LÓÓMI 5:3 - Kɛ́lɛ Niinaí

³ Ná vólu mɔ́ɔ́, a maá góóh̃unɛɛ maanɔw̃ɔ́itii su taa lá mú w̃a bɔw̃álale, a mú súúwɔlɔ ngáá maanɔw̃ɔ́i lɔ áá kɛ a mu lii í bá.

LÓÓMI 5:3 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 21:19

Wú lángi í wú h̃u, a ndi ngu ma lá ngáá hɛmbɛ́ fíli ná ná va ngáá ɣɛ́, wáá kúnafɔ lɛ́ɛ́h̃ui w̃aahɔ́lɔ.”

TI GƐ́Ɛ́ HAÍTII 5:41

Ngalángi géélaitii ti híɣeni náa faa le mbélaitii kákala ngáá kooh̃unɛ́ɛ́, bɔw̃álale Ngalá ngi ɣɛi náa lokohéini ti wu ngáá tí máánɔw̃ɔ yéɣe Jísu haaw̃a.

LÓÓMI 5:11

Kɛ́ aa gɛɛlɛí nɔ́ɔ́ ná wa, Ngála ngáá kɛ mɔ́ɔ́ ngáá háwu a mu góóh̃unɛɛngɔ wala í ɣɛ́ la a mu Lemɔ́i Jísu Kílisitii w̃áá véle w̃a lɛ́i í kɛ́a ngáá háwu a mu lówah̃u i bátɛa a maá Ngála.

LÓÓMI 8:23

Aa gɛɛlɛí nɔ́ɔ ná wa, kɛ́ a muỹá ɣéle tɔ Hɛ́ɛ́ma Ỹínangi lɛ́i í ngáá Ngalangí hésendaa hembɛ wɔ́lingi i mú vólu, muỹá lɔ́ɔ́ líílɔlɔ nɔ́ɔ faa bámai yáá a múwaa naa w̃áálɛlɛ ngáá í ló sú kpóloo ná h̃ú Ngalá ngáá vá ngákɛma ngáá a muỹá lɔ́ ngáá ngi léngaa. Kɛ ná vá mbaa ngáá, a mu lúwui sí ɣéle tɔ ngumáá lɔɔ vá wóma.

LÓÓMI 9:10

Wálaa lééw̃a heelangáitiini ma Lebɛ́ka í tí lení. Ti gúlani kɛɛɣɛ́ yiláá kpé ma ná wáá ngáá, a mú káwala Áise.

KƆ́L̃E GƆ́LƆI HELE KÉLEI 4:17

Faa bɔ́lunda gúlo guloái sítii táa vá ma lɛ́mbi má múwaa w̃áánɔw̃ɔ ti wu taa kɛ ngáá háwu mú ŋáni ta w̃ááhɔlɔ mbɔɔlɔngɔ́ ngwala lɛ́i áá ló mu yaá kúnafɔ fááw̃a.

KƆ́L̃E GƆ́LƆI HELE KÉLEI 8:19

Aa nɔ́ɔ léi ngáá ná kɛ́ Ngalá fɛ́li mbélaitii tí lokolongɔ́ mba múl̃ɔ ngáá í ni laa ló ni híyangitii su. Aa bɔ́ ni wa í ndííwole lóko bɔmbaí sítii maah̃ú belé ni waá kula, sí áá vá ngáá ngufema Ndemɔí Jísu hááw̃a, ná vólu, sí áá ngákɛ ngáá kɛ mu hɛmbɛ́ héingɔɔ lé ngáá a mu kpɔ́mba hé mu mbála Yalá fɛ́li mbelái mba ti kpéɣe su.

Ɛ́FƐSƆ 3:13

Faalɔ, nyáá ngáá wú w̃áánɛɛnɛ ngáá wálaa liiỹááni ngáá sífaa ngíwaa maanɔw̃ɔ́i sí yéɣe wú hááw̃a. Maanɔw̃ɔ́i sí lɔ́ ngáá wú gúlasuunuma haa.

FÉLEPA 1:29

Naa gúlangɔɔ lé wú yɛ́ kɛlɛ́ma ngáá wááyaa yénge Kílisitii yɛ aa ngáá nɔ́ɔ léi ndangí wáá ɣɛ́ su lá, kɛ́ maanɔw̃ɔ́i múl̃ɔ bɛ́lɛ wáa ngéɣe fááw̃a.

JIMISÍ 1:12

Nuí sí faa bá ngɔ́ɔ́ bɔ́ɔ́ maale ɛ́i lókogula Ngala fɛ́lindai h̃u, aa lɔ́ ngáá faa vánda maa w̃ɔ́i hááw̃a. Aá lɔ́ ngáá faa vánda faaw̃a bɔw̃álale ná áá ló ngi lííbangi h̃u í ló su maa háá bamaí í víla, Ngalá ngáá kúnafɔ lɛ́ɛ́h̃ui hé ngeyá, ndɛɛh̃úi sí í sítii kuulóngɔ lá ti longɔ́i ngáá laá Ngalá.

PÍTƐ HESENDAA GƆLƆÍ 3:14

Kɛ́ bele pá wú w̃áá áá nɔ́w̃ɔ sífaa wáá ɣɛ́ wáá híya ngáá telembo pélei, aa lɔ́ ngáá faa vánda wú hááw̃a. Wálaa lúwa maa nungáitii mba, kɛlaa ti háá ɔ́ɔ́ kɛ ngáá háwu wú líí ɔ́ɔ́ hɛ́lɛ.