Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:1 - Kɛ́lɛ Niinaí

¹ Ngí há í w̃a yɛ́i yí ngáá Tiyɔ́felɔ! Nuu bíh̃iw̃aa tí yákpa ngáá tí kɔ́lɔ vɔ́nɛ kɔwɔ́ato faí sítii mba ti híyanga a mu liiwáá.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:1 Iomraidhean Croise

Keela woó vándai Máa í pɔ́nɛni kɔwɔ́ato Jísu Kílisitii wa MÁI 16:20

Jísu volú yélaitii pa tí liiní náa tí Ngalángi gééla woo vandaí le ỹanda kpɛ́lɛɛ kpɛ́lɛɛ. Ndemɔí Jísu va i bɔní ti wa ngáá sí í kɛ́ni ngáa háwu ti ɣɛ́i taa káámaa haítii kɛ, sí í ngakɛ́ni kpál̃au ngáá kɛ ti gééla woí lɔ ngáá tɔɔỹaá.]

NJƆÚ 20:31

Kɛ́ sítii pɔ́nɛngɔɔ lé nɔ́ɔ ngáá wú lá lá ngáá Jísu lɔ í ngáá Ngalángi Lokoló Mbá W̃ɔ́i lɛ́i í ngáa Ngalángi H̃íỹɛndou Loí. Aáva ná ndángi ná áá ɣɛ wú h̃u, wáá ndɛ́ɛ́h̃u gítei w̃aahɔ́lɔ laá máa véle w̃a.

LÓÓMI 14:5

Nungái ti lɛ́ingaa taá gísiya ngáá foló lɛ́ingaani bɛ́kpɛ ngatɔ́ tí wa í lɔ́ve pekaítii mba. Ti lɛ́ingaa vá tí gísiya ngáá ngatɔ́ fóloi kpɛ́lɛɛ mbá tɔ́iŋ. Kɛ́ wú yíla ngílangi fíli sí fíli wáá kɛ, wú gí mái ya ngí ɣɛ́ gíte kpál̃au su ngáá aá lɔ́ pele w̃a.

LÓÓMI 4:21

Lébilah̃au i ɣɛi suuwɔlɔ́ gítei kpál̃au ngáá kɛ Ngalá ngáá hombó í ngi gúúlongi hítɛ ngá.

KƆLƆ́SE 2:2

Nyá lɔ́ɔ́ yénge h̃íí na kɛinɔɔ́ wú kpɛ́lɛɛ ndiiwúúlɛngɔ í ɣɛ́ la ngwala ɛ́ɣɛ wú bɔ́su wú ló ngáa ỹɔw̃ɔ́ ỹɔ́w̃ɔ, ɛ́ɣɛ mɔ́ɔ́ wú nɛ́ɛ́mai sí w̃aahɔ́lɔ áá gúla faa yatɔ́mbandaa walái h̃u wú yɛ́. Ná ná áá ɣɛ́, wáá ɣɛ́ náá kɔlɔ́ sí kái kái í ngáá Ngalángi lɔ́ɔ́wu h̃u hái, ná wáá ngáá, Kílisitii laá búte.

KƆLƆ́SE 4:12

Siỹɛndópoi sí taa ɣɛ́ ma Ɛpáfulɔ, lɛ́i í ngáa mú mbalá Yalá fɛ́li mɔ́i ta wú gúúwui h̃u ɛ́ɣɛ Jísu Kílisitii yénge mɔɔ aa bɛlɛ́ i haaní wú w̃a. Aá lɔ́ nɔ́ɔ fɔ́ áá Ngala fɛ́li wú hááw̃a ngáá lií kpɛ́lɛɛ ngáá Ngalá ngí kɛ ngáá háwu wú h̃úú í bá wú lángi h̃u, wú ɣɛ suuwɔlɔ́ kpál̃au ngáá kɛ wú lángi wú su ngáá Jísu Kílisitii kɛ tɔɔỹaá le ɛ́ɣɛ wú gólongɔ í ɣɛ́ la Ngalá mbɛ ngáá hɛmbɛ́ fíli.

TƐSALÓNIKA HESENDAA GƆLƆÍ 1:5

Naá vaangɔ́ wú yéle ngáá Ngala kééla wóo vandaí ni laa wóó h̃u nɔ́ɔ, kɛ́ ni Hɛ́ɛ́ma Ỹínangi yákpangi yaah̃ú ɣɛ́ngɔ bɛ́lɛ nɔ ngáá wú ye, aáva ní ngákɛngɔ ngáá wu ye kíya ni langɔ́ ngáá keela wói sí ni lúva velé h̃u ná h̃u ni ɣɛ́i wú lóów̃a. Aáva wú kɔ́lɔ ni ná ɣɛ́i nɔ́ɔ ngáá í ɣɛ́ ngáá kulasuunúma wú hááw̃a.

TÍMOTI HESENDAA GƆLƆÍ 3:16

Kindaa vilí tɔ́ɔ́ỹai Ngala ngí ngákɛngɔ kɔwɔ́ato sí wa mú lángɔ lá, nuu fíli ɛ́i w̃aaɣaali lá. Jísu Kílisitii i vaí ngeleí sí wu i ngáá nuu búsa. Hɛ́ɛ́ma Ỹínangi í ngákɛi kpál̃au ngáá faa ỹɔ́u fíli aa ɣɛi Jísu h̃u. Malékaitii ti tɔ́i. Aáva nungáá ti kééla wóo vándai léni kɔwɔ́ato laá mba híí kpɛ́lɛɛ má. Nungáá tí lá la ỹandá kpɛ́lɛɛ. Aáva í lɛní ngelegóóh̃u, i ɣɛ na ngáá masa Ngalá mba.

TÍMOTI GƆ́LƆI HELE KÉLEI 4:17

Kɛ́ Ndemɔí Jísu i ɣɛi pólu aáva i kɔ́i ngáá ngakpá ngáá ngí hómbo ngí keela woó vándai le ngí ngúkula fó sítii ma taa ngáá Júsua. Aáva Ngalá ngí mááɣawoni naa saí yáa.

HÍBULU 10:22

a mú lókola Ngalá ma, a mú lí kakála ngáá ndiiwóle. A maa ná ɣɛ́ sífaa, Jísu í mu gi mái ɣɛ́nga kpál̃au ngáá faa fíli aa mu wa, a mu w̃aaw̃úỹangɔɔ lé fó ngáá njɛ vanda.

HÍBULU 6:11

Ni liivó fái waa ngáá wú yílaa ngílaangi p̃ɛ́ɛ́ wú ndí ngú ma ngáá ngenge pándai sí wóndaa í ló su kpóloo ngakɛɛlɛmái í fólo ma. Sí vá í ngáá wú gítomai wú mááhɔlɔ.