Keela woó vándai Lúu í pɔ́nɛni kɔwɔ́ato Jísu Kílisitii wa LÚU 11:2 - Kɛ́lɛ Niinaí

² Jísu i ɣɛ́i ti w̃a, “Ná wáá ɣɛ́ wáá Ngala fɛ́li, wáá ɣɛ́ ta, ‘Ni Kɛ́ɛ́ɣɛ Ngalá, kɛ kái ngáá háwu nungáá ti wúfe í w̃a, ti ɣɛ́ kɔ́lɔ ngáá yá lɔ yí ngáá tɔɔỹaá Yálangi. Í w̃ásandai í vá kái í ɣɛ́ nuu kpɛ́lɛɛ mááh̃u.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 11:2 Iomraidhean Croise

MÁFIYU 10:32

Kɛ Jísu i mɔɔ ɣɛa ta, “Nuí fíli áá ndé kpɔ́ ndííwaa ngáá kɛ aá lɔ fááw̃a, ngimɔ́ɔ́ nɔ́ɔ ngáá ndé maa w̃ɔ́i hááw̃a ní Kɛ́ɛ́ɣɛ gákala lɛ́i í ngelegóóh̃u.

MÁFIYU 3:2

I ɣɛi áá ɣɛ́ ta, “A volú yáfe wú háá ỹɔítii mba bɔw̃álale Ngalángi w̃ásandai áá vá ɣɛ́ma nuu kpɛ́lɛɛ mááh̃u h̃umbuwa i folóa ma.”

MÁFIYU 5:16

Ngimɔ́ɔ́ nɔ́ɔ kule í wú w̃á wú lámbongi í hólo nuu kpɛ́lɛɛ kákala. Ná lɔ́ áá kɛ ti wú háá vandaítii tɔ, táa wú Kɛ́ɛ́ɣɛ Ngalá ndaaw̃áálɛ, lɛ́i í ngelegóóh̃u.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 11:1

I ɣɛi ngáá folo yílaa, Jísu i ɣɛi áá Ngala fɛ́li ỹandá ta. Ná í vílani, polú yélai ti ta yílaa i liiní ngéle, i ɣɛ ma, “Kaamɔ́ɔ́, ni galómbo ngáá Ngala fɛ́lindai kíya Njɔú í volú yélaitii kalámboni.”

LÓÓMI 1:7

Aáva nyá lɔ́ ngíwaa kɔ́lɔi sí vɔ́nɛ wú kpɛ́lɛɛ ngéle wú táa walái sí h̃u taá náá lolí ngáá Lóómi, wɛ́i wá bɛ́lɛ Ngalá ndóngɔ ngáá wú ye aáva i wú lólinga ngáá wú ɣɛ́ ngáá ngi vóngaa. Bɛlɛ́ a mu Kɛ́ɛ́ɣɛ Ngalá ɛ́ɣɛ a mu Lemɔ́i Jísu Kílisitii tí háá bɔwɔí ɛ́ɣɛ ti lííhei ti ɣɛ́ wú yɛ.

LÓÓMI 8:15

Maa Ỹínangi ɛi kɛ ngáá háwu wɔɔ ɣɛ́ ngáá nduwɔ lopóa ɣɛ́ kíli Ngalá ngeyá wɔɔ ɣɛ́ wáá lúwa mba. Kɛ́ áá ɣéle, áá kɛ ngáá háwu wú ɣɛ́ ngáá Ngalángi léngaa, a múwaa tóli ngáá a mu kɛ́ɛ́ɣɛ.

KƆ́L̃E HESENDAA GƆLƆÍ 1:3

Bɛlɛ́ mu Kɛ́ɛ́ɣɛ Ngalá ɛ́ɣɛ Ndemɔí Jísu Kílisitii ti háá bɔwɔí ɛ́ɣɛ ti lííhei tí ɣɛ́ wú yɛ́.

KƆ́L̃E GƆ́LƆI HELE KÉLEI 1:2

Bɛlɛ́ a mu Kɛ́ɛ́ɣɛ Ngalá ɛ́ɣɛ Ndemɔí Jísu Kílisitii ti háá bɔwɔí ɛ́ɣɛ ti lííhei ti ɣɛ́ wú yɛ́.

GALÉSIYA 1:4

Jísu Kílisitii i lɛɛh̃úi gúlangɔ kɛ́lɛma mu háá ỹɔítii fááw̃a kɛinɔɔ́ í mú gúla nyaama yéteyangi sí yákpangi wu. Laáva sí vá tɔ a mu Yálangi lɛ́i múl̃ɔ í ngáá mu Kɛ́ɛ́ɣɛ í ɣɛ́i loí Jísu í kɛ.

Ɛ́FƐSƆ 1:2

Bɛlɛ́ mu Kɛ́ɛ́ɣɛ Ngalá ɛ́ɣɛ mu Lemɔ́i Jísu Kílisitii ti háá bɔwɔí ɛ́ɣɛ ti lííhei ti ɣɛ́ wú yɛ́.

FÉLEPA 1:2

Bɛlɛ́ mú Kɛ́ɛ́ɣɛ Ngalá ɛ́ɣɛ mu Lemɔí Jísu Kílisitii ti háa bɔwɔí ɛ́ɣɛ ti lííhei tí ɣɛ́ wú yɛ́.

FÉLEPA 4:20

Bɛlɛ́ Ngála lɛ́i í ngáá a mu Kɛ́ɛ́ɣɛ, ngufema í ɣɛ́ mbɛ kúnafɔ taá ngi ndá gúnafɔ. Amíína.

KƆLƆ́SE 1:2

Kɔlɔí sí lɔ́ɔ́ vá wú yéle, wɛ́i wú ngáá Ngalángi vóngaitii Kɔlɔ́se taí h̃u, wɛ́i waa híɣengɔ tɔ́wɔbaɣa vélei sí wa wú lɛ́ɛ́h̃ui h̃u wú báhangɔ Kílisitii wá. Bɛlɛ́ mu Kɛ́ɛ́ɣɛ Ngala ngí háá bɔwɔí taá ngí lííhei ti ɣɛ́ wú yɛ́.

TƐSALÓNIKA HESENDAA GƆLƆÍ 1:1

Nyɛ́i ngi ngáá Pɔ́ɔ í baha Sáilɔ wa ɛ́ɣɛ Tímoti, niỹa lɔ níwaa kɔlɔí sí vɔ́nɛ wú yéle wɛ́i wú ngáá Ngala fɛ́li mbélai taí sí h̃u taá náá lolí ngáá Tɛsalónika, wɛ́i wú mu Kɛ́ɛ́ɣɛ Ngalá fááw̃a ɛ́ɣɛ mu Lemɔ́i Jísu Kílisitii. Bɛ́lɛ Ngalángi háá bɔwɔí ɛ́ɣɛ ngí lííhei ti ɣɛ́ wú yɛ́.

TƐSALÓNIKA HESENDAA GƆLƆÍ 1:3

Ngalá lɛ́i í ngáá a mu Kɛ́ɛ́ɣɛ nápa ná naa ɣɛ́ naá fɛ́li, nɛ́i lééw̃a wú w̃a. Sífaa ní gí tɔ nɔɔ́ fɔ́ wú yéngengi h̃u áá gúla ndangí h̃u ɛ́ɣɛ ndongí wú su ngáá Ndemɔí Jísu Kílisitii, ná vólu, kíya wú gítongɔ mba kpáŋ kpáŋ.

TƐSALÓNIKA GƆ́LƆI HELE KÉLEI 2:16

Bɛlɛ́ mu Lemɔ́i Jísu Kílisitii laá gíte ɛ́ɣɛ mu Kɛ́ɛ́ɣɛ Ngala ti wú lííwuulɛ ɛ́ɣɛ ti wú h̃úúba faa vánda kpɛ́lɛɛ nde fááw̃a ɛ́ɣɛ kɛ fááw̃a. Ngala ndóngɔɔ lé ngáá mu ye aáva ngi háá bɔwɔí w̃áá véle w̃a, í kitomáá vánda hengá mú yɛ, í kɛ ngáá háwu mu lííwuulɛngi áa ndi ngu ma kúnafɔ.

FAA YÁKƐ KƆ́LƆI 11:15

Kɛ malékai wɔféla kélei i ngí ndá búlui hɛ́nga. Ná í ná ɣɛ́ni, ngí ngóó wála walaní mɛ́nini táa gúla ngelegóóh̃u, táa ɣɛ́ ta, “Ngakpángi sí áá núu ɣɛ́ ngáá masa ngeleí sí wu, áá lɔ́ mu Lemɔ́i Ngalá fááw̃a ɛ́ɣɛ ngí Lókolo Mbá W̃ɔ́i, aáva aa ɣɛ ngáá masa kúnafɔ taá ngí ndá gúnafɔ.”

FAA YÁKƐ KƆ́LƆI 15:4

Yɛ́i yí ngáá Ndemɔí, ele lɔ ɛ́i wúfe í w̃a? Ele lɔ ɛ́i kɛ ɔ́ɔ́ í lɛ́? Í yílaa kpé tɔ́ faa ỹɔ́u áá í h̃ú. Ngeleí sí wuu yélaitii kpɛ́lɛɛ tiyá lɔ́ɔ vá í gákala ti í hɛ́li bɔw̃álale í lélembongi ya ngí ɣɛa ngáá ti ye.”

FAA YÁKƐ KƆ́LƆI 19:6

Kɛ ngí ngoí ỹɛ́nia kíya nɔ́ɔ faŋa walá áá ɣɛ́ ỹanda ɔɔ kíya nɔ́ɔ njɛ walá áá ɣɛ́a lúndɛ ɛ́ɣɛ múl̃ɔ ngele bandɛ́ ááyaa bɔ́ɔ́lɔ ngoí yá ngí w̃ɔ́nu. Ngoí ná i ɣɛi ngáá sí, “A mú Ngála ndaaw̃áálɛ, sífaa lɛ́i í ngáá Ndemɔí mú Yálangi, aá lɔ́ ngáá Ngakpa Ngalá Ngwala ɛ́ɣɛ Ndɔwɔlɔ W̃ása Ngwala.

FAA YÁKƐ KƆ́LƆI 20:4

Kɛ ngí mása kpɔ́kpɔngaitii tɔ́a, sítii pá ti ɣɛ́i héini ti ya, ngákpa féngɔ i ɣɛ́i lá ti yaá ngáá tí núngaa gɔ́sɔ. Ngi mɔ́ɔ́ sítii ti yáfuw̃angaitii tɔ́ni tí tí vááni sífaa tí Ngala ngói lení taá tɔ́ɔ́ỹai kɔwɔ́ato sítii kínɛi mbá Jísu í ngákɛni ngáá ti ye, ɛ́ɣɛ taá kɛí tɔ́ɔ ngakpa súwai ɔɔ kɔɔ kɔɔ́ ŋáni ta hɛlí aáva taá ngákpa súwai sí lókovongi vúi lávala ɔɔ loko h̃u. Ti vái ndɛɛh̃úi h̃u, tí ɣɛ́ ngáá masa ngwála wála taa Kílisitii fowó tásu ngiláá ndáá lówah̃u.