Keela woó vándai Lúu í pɔ́nɛni kɔwɔ́ato Jísu Kílisitii wa LÚU 10:11 - Kɛ́lɛ Niinaí

¹¹ ‘Wú lái h̃uu húfulengi géle tɔ í bángɔ ni gɔwɔ́i ya, ní kpɛ́kpɛlɛngɔ nga, ngáá wú ɣɛ́ kɔlɔ́ ngáá kɛ wú ndái aa pele w̃a. Kɛ́ ná fíli su, a giséi sí w̃a ngáá kɛ Ngalángi w̃ásandai bɛ́ɛ́ngɔɔ lé náa wú wa.’ ”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 10:11 Iomraidhean Croise

MÁFIYU 10:14

Taí sí h̃u ɔɔ pɛlɛ́i sí wu vá tɛi ɣɛ́ lokohéini na wú wú, a naa húfulengi bɛ́kpɛlɛ gɔwɔ́ ya, ná wáá ɣɛ́ wáá gúla pɛlɛ́i ná wuu wa ɔɔ taí ná h̃uu wa. Ná lɔ́ áá ngakɛ́ ngáá kɛ ti velé lálangɔɔ lé.

MÁFIYU 10:7

Ná wáa ɣɛ́ líi, a keela wói sí lé, wáá ɣɛ ta, ‘Ngalángi w̃ásandai áá vá ɣɛ́ma nuu kpɛ́lɛɛ mááh̃u h̃umbuwa i folóa má.’

MÁFIYU 3:2

I ɣɛi áá ɣɛ́ ta, “A volú yáfe wú háá ỹɔítii mba bɔw̃álale Ngalángi w̃ásandai áá vá ɣɛ́ma nuu kpɛ́lɛɛ mááh̃u h̃umbuwa i folóa ma.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 6:11

Kɛ́ aáva taa fíli sú nuu fíli ɛ́i ɣɛ́ lókoheini wú wú na, kɛlaa tɔɔ́ wólilo wú w̃á, a gulá náá wa wú náá húfulengi bɛ́kpɛlɛ gɔ́wɔ ya. Ná lɔ áá ngákɛ ngáá ti ye ngáá kɛ ti velé lálangɔɔ lé.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 10:10

Kɛ́ ná wáá lɛ́ taa fíli su aáva tɛ́i ɣɛ lokohéini wú wú, a lí wú ló ti lái liiwáá wú ɣɛ́ ta,

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 10:9

A seebɛ yelái sítii mbaló taa ɣɛ́ na, wú ndé nungáitii ma, wú ɣɛ ta, ‘Ngalángi w̃ásandai bɛ́ɛ́ngɔɔ lé náa wú wa.’

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 9:5

Ná nungáitii tɛi ɣɛ́ lokohéini wú wú taí ná h̃u, a gulá náá wa, wú naa húfulengi bɛ́kpɛlɛ gɔwɔ́ yá. Ná lɔ áá ngakɛ́ ngáá kɛ ti velé lálangɔɔ lé.”

TI GƐ́Ɛ́ HAÍTII 13:26

Pɔ́ɔ í mɔ́ɔ ɣɛ ta, “Mu mbálangaa, muỹɛ́i mu ngáá Lébilah̃au laala lengáitii ɛ́ɣɛ wɛ́i wáá ngáá Júsua kɛ́ wáá Ngala fɛ́li, a muỹá lɔ ti keela woí sí léi mu yɛ kɔwɔ́ato ngumaawóngi wa, tí tɔvengɔ́ mu yelé.

TI GƐ́Ɛ́ HAÍTII 13:40

A w̃aah̃ú belé ngáá sí Ngalá ndaa háá lé mbélaitii tí ndengá ɔ́ɔ́ ɣɛ́ ngáá wú ye, sí ti ɣɛ́i ta,

TI GƐ́Ɛ́ HAÍTII 13:46

Kɛ Pɔ́ɔni ngaa Bánaba tí tí woo yápotenga ngáá ndiibá, ti ɣɛ́ ti w̃a, “Kule í ɣɛ́ngɔ ni w̃a ngáá ní Ngalá ndaa wói le wú w̃á hése. Kɛ́ ná wáá lokohéingɔ mbu, aáva wáá bɔwɔ́ yeɣé ngáá kɛ wú gúla ɣɛngɔ láá le kúnafɔ lɛ́ɛ́h̃ui w̃aahɔ́lɔ fááw̃a, faalɔ, ni vótenga naa sítii ngéle péle taa ngáá Júsua,

TI GƐ́Ɛ́ HAÍTII 13:51

Faalɔ, Pɔ́ɔni ngaa Bánaba tí ỹandái ná w̃aa lútuwangi bɛ́kpɛlɛni gɔwɔ́ yá ngakɛ́ fááw̃a ngáá nungái nátii ngáá ti bɔwɔ́ háá ỹɔí lɔɔ ló ngáá ti ye. Tiyá vá tí lííni naá Ekóniya taa h̃u.

LÓÓMI 10:21

Sí lɔ́ Ngalá ngí ndéni kɔwɔ́ato Ísulɔ yeláitii mba, i ɣɛi ta, “Toko h̃ú húlombongɔɔ lé hɔ́wɔ fíli nungái sítii fááw̃a taa kólo lála gúla ngáá ngé, ti mɔ́ɔ́ lo ndáá wú.”

LÓÓMI 10:8

Pɔnɛngɔ́ɔ́ lé Ngala Kɔ́lɔi h̃ú, sí vá pɔnɛngɔ́ aá wáa ngáá sí, “Ngalángi gééla woí i fóloa í w̃a, aa lɔ́ í gí ma aáva yáá hómbo yí nde.” Ná wáa ngáá kalambongí kɔwɔ́ato ndangí wa níwaa mbó ngáá wú yé.

HÍBULU 1:3

Aá lɔ́ áá ngákɛ kíya Ngalá káámaangɔ aáva kíya nɔ́ɔ Ngala ngí ná, ngimɔ́ɔ́ nɔ́ɔ jɔ́ í na. Aa kɛ ngáá háwu faa kpɛ́lɛɛ tí ndi ngu ma ngelewu ndaa wóó yákpangɔ wálai w̃áá véle w̃a. Ná náa í faa ỹɔ́i wúyani nuu búsaa w̃a i héini náa ngufema ỹándai ngelegóóh̃u Ngakpa Ngála Ngwalaí bélaa masandáá h̃u.