Keela woó vándai Lúu í pɔ́nɛni kɔwɔ́ato Jísu Kílisitii wa LÚU 11:4 - Kɛ́lɛ Niinaí

⁴ Ni háá ỹɔítii suuhaaló sífaa niỹá bɛ́lɛ naa sítii suuhaaló taá faa ỹɔ́u ɣɛ ngáá ni ye. Yálaa kɛ ngáá háwu suugɔvɔ́ kpángɔ ɔ́ɔ́ vá ni yelé ɔ́ɔ́ kɛ́ nɔɔ́ faa ỹɔ́u ɣɛ.’ ”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 11:4 Iomraidhean Croise

MÁFIYU 18:35

Jísu i faanɛ́ɛ́ngi sí vólui ɣɛí, i ɣɛ ta, “Ngimɔ́ɔ́ ní Kɛ́ɛ́ɣɛ í ngelegóóh̃u áá kɛ ngáá wú kpɛ́lɛɛ ná wɔ́i ɣɛ́ wú mbálangaitii suuhaalóni.”

MÁFIYU 26:41

A ló yaah̃ú húlu ya, wú Ngala fɛ́li ngáá suugɔ́vɔ fáá álaa wú w̃áále wɔ́ɔ́ kɛ, sífaa wú lií h̃u wáá ɣɛ́ loí wú sí ɣɛ́ áá ɣɛ́ péle w̃a, kɛ́ nduwú h̃ú aa gula wú wá.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 11:5

Kɛ Jísu i mɔ́ɔ ɣɛa ti w̃a, “Kɛbei náa mbala lopo i ɣɛi wú tá yílaa ngéya, kɛ yí yóóɣenga yí lí ngelé ngáá kuyá liiwái, yí ɣɛ́ ma, ‘Mu mbálai, kule vɛ́lɛ má kái ngáá bilé búsa sáángɔ,

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 13:4

Jísu í mɔ́ɔ ɣɛ ti w̃a, “Nuu púúngɔ maah̃úú ngwáhakpangɔi sítii pá náa ngeleya pɛ́lɛi í wóloni ti w̃a í ti váani taí sí h̃ú taá náá lolí ngáá Sáilow̃ɔ, aa lɔ́ wú gí ma ti ɣɛ́i ngáá faa ỹɔ́u yélaa wala í lɔ́ve sítii kpɛ́lɛɛ mbá ti ɣɛ́i Jɛlúsɛl̃ɛ taa h̃u?

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 22:46

Kɛ i ti w̃ɔ́ɔ́ninga, i ɣɛ ti w̃a, “Ndeénii le wúwaa ỹíi? A yooɣé, wú Ngala fɛ́li ngáá suugɔvɔ́ faa álaa wú w̃áále wɔ́ɔ́ kɛ.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 8:13

Hakpá súwui sítii pa ti gúlani kɔtu wɔtú ndɔ́wɔlɔi w̃a, ti gúlangɔɔ le ngáá nungái sítii kɛ kíli taá lokohéi Ngalá ndaá wói wu ngáá kooh̃unɛ́ɛ́ ná taá mɛni. Kɛ́ sape ɛ́i ɣɛ ti wu leténi, faalɔ, taá la nɔ́ɔ ngáá Ngala fái kulo kpɛ́ɛ́, kɛ́ ná léi suugɔvɔ́ fáá áá ti w̃áále, ti lángi áá ɣɛ́ ti h̃u aa gulá ti h̃u.

NJƆÚ 17:15

Ní Yála fɛli ngói aa ngáá yí tí gúla ngeleí sí wúu wa, kɛ́ yí ti w̃ááh̃u belé sí w̃ɔ́i yaá taá ɣɛ́ ma, Nyaama W̃ɔ́i.

KƆ́L̃E HESENDAA GƆLƆÍ 10:13

Suugɔvɔ́ngi kínɛi áá vá wú yéle ngi h̃íí lɔ nɔ́ɔ áá vá nungáá vékaitii ngelé. Kɛ́ Ngalá ngaa ngi gúúlongi hítɛ nga ɛi luw̃áma suugɔvɔ́ ngɔ́ɔ́ vá wú yéle ngáá wú yákpangi ɛ́i hómbo nda. Táingi sí w̃a suugɔvɔ́ngi áá vá wú yéle, aa suubá fé wú yɛ́ wú liilɔ́lɔ nga aáva aa pele gúla kɛlɛ́ma wú yɛ ngáá wú gúla su.

KƆLƆ́SE 3:13

A ỹɔw̃ɔ́ ỹɔ́w̃ɔ háitii kúmbo h̃u, wááyaa ỹɔw̃ɔ́ ỹɔ́w̃ɔ h̃úúhaalo ná nuu háá baalɛ áá ɣɛ í gi ma kíya nɔ́ɔ Ndemɔí Jísu í mu haa ỹɔítii suuhaalóni.

TƐSALÓNIKA GƆ́LƆI HELE KÉLEI 3:3

Kɛ́ Ndemɔí Jísu va aá lɔ́ ngáá tokolá má w̃ɔ́ɔ́, aá lɔ́ɔ́ wú lííwuulɛ, í wú w̃ááh̃u béle faa ỹɔ́i yaa.

TÍMOTI GƆ́LƆI HELE KÉLEI 4:18

Ndemɔí Jísu aa mááɣawo ngáá faa ỹɔ́u híí fíli ɛi la ma, ná vólu, í lí ngáá ngé lɛ́i lɛ́i ngi w̃ásandai h̃u í ngelegóóh̃u. Bɛlɛ́ ndaaw̃aa í lɛ kúnafɔ taa ngi ndá gúnafɔ! Amíína.

JIMISÍ 2:13

sífaa nuí sí ɛ́i nungáá yaah̃ú w̃ááw̃aanu hóu, ná Ngalá ngáá ɣɛ́ ngáá maa w̃ɔ́i gɔ́sɔ ɛi ngaah̃ú w̃ááw̃aanu hóu laá bɛ́lɛ. Kɛ́ núi sí áá nuu yááh̃u w̃ááw̃aanu hóu, Ngala ngáá maa w̃ɔ́i yaah̃ú w̃ááw̃aanu hóu kɔsɔ́ su.

FAA YÁKƐ KƆ́LƆI 2:10

Wálaa lúwa máanɔw̃ɔ fíli mbá wáá vá ngéɣema. A bɛlɛ́ ngí sí lé wú w̃a, Ngutuwɔ́ Ỹína Nyɔí lɔ́ɔ vá kɛ́ma ngáá háwu ti wú lɛ́ingaa víli kpindi vɛlɛ́ wú ngáá wú h̃úú í gɔ́vɔ, wáá ɣɛ́ maa bíndi vɛ́lɛi ná wú foló púúngɔ laa lówah̃u. A wáá vólu yáfe mbá, bele pá aa gula ngáá faa tá ngáá wú wú ngáá ló su, ngáá wú w̃ááỹaa fe ngáá kúnafɔ lɛ́ɛ́h̃ui.

FAA YÁKƐ KƆ́LƆI 3:10

Kolongí wú su ndáá wói wú a ndi ngu ma ngáá ndiilɔlɔ́, nyá lɔ́ɔ vá wú w̃ááh̃u bélema faa bámai sí yáa aá vá vááma nuu kpɛ́lɛɛ mááh̃u ngeleí sí wú suugɔ́vɔngi hááw̃a.