Keela woó vándai Lúu í pɔ́nɛni kɔwɔ́ato Jísu Kílisitii wa LÚU 10:16 - Kɛ́lɛ Niinaí

¹⁶ Jísu í mɔ́ɔ ɣɛi volú yélaitii ma, “Nuí fíli áá wolílo wú láá woo w̃a, kɛ i wolílonga ndáá woo w̃a. Nuí va áá léle wú wa, kɛ i lelengá mbá. Nuí fíli pá áá léle mbá, kɛ i lelengá nuí síí w̃ɔ́i wa í tɔ́vengɔ.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 10:16 Iomraidhean Croise

MÁFIYU 10:40

Jísu í mɔ́ɔ́ ɣɛ ta, “Nuí fíli áá lokohéi wú wú, kɛ maa w̃ɔ́i i lókoheinga mbú. Nuí fíli pá áá lokohéi mbú, kɛ i lokohéinga Ngala mbú lɛ́i í tɔ́vengɔ.

MÁFIYU 18:5

Aáva nuí fíli áá ló ngáá ngé aáva í lokohéi ndopo gúlo laalií sí tá yílaa kéle tɔ mbu ndongí hááw̃a í su ngáá ngé, kɛ maa w̃ɔ́i i lokohéinga mbú.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 9:37

“Nuí fíli áá ló ngáá ngé aáva í lókohei ndopo gúlo laalií sí tá yiláá kéle tɔ mbu ndongí hááw̃a í su ngáá ngé, kɛ maa w̃ɔ́i i lokohéinga mbú. Nuí fíli pá áá lokohéi mbú, kɛ nyá láá le nɔ́ɔ ɔ́ɔ́ ɣɛ́ lokohéni mbú, kɛ́ Ngalá lɛ́i í tɔ́vengɔ laá lɔ áá ɣɛ́ lokohéini mbu.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 9:48

Kɛ i ɣɛa ti w̃a, “Nuí fíli áá lokohéi ndopo gúlo laalií sí wu ndongí hááw̃a í su ngáá ngé, kɛ maa w̃ɔ́i i lokohéinga mbú. Nuí fíli pá áá lokohéi mbú, kɛ i lokohéinga nuí sí wu í tɔ́vengɔ. Sífaa, nuí ngu nga njéingɔi wú kpɛ́lɛɛ kpɛ́lɛɛ wú lííwaa, aá lɔ í ngáá ngakpa mɔ́ɔ walaí.”

NJƆÚ 12:44

Kɛ Jísu i mɔɔ ndengá woo wála h̃u gbél̃eiŋ, i ɣɛ ta, “Nuí fíli áá lá ngáá nge, kɛ maa w̃ɔ́i langɔ́ laa le nɔ́ɔ́ ngáá nyá ngílaa kpé kɛ́ ndangɔ́ lé bɛ́lɛ múl̃ɔ ngáá nuí sí ɣéle tɔ í tɔ́vengɔ.

NJƆÚ 12:48

Nuí fíli ɛi ɣɛ lokohéini mbú aáva ɛ́i ɣɛ lokohéini ndáá wóitii mbu, ndáá wói sítii tɔ táá maa w̃ɔi vele lala kɔsɔ́ su ngakɛɛlɛ́ fóloi w̃a.

NJƆÚ 13:20

Nyáá vá nyá lɔɔ́ tɔɔỹái le wú w̃a múl̃ɔ ngáá nuí fíli áá lokohéi nuu fíli mbú ngáá tɔ́ve, kɛ maa w̃ɔ́i i lokohéinga mbú. Nuí fíli pá áá lokoheí mbu, kɛ maa w̃ɔ́i i lokohéinga núi sí wu í tɔ́vengɔ.”

TI GƐ́Ɛ́ HAÍTII 5:4

Kɛ́mbɛ í ndá i ɣɛngɔ lá p̃ɛ́ɛ́ yɔ́ɔ́ ɣɛ́a maa ɣɛ? Aáva ná yí vílangɔ maaɣɛmá, kɛ́mbɛ maa gápangi ná i ɣɛngɔ ngáá í ndá, kɛ́lɛi? Ndeénii lɔ náá í kɛ́ngɔ yí gísiyangɔ ngáá faa láálii ná ɣɛndáá? Nuu búsa láá le yɔ́ɔ́ ɣɛ́ ndɛ́i sí gɔ́ɔ́langɔ ngeyá, kɛ́ Ngalá tɔ yí ndɛ́i sí gɔ́ɔ́langɔ ngeyá.”

GALÉSIYA 4:14

Kɛ́ wáá ní háá baalɛí wa, kɛlaa maa wɔ́ɔ́ léle mba kíya bɛ́lɛ ní héébɛi í ɣɛ́i ngáá wú h̃úúbɛɛɣi fáá. Kɛ́ laá ɣéle p̃ɛ́ɛ́, wú lókoheini mbu kíya ngáá ɣɛ́ ngáá Ngalángi w̃áleka ɔɔ Jísu Kílisitii gítei.

TƐSALÓNIKA HESENDAA GƆLƆÍ 4:8

Faalɔ, nuí fíli ɛ́i lókohei kalambóngi sítiini mbu níwaa mbo ngáá wú yé, kɛ maa w̃ɔ́i aa kolo lála h̃u ngáá nuu búsa, kɛ́ aá ɣéle, kolo lála wúl̃a nɔ́ɔ áá ɣɛ́ sú ngáá Ngalá, lɛ́i í kɛ́ngɔ ngáá háwu wú ngi Hɛ́ɛ́ma Ỹínangi í wú vólu.