Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:53 - Kɛ́lɛ Niinaí

⁵³ Sítii pa ti bálangɔ í ɣɛ́ngɔ la ŋani w̃a, i ti yaá lááheinga ngáá ŋani vandá vándaitii, kɛ́ í kpatɛ yélaitii tɔve ngáá ti yaá ỹááka.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:53 Iomraidhean Croise

MÁFIYU 5:6

Nungái sítii ti liivó fáá wálai i ngáá tí híya ngáá Ngala sávai i lɔ́ve faa kpɛ́lɛɛ mbá, aá lɔ ngáá faa vánda ti haáw̃a, sífaa Ngalá tɔ́ɔ vá ti liivó fáitii kpɛ́lɛɛ kɛ́ma ti yɛ.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:54

Ngi yénge mbelái, Ísulɔ yeláitii, i bɔngá tí wa kíya í ni káwalani kuulóni wɔ́lɔ

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 6:21

Wɛ́i ndɔlɛ í wú w̃a sí h̃úi, aá lɔ́ ngáá faa vánda wú hááw̃a, sífaa Ngalá tɔɔ vá wú góóhema. Ná vólu, wɛ́i wúwaa wɔ́lɔ sí h̃úi, aá lɔ́ ngáá faa vánda wú hááw̃a, sífaa wá lɔɔ vá yɛ́lɛma.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 6:24

Jísu í mɔ́ɔ́ ɣɛ ta, “Wɛ́i wú bátɛngɔi sí h̃úi, suu lɔɔ vá ɣɛ́ma ỹɔ́u wú w̃á ngwala, sífaa wú wú yápɔpɔngi w̃aahɔ́lɔnga náa.

NJƆÚ 6:35

Kɛ Jísu i mɔɔ ɣɛa ta, “Nyá lɔ ngí ngáá ndɛɛh̃ú w̃aahɔ́lɔ bílei. Nuí fíli áá ɣɛ́ ngáá pólu w̃ɔ́ɔ ɛi li ngáá ndɔlɛ ɛ́ɣɛ múl̃ɔ nuí fíli áá lá ngáá ngé njɛ w̃ɔní ɛ́i sou kúnafɔ.

KƆ́L̃E HESENDAA GƆLƆÍ 1:26

Mu mbála Yalá fɛ́li mbélai, a gisíya lɛ́ɛ́ ngáá kíya wú ɣɛ́ kíli í ɣɛ́ngɔ na ná h̃u Ngalá ngí wú lólingɔ wú ɣɛ́ ngáá ngi vóngaa. Nuu búsa ndá gísiyai w̃áá véle w̃a, ki maa gúla yélaitii ɛ́ɣɛ ngákpa mbélaitii taá ɣɛ́i bih̃í wú h̃u, ná vólu, ndaaheí mbá yélaa taá ɣɛ́i bih̃í wú h̃u.

KƆ́L̃E HESENDAA GƆLƆÍ 4:8

Aá lɔ wú gí ma ngáá kɛ sí kínɛi wú béɣengɔ ma aá lɔ náa wú yáá? Aá lɔ́ wú gí ma ngáá wú bátɛngɔɔ le náa? Wú ɣɛ́a ngáá ndɔwɔlɔ́ w̃ásangaa niỹá vá naá ngáá ta? Nyá ɣéle ngáá ɣɛ́ nɔ́ɔ ngáá wɔ́ɔ ɣɛ́ ɣɛi náa ngáá ndɔwɔlɔ́ w̃ásangaa. Ná ná ɔ́ɔ́ ɣɛ́, nɔ́ɔ ɣɛ́ náa báhai wú wá ní ɣɛ́ ngáá ndɔwɔlɔ́ w̃ásangaa.