LÓÓMI 4:2 - Kɛ́lɛ Niinaí

² Kɛ bele Lébilah̃au i ɣɛi ngáá telembo mɔ́ɔ́ Ngalá ngaah̃ú kɛɛ haítii maa véle w̃a í kɛ́ni, faa ɔ́ɔ́ ɣɛ́ ɣɛi ngáá ná ɔ́ɔ́ lókola ma í maayónga tevé. Kɛ́ ɛ́i belé maayónga téve Ngalá kakála,

LÓÓMI 4:2 Iomraidhean Croise

LÓÓMI 15:17

Kpáha gilíí Jísu Kílisitii wa, ngáá ní yéngengi w̃ááyonga tevé ngíwaa mbó Ngalá mbɛ́.

KƆ́L̃E HESENDAA GƆLƆÍ 1:29

Ngala ngí ná ɣɛ́ngɔ kɛinɔɔ́ nuu fíli álaa hómbo ɔ́ɔ́ yónga téve kákala.

KƆ́L̃E HESENDAA GƆLƆÍ 1:31

Faalɔ, pɔnɛngɔ́ɔ́ lé Ngalá Kɔ́lɔi h̃u ngáá sí, “Nuí fíli áá ɣɛ́ í yonga téve, í yonga téve sí hááw̃a Ndemɔí í kɛ́a.”

KƆ́L̃E HESENDAA GƆLƆÍ 4:7

Kɛ ele lɔ í wú lɔ́vengɔ wú mbála vekáitii mba? Bɛɛ́ gíte lɔ í wú yáá wáá mááhɔlɔngɔ Ngalá ngeyá? Kɛ ndeénii le hɔ́ɔ wáá maayónga tevé kíya kpéi sí í wú yáa ɛ́i ɣɛ́ ngáá fembɛ wɔ́li?

KƆ́L̃E HESENDAA GƆLƆÍ 9:16

Kule fíli aa má ngɔ́ɔ́ yónga téve Ngalángi gééla woo vandaí lé fááw̃a. Sífaa, aá lɔ́ má p̃ɛ́ɛ́ ngáá kpama kule ngáá ngí ndé. Aá ɣéle p̃ɛ́ɛ́, aa ɣɛ má ngáá faa h̃úú ỹɔúngɔ ná ngɛ́i ɣɛ́ ndéni.

KƆ́L̃E GƆ́LƆI HELE KÉLEI 11:12

Sí ngí lóa kɛma nyáá ngáá ndi ngu ma ngáá kɛndáá, sífaa nungái sítii taá bɔ́wɔ gúla ngáá Ngala kééla tiyá lɔ́ɔ bɔ́wɔ lɛ́nga táá nde ngáá kɛ ti gúlangɔɔ lé ngáá ni ye. Kɛ́ ná ngáá sí ɣɛ, ná lɔ́ áá ngákɛ kpál̃au ngáá kɛ taá gulaí ngáá ni ye,

KƆ́L̃E GƆ́LƆI HELE KÉLEI 11:30

Faalɔ, ná wɔ́lii áá ɣɛ́ ngáá kɛ ngáá yónga téve bɔ́wɔ hááw̃a, ngáá yónga téve fái sítii fááw̃a taá ngákɛ ngáá kɛ súu áá bái.

KƆ́L̃E GƆ́LƆI HELE KÉLEI 5:12

Wálaa ni báálɛ hóu ngáá kɛ niỹá lɔ́ɔ yákpa ngáá ní bɔ́wɔ háa lɛ́nga múl̃ɔ. Kɛ́ laá ɣéle, sí níwaa yákpa ngáá ní kɛ, aá wáá ngáá niỹá lɔ́ɔ kɛ ngáá háwu faa í ɣɛ́ na ngáá wáá lokola ma wú ní w̃ááyonga tevé. Laáva wáá ɣɛ́ náa kɔlɔ́ kɛ kíya wáá nungái sítii ngoo yápote tiyɛ́i ti yónga tevéndai í lííngɔ í to nuí bátɛ gilí wa kɛ́ ɛi ɣɛ ngáá tuva velé.

GALÉSIYA 3:22

Pɔnɛngɔ́ɔ́ lé Ngalá Kɔ́lɔi h̃u ngáá faa ỹɔ́i lɔ áá nuu kpɛ́lɛɛ ngúto ngelewu, kɛinɔɔ́ kuulongí Ngala ngí mbóngɔ maahɔ́lɔ péle i ngáá ndangí nuu áá ɣɛ́ su ngáá Jísu Kílisitii í hé sítii ngeyá nda ngáá ɣɛ́ tí h̃u.

FÉLEPA 3:9

Ná vólu, naá laá ni ɣɛ́ ngáá nuu yílaa kpé. Ná vá tɔ áá kɛ ngɛ́i mɔ́ɔ lo hiyamá ngáá Ngala sávai telembo mááhɔlɔ fááw̃a. Kɛ́ aá ɣéle, ní lángi ngáá ɣɛ́ su ngáá Kílisitii, laá lɔ áá kɛ télembongɔ áá ɣɛ́ la. Ngimɔ́ɔ́ maa hái í na, ngáá telembongí Ngalá ngáá kɛ ngáá háwu a maa ɣɛ́ su, aa gula ndangí h̃u maa ɣɛ́ su ngáá Ngalá.