Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:80 - Kɛ́lɛ Niinaí

⁸⁰ Ndoí va i bakolóni luwú w̃áá véle ɛ́ɣɛ Ngalángi hái h̃uu véle. Aáva i loní ngaalaí h̃u í ló su kpóloo táingi í foló ma ngáá í bɔwɔ́ ɣɛ ngáá nungái sítiini ti ngáá Ísulɔ yeláitii ngáá kɛ ele wáá ngáá laá.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:80 Iomraidhean Croise

MÁFIYU 11:7

Ná Njɔú vólu yélai nátii tí ɣɛ́i náa taa yangáima, kɛ Jísu i pɛ́lɛnga fáŋai w̃ɔ́ɔ́nima kɔwɔ́ato Njɔú wa áá ɣɛ́ ti w̃a, “Ndeé lɔ wú lííni tɔmá ngaalaí h̃u? Tufaí fɛfɛngí áá máála maalá aá lɔ wú lííni tɔma?

MÁFIYU 3:1

Táingi ná h̃u Nguya Wó Mɔ́i Njɔú i vái áá Ngala ngói le ngaalaí h̃u, í Judíya lataí h̃u.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:15

Sífaa aa ɣɛ ngáá ngakpa mɔ́ɔ wala Ndemɔí Ngalá ngaah̃ú. Álaa ndɔɔ bɔ́le kúnafɔ ɔɔ ŋani fíli nɔ́ɔ áá núu wú su yelé mbéle. Hɛ́ɛ́ma Ỹínangi va aá lɔ́ɔ ɣɛ polú p̃ɛ́ɛ́ tɔɔ ɣɛ́a nde.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:40

Ndói va i looláni, suu í ba, ki máá í gúla ngwala, Ngalángi hɛ́i i ma.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:52

Taa í báhai naá Jísu gi mái wa, ná vólu, áá lóóla. Aáva ngi hái i Ngalá ndiilɛ́ini ɛ́ɣɛ nuu nungáitiini.

NJƆÚ 1:31

Nyá gítei ngáá ɣɛ́ngɔ kɔlɔ́ ngáá ele wáá ngáá maa w̃ɔ́i. Kɛ́ ngí liiní ngáá ngúyai wó ngáá nungáitii ngáá njɛ kɛinɔɔ́ Ísulɔ yeláitii ti ɣɛ́ kɔlɔ́ ngáá ele wáá ngáá laá.”

TI GƐ́Ɛ́ HAÍTII 18:28

Ná tɔ́ɔ́ yatɛ́ mba kpɔ súú w̃aaɣaalí hááw̃a taá Júsuaitii, kɛ ngi ndái ɔ́ɔ́ ndo ma kɔwɔ́ato ndaa h̃u bángi wa í ɣɛ́i su. Ɔ́ɔ́ maa hái yakúla mba, áá ngakɛ́ ngáá ti ye Ngala Kɔ́lɔi h̃u ngáá kɛ Jísu lɔ í ngáá Ngalángi Lókolo Mbá W̃ɔ́i.