE KÉLEI 6:2

sífaa, Ngalá ngí ndeá, i ɣɛ ta, “Ngí í wóó ỹɛ́nini ná táingi í fóloni ma ngáá ngí ni háá bɔwɔí yaah̃ú ɣɛ́ ngáá í ye. Ngí bɔí í wá ná fóloi í fóloni ma ngáá ngí í wúmaawo.” Faalɔ, a wolílo! Sífaa, Ngalá ngí háá bɔwɔí yááh̃u ɣɛ́ táingi i foloá ma! Folói lɔ ngáá sí í fólonga ma ngáá Ngalá ngáá ngumaawóngi wó!

HÍBULU 11:6

Aa ngáá solowo fáá ngáá nuu áá hómbo í Ngalá ndiivó fáitii kɛ ná wɔ́lii nda ngɛ́i ɣɛ́ nuu h̃u. Bɔw̃álale, nuí fíli áá lokohéi Ngala fɛ́lindai wu, kɛ maa w̃ɔ́i í lá la ngáá kɛ Ngalá tɔ́ na aáva aa sítii maaỹá fe taa lí kakála.

HÍBULU 4:16

Náá hááw̃a, a mu lí gíte ngáá ndiibá Ngalá kákala lɛ́i faa bɔ́wɔ í ngéya a mu hááw̃a kɛinɔɔ́ a mu ngaah̃u w̃aaw̃aanú w̃ááhɔlɔ ngeyá ɛ́ɣɛ ngi háá bɔwɔí ná a maa béɣe ma kpɔmba haáw̃a.

JIMISÍ 1:5

Ná wú tá fíli áá ɣɛ́ na kele ɣelé ngɛ́i ɣɛ́ mbɛ, í Ngála fɛ́li ngáá Ngalá ngí kɔ ngáá kele ɣelé. Ngalá pa, lɛ́i áá ŋáni he nuu kpɛ́lɛɛ ngéya ngáá ndiiwolé ɛ́i bóɣi kpoɣí, aa fé maa w̃ɔ́i yaá.

JIMISÍ 5:15

Ná taa Ngala fɛ́li, ti lángi ná taa ɣɛ́ su ngáá Ngalá aa kɛ ngáá háwu maa héébɛ w̃ɔ́i í waló Ndemɔí Ngalá ngáá kɛ ngáá háwu maa w̃ɔ́i luwú h̃ú wúyangɔ í ɣɛ́ la mɔ́ɔ. Ná ná áá ɣɛ́ ɣɛ́ni faa ỹɔ́u fíli áá ɣɛ́ kɛ́ni suuhaa áá lo.

NJƆÚ HESENDAA GƆLƆÍ 3:22

Sí fíli a maá Ngála fɛ́li faaw̃a, aa fe mu yaá bɔw̃álale a mu golóngɔɔ lé ngi hávaitiini mbu ɛ́ɣɛ mú wáá fái sítiini kɛ ti ngáá ndiivó fáitii.

FAA YÁKƐ KƆ́LƆI 2:24

Kɛ́ wɛ́i kínɛi wú Tayatálɔ taa h̃u, wáá kɛ́ngɔ wɔ́ɔ́ hítɛ ti gálambo ỹɔ́u ỹɔungí vólu, wáá nɛ́ɛ́ kɔ́lɔ sí pekáitii taá tolí ngáá Setána lɔwuh̃u háá bikpíngi. Nyáá ngáá ndé wú w̃á ngáá kɛ ngáá mɔ́ɔ́ wú vílima faa véka fíli su kɛ fááw̃a.