Keela woó vándai Lúu í pɔ́nɛni kɔwɔ́ato Jísu Kílisitii wa LÚU 10:2 - Kɛ́lɛ Niinaí

² Tɔɔ ɣɛ́ p̃ɛ́ɛ́ ti lí i ndení tí w̃a, i ɣɛ ta, “Sii hií ŋáni hítingɔi h̃úú wɔ́ɔ́lɔngɔɔ lé kɛ́ kula mbélaitii taá bíh̃i. Faalɔ, a Ndemɔí Ngalá mɔ́ɔ́ni lɛ́i ngi ndá í ngáá sii hií ŋáni í kula mbélaa lɔve ngi báálai h̃u sitingɔ́ náa.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 10:2 Iomraidhean Croise

MÁFIYU 20:1

Kɛ Jísu i ɣɛa ta, “Ngalángi w̃ásandai gúlangɔɔ lé ngáá faanɛ́ɛ́ngi sí ɣɛ́ kíli. Siỹɛndópo lɔ wɔ́lɔ í ɣɛ́i na, kpeléi i ngeyá, kɛ i liingá ngelendáá lɛtɛngí ndɔwɔ́ bálangi ya ngáá í siỹɛngáá wɔ́li ti yénge ngi bélei h̃u.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 13:34

Maa hái ɣɛ kíli lɔɔ vá gulamá ngáá siỹɛndópoi í ɣɛ́i áá lí siya má, i ngi vɛ́lɛi lóni ngi yénge mbélai toko h̃u. Í ngengengí he ti yaá léélaa léélaa. Í nde pɛlɛ́ láá w̃ɔ́i w̃a ngáá í pɛ́lɛi laa w̃ááh̃u béle.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 16:15

A lí ndɔwɔlɔ́i kpɛ́lɛɛ kpɛ́lɛɛ su, wú Ngalángi gééla woo vandaí lé nuu kpɛ́lɛɛ má.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 16:20

Jísu volú yélaitii pa tí liiní náa tí Ngalángi gééla woo vandaí le ỹanda kpɛ́lɛɛ kpɛ́lɛɛ. Ndemɔí Jísu va i bɔní ti wa ngáá sí í kɛ́ni ngáa háwu ti ɣɛ́i taa káámaa haítii kɛ, sí í ngakɛ́ni kpál̃au ngáá kɛ ti gééla woí lɔ ngáá tɔɔỹaá.]

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 9:1

Jísu í volú yélaa púúngɔ maah̃úú félengɔitii tólini ỹánda yílaa, i ngakpá fé ti yaá ỹína nyɔítii kpɛ́lɛɛ téve fááw̃a nungáitii polú ɛ́ɣɛ seebɛítiini mbaló fááw̃a.

TI GƐ́Ɛ́ HAÍTII 11:19

Sítii ti langɔ́ ngáá Jísu ti vahá fáhangɔ i ɣɛi lá su kɔwɔ́ato faa bángi wa í láni ti w̃a ná h̃u nungáitii tí Sitívi vaaní. Ti lɛ́ingaa ti liiní Fɔnísiya lataí h̃u ɛ́ɣɛ Sáipulɔ lɔwɔlɔí h̃u ɛ́ɣɛ Átiyɔ taa h̃u táa Ngalangí gééla woí le Júsuai séɣe héɣe má.

TI GƐ́Ɛ́ HAÍTII 13:2

Ná ti ɣɛ́i taá Ndemɔí Ngalá fɛ́li táá súngi hóu, Hɛ́ɛ́ma Ỹínangi i ɣɛ ta, “A Bánabani ngaa Sɔ́ɔ gula naa wa léélaa mbɛ́ ngengengí sí hááw̃a ngí lókolongɔ ti wa ngáá tí mbo.”

TI GƐ́Ɛ́ HAÍTII 13:4

Hɛ́ɛ́ma Ỹínangi i kɛní naa ngáá háwu tí li taa walái sí h̃u taa náa lolí ngáá Sɛlusíya. Ti vílini naá kelé ngwálai h̃u tí li ndɔwɔlɔí sí h̃u taa naa lolí ngáá Sáipulɔ maayele mbélengɔ ngáá njɛí.

TI GƐ́Ɛ́ HAÍTII 20:28

A bɔwɔ́ w̃aah̃ú belé, ná vólu, wú sítii kínɛi mááh̃u béle Hɛ́ɛ́ma Ỹínangi í wú ɣɛ́nga ngáá ti wutúwɔɔ yélaa. A ɣɛ́ ngáá wú mbála Yalá fɛ́li mbélai ti w̃ááh̃u béle mbélaa wɛ́i wáá tiyéi Ngalángi í wú h̃ɔ́w̃ɔ hengá ngáá kpɔwɔ́ bɔ́wɔ H̃íỹɛndou Loí ná wáá ngáá, saáɣa haí sí í mbóngɔ.

TI GƐ́Ɛ́ HAÍTII 22:21

Kɛ Ndemɔí Jísu i ndengá má, i ɣɛ má, ‘Lí! Nyá ngaá í lɔ́ve kpɔ́lɔɔ sítii ngelé taa ngáá Júsua.’ ”

TI GƐ́Ɛ́ HAÍTII 8:4

Sítii ti vahá fáhangɔ í ɣɛ́i lá su, tí Ngala ngói lení mbéi fíli tɔ́ɔ́ lí na.

KƆ́L̃E HESENDAA GƆLƆÍ 12:28

Ná ná áá ɣɛ, Ngala fɛ́li mbélaitii su, Ngalá ngí nuu kpɛ́lɛɛ tónga toow̃aá. Hésendaa loow̃aí waa ngáá sítii taa ɣɛ́ ti w̃a Ngalángi géélaitii, nátii kpélaa yélai mbaa ngáá Ngalá ndaa háá lé mbélaitii, ná vólu yélai mbaa ngáá kaamɔítii, ná vólu yélai mbaa ngáá káámaa haa ɣɛ mbélai, ná vólu yélai mbaa ngáá mbaló mbó mbélai, ɛ́ɣɛ kpɔmba hé mbélai, ɛ́ɣɛ sítii taá fáitii kɛ kíli ɣɛ ngáá nuu ye, ɛ́ɣɛ sítii taá yɛ́pɛ híí woo vekaítiini su.

KƆ́L̃E HESENDAA GƆLƆÍ 15:10

Kɛ́ Ngalángi háá bɔwɔí w̃áa véle w̃a, i kɛngá ngí ɣɛ́ ngáá kíya ngí na, aáva maa háá bɔwɔí í kɛ́ngɔ mbɛ́ ngi háá ya ngáá wálangɔ mba. Ngí yéngenga í lɔ́ve Ngalángi gééla vekaítii kpɛ́lɛɛ mbá, kíya bɛ́lɛ áá ɣɛ́ngɔ ngáá kpɔ́wɔ yákpa su, kɛ́ aá ɣéle, í naa gúlangɔ mbɛ́ kɛ́lɛma ngí háá bɔwɔí w̃aa véle w̃a ngí hómbo nda.

KƆ́L̃E GƆ́LƆI HELE KÉLEI 6:1

Ni yéngengi h̃u naá Ngalá, niỹá lɔ́ɔ, wú w̃áánɛɛnɛ hɔ́ɔ, ngáá Ngalángi háá bɔwɔí wú mááhɔlɔnga, wálaa kɛ ɔ́ɔ́ ɣɛ́ ngáá faa ỹááka

FÉLEPA 2:21

Nuu vékaitii kpɛ́lɛɛ ti beɣéngɔɔ lé nɔ́ɔ léi ngáá ti hɛmbɛ́ma háitii. Kɛ́ sí fíli kɔwɔ́ i tóngɔ Jísu Kílisitii wa, taá béɣeni fááw̃a.

FÉLEPA 2:25

Ngí gísiyaa lá ngáá kɛ aá lɔ pele w̃a ngáá ngí wú gééla hiya mbo mɔ́i Ɛpafulɔdáitɔ yangáima wú yéle, lɛ́i laá bɛ́lɛ í ngáá a mu mbála Yalá fɛ́li mɔ́i ta. Laá lɔ múl̃ɔ ngáá maa yénge mbo mɔ́ɔ́ ta. Naá laa lɔ ni ngáá Ngalá ndaa wói w̃ááɣawo mbélaa lɛ́i wú ɣɛ́ngɔ tɔvení ngáá í vá ngáá kpéɣema wɔ́lingaitii.

FÉLEPA 2:30

bɔw̃álale saangɔ́ votó ngi ɣɛngɔ náa lá Kílisitii yengengí háá nɔɔ́ má. Ná vólu, i loko híɣengɔ lɛɛh̃úi w̃ááh̃u ngáá í kpɔmba hé mbɛ́ sí wɔ́i belé hómbo wɔ́ɔ́ fé mbɛ́.

KƆLƆ́SE 1:29

Ná lɔ́ í kɛ́a ngáá yénge buté ngwala ngáá ngakpángi Kílisitii áá fé ngeyá ngengengí sí wo fááw̃a.

KƆLƆ́SE 4:12

Siỹɛndópoi sí taa ɣɛ́ ma Ɛpáfulɔ, lɛ́i í ngáa mú mbalá Yalá fɛ́li mɔ́i ta wú gúúwui h̃u ɛ́ɣɛ Jísu Kílisitii yénge mɔɔ aa bɛlɛ́ i haaní wú w̃a. Aá lɔ́ nɔ́ɔ fɔ́ áá Ngala fɛ́li wú hááw̃a ngáá lií kpɛ́lɛɛ ngáá Ngalá ngí kɛ ngáá háwu wú h̃úú í bá wú lángi h̃u, wú ɣɛ suuwɔlɔ́ kpál̃au ngáá kɛ wú lángi wú su ngáá Jísu Kílisitii kɛ tɔɔỹaá le ɛ́ɣɛ wú gólongɔ í ɣɛ́ la Ngalá mbɛ ngáá hɛmbɛ́ fíli.

TƐSALÓNIKA HESENDAA GƆLƆÍ 2:9

Mu mbála Yalá fɛ́li mbélai, wú gíseingɔ ma gíte kíya nɔ́ɔ ngenge kpá kpangaitii mbó wú lííwaa. Nɔ́ɔ́ yénge fóloni ngaa kpindí kɛinɔɔ́ ni waa háá ɣɛ́ndaa ɔ́ɔ́ va bá nuu fíli ngú mba Ngalángi gééla woo vandaí sí lé fááw̃a í féngɔ ni yaá ngáá ní ndé wú w̃a.

TƐSALÓNIKA HESENDAA GƆLƆÍ 5:12

Mu mbála Yalá fɛ́li mbélai, wú w̃áánɛɛnɛngɔ gítee le ngáá wú ɣɛ́ wáá wúfe sítiini ma tíwaa Ngalá ngéngengi wo wú lííwaa, sítii Ngalá ngí lókolonga ti wa ngáá wú wútuwɔai tiyɛ́i taa ɣɛ́ taa wú lááhi.

TƐSALÓNIKA GƆ́LƆI HELE KÉLEI 3:1

Mu mbála Yalá fɛ́li mbélai, ngapúmaa haí waa náá ngáá sí, waayaa Ngala fɛ́li ni haáw̃a ngáá keela wói kɔwɔ́ato Ndemɔí Jísu wa í híya hiyá hááli ngáá maahulángɔ, aáva nungáá tí wúfe ma kíya nɔ́ɔ í ɣɛ́i wú ndái h̃u.

TÍMOTI HESENDAA GƆLƆÍ 4:10

Aáva muỹá lɔ́ɔ w̃ɔ́l̃ɛ máá yakpá ngwala bɔw̃álale mú kpɛ́lɛɛ mú gitóngɔɔ lé Ngalá mba, lɛ́i í ngáá Ngalá ndɛɛh̃ú í su, lɛ́i í ngáá nuu kpɛ́lɛɛ Ngúmaawo Mɔ́i kɛ́ ngu ngi nda mɛ́ɛ́ sítii ma tí langɔ́ la.

TÍMOTI GƆ́LƆI HELE KÉLEI 4:5

Kɛ́ yá Tímoti, yí bɔwɔ́ h̃úúhou w̃a faa kpɛ́lɛɛ su. Yálaa lúwa maanɔ́w̃ɔi wa yáá vá ngéɣema keela woó vándai sí lé fái w̃a, ndi ngu ma ngáá ndendáá. Sítii ti ngáá í yénge, yí tí wo ngáá pangɔ́ kíya nɔ́ɔ Ngala ngénge mɔɔ áá kɛ.

FELÉMO 1:1

Nyɛ́i ngí ngáá Pɔ́ɔ, ngí ngáá pelésina sífaa nyá lɔ́ɔ yénge Jísu Kílisitii yɛ, nyá ɛ́ɣɛ mú mbála Yalá fɛli mɔ́i Tímoti niỹa lɔ́ náa kɔlɔí sí vɔ́nɛ í yéle Felémo, yɛ́i yí ngáá mu mbála vandái ɛ́ɣɛ mu mbála yengé mɔ́ɔ,

HÍBULU 3:6

Kɛ́ Kílisitii lɛ́i í ngáá Ngalángi H̃íỹɛndou Loí, áá lɔ ngáá tokola ma w̃ɔ́ɔ́ ngi yéngengi h̃u Ngalángi vóngaitii mááh̃u. A múỹa lɔ́ ngáá Ngalángi vóngaa nɔ́ɔ léi ná ndiibángi ɛ́ɣɛ ndángi áá ɣɛ́ mú h̃u kɔwɔ́ato mu gítomai wa.

FAA YÁKƐ KƆ́LƆI 2:1

I mɔɔ ɣɛi ma, “Kééla wói sí vɔ́nɛ malékai sí yéle í Ngála fɛ́li mbélaitii maah̃u ti Ɛ́fɛsɔ taa h̃u. ‘Sí lɔ́ í ngáá keela wói áá gúla síí w̃ɔ́i yáa temúleɣa ngɔ́felangɔitii tí hóuni ngísa lókoi ya ɛ́ɣɛ lɛ́i íwaa lɔ́ve tɔvé góóli lowa ngɔ́felangɔitii ndííwaa.