LÓÓMI 3:2 - Kɛ́lɛ Niinaí

² Maa gúlasuunumai yámbɔɔlɔngɔɔ lé pele bíh̃iw̃aa h̃u. Hése keleí wáá ngáá, Ngala ngí ngi gééla wói hénga Júsuaitii ngéya.

LÓÓMI 3:2 Iomraidhean Croise

NJƆÚ 5:39

Wáá ndáma tɔ́ wúwaa Ngalá Kɔ́lɔi galá bɔw̃álale aá lɔ wú gí mai h̃u ngáá laá lɔ áá kúnafɔ lɛ́ɛ́h̃ui w̃aahɔ́lɔ kíli ɣɛ ngáá wú ye. Aáva Ngala Kɔ́lɔi sí kái kái pá, aá lɔɔ yɛ́pɛ kɔwɔ́ato mbá.

TI GƐ́Ɛ́ HAÍTII 7:38

Laá vá tɔ i ɣɛ́i Ísulɔ yeláitii ndiiwáá ngaalái h̃ú tiyɛ́i ti ɣɛi ngáá a mu káwalani ɛ́ɣɛ Ngalángi w̃álekai sí í yɛ́pɛni ngelé ngihéi sí wa taa tolí ngáá Sáinai. Aáva i Ngalá ndaa wói w̃ááhɔlɔni na í fé a mu yaá. Ngalá ndaa wói sí vá tɔ áá ndi ngu ma kúnafɔ.

LÓÓMI 1:2

Ngalá ngí maa gééla woo vandaí sí w̃aagúúlo mboní wɔ́lɔ kpɔ́lɔɔ kíya nɔ́ɔ Ngala ndaa háá lé mbélaitii tí pɔ́nɛngɔ Ngala Kɔ́lɔi h̃u.

LÓÓMI 2:18

Ngala sáva galandái wú yɛ́ aá lɔ́ɔ́ kɛ wúwaa ɣɛ́ kɔ́lɔ kíya Ngalá ndóngɔ wú ɣɛ́ wáá lɛɛh̃úi h̃uuhíya, ná vólu, wá lɔɔ hómbo wáá ngátɔ mbá ngáá sí í péle w̃a ngáá wááyaa kɛ.

LÓÓMI 3:1

Ná yáá ɣɛ́ ngáá Júsu w̃ɔ́ɔ́ bɛ́ɛ́ lɔ́ í ngáá kulasuunúmai ná h̃u? Ɔɔ bɛɛ́ lɔ́ í ngáá kulasuunúmai tɔve pɛlɛ́ vólu hái h̃u?

LÓÓMI 3:3

Ná náa Júsuai ti lɛ́ingaa tɛí ɣɛ́ lɔ́wɔbaɣani Ngalá ngeyá, kɛ ná lɔ́ náá áá kɛ Ngalá ngɛ́i mɔ́ɔ ɣɛ́ ngáá tɔ́wɔbaɣa w̃ɔ́ɔ?

LÓÓMI 9:4

Tiyá lɔ́ ti ngáá Ísulɔ yélaitii tiyɛ́i Ngalá ngí lókolongɔ tí wa ngáá ngi léngaa. Ti híyani Ngalángi yákpa maanɛɛnɛɛngí h̃u. I kɛ́lɛ ngeɣéni tí lówah̃u taá tiyéni, ná vólu, í ngí hávai hé ti yaá. Ngalá ngí pele gíte ɣɛ́ngɔ ngáá taa fɛlí ɛ́ɣɛ i mɔ́ɔ́ kúúlo tɛ́ingaa wóni ngáá ti ye.

KƆ́L̃E HESENDAA GƆLƆÍ 9:17

Bele nyá gíte lɔ ngí ɣɛ́i ndaí gí sú ngáá ngí ngengengí sí wo, ná ná ɔ́ɔ́ ɣɛ́, ngɔ́ɔ́ ɣɛ́ ta ngáá kɛ wáá páva náá hááw̃a. Kɛ́ fengɔ́ lé ngéya ngáá ngenge ngáá kule í má ngáá ngí mbo. Aáva sí i ɣɛngɔ́ bɔw̃álale Ngalá ngí lókolonga mbá ngengengí sí wó fááw̃a.

KƆ́L̃E GƆ́LƆI HELE KÉLEI 5:19

Ní gééla woí waa ngáá, Ngalá ngí ti lówah̃u bátɛngɔ taá núi kpɛ́lɛɛ Kílisitii w̃aa véle w̃a. Ngalá ngáá ti háá ỹɔítii séini gi má ɔ́ɔ́ pɛlɛ́ ti wa ngáá faá aáva i keela wói sí hénga ní yaá áá ngákɛ kíya í tí lówah̃u bátɛngɔ taá núi kpɛ́lɛɛ.

GALÉSIYA 2:7

Laá ɣéle tɔɔỹaá hááw̃a, tí ngátɔni mba ngáá kɛ Ngalá tɔ́ í ngéngengi sí héngɔ ngéya ngáá ngí keela woó vándai lé sítii ma taa ngáá Júsua, kɛ kíya nɔ́ɔ í kééla wóo vánda léndaa yengengí héngɔ Pítɛ yáá ngáá í ndé Júsuaitii ma.

TÍMOTI HESENDAA GƆLƆÍ 6:20

Tímoti, sítii Ngalá ngí féa í yáá ngáá yááyaa ti ɣɛ, ti w̃ááh̃u béle ngáá pangɔ́. Léve njɛpɛí sítii pólu tɛi ɣɛ́ ngáá Ngala njɛ́pɛ aáva pele áá ti h̃u ɛ́ɣɛ tamál̃a mááɣaaliitii kɔwɔ́ato sí wa nungái ti lɛ́ingaa taá tóli ngáá kele ɣeléngi,

HÍBULU 5:12

Seímil̃a p̃ɛ́ɛ́, nuu ɣɛ́ gíte nuú ndé sí h̃úi kule lɔ náá ma wú ɣɛ́ wáá kalambo mbó kɔwɔ́ato Ngala fái sítii mba. Kɛ́ wú ɣɛ́ kíli sí w̃á nɛ́nɛ kpɛ́, kule lɔ́ ma wú ɣɛ́ wáá kalambo mááhɔlɔ kɔwɔ́ato hésendaa galambongitii mba tí Ngalá kééla woí h̃u. Maa hái gúlangɔɔ lé ngáá kule í ɣɛ́ngɔ náá ma wú ɣɛ́ ngáá kpakolongáá náa, wú ɣɛ́ wáá mɛ́ɛ́ni bákpa mɛ. Kɛ́ wú ɣɛ́ kíli gulangɔ́ɔ́ lé nɔ́ɔ nɛ́nɛ kpɛ́ ngáá ndoú lálani waa ɣɛ́ wáa nyiní bɔ́le nɛ́nɛ.

PÍTƐ HESENDAA GƆLƆÍ 4:11

Nuí fíli áá Ngála ngóó le, keela wói áá nde, í ɣɛ́ ngáá Ngala kééla woí. Nuí fíli pá áá ɣɛ́ ngáá kpɔmba hé mɔ́ɔ, Ngalángi ɣɛ́ la áá ɣɛ́ maa yákpangi héni mbɛ. Ná í ɣɛ h̃íí kɛinɔɔ́ faa kpɛ́lɛɛ su, Ngalá ngí tɛ maahɔ́lɔ Jísu Kílisitii w̃aa véle w̃a lɛ́i ngufema kpɛ́lɛɛ í ngeyá ɛ́ɣɛ ngakpángi kpɛ́lɛɛ kúnafɔ taá ngí ndá gúnafɔ. Amíína.

FAA YÁKƐ KƆ́LƆI 19:10

Ngí hítɛi wumbú yá malékai gakála ngáá ngí fɛ́li, kɛ́ i ɣɛi má, “Yaa ná ɣɛ́! Ngalá tɔ́ nɔ́ɔ yáá fɛ́li. Nyá bɛ́lɛ nyá lɔ́ nɔ́ɔ ngáá Ngalá ngénge mɔ́ɔ kíya nɔ́ɔ yí ná ɛ́ɣɛ í mbála Yála fɛ́li mbélaa, ná wáá ngáá, sítii kpɛ́lɛɛ ti langɔ́ ngáá tɔɔỹaá woí Jísu í ndéni.” Tɔɔỹaá woí Jísu í ndéni áá lɔ́ɔ í ngáá Ngalángi gééla woí wúngi Ngala ndaa háá lé mbélai taa nde.

FAA YÁKƐ KƆ́LƆI 22:6

Kɛ malékai i ɣɛa má, “Ngoí sítii kpɛ́lɛɛ yí mɛ́ningɔ tiyá lɔ́ ngáá tɔɔỹaá ɛ́ɣɛ tokolá ma wóo. Ndemɔí Ngála, lɛ́i í ngí Ỹínangi héngɔ laa háá lé mbélaitii ngeyá, í ngi w̃álekai lɔ́venga ngáá í ngákɛ ngáá ngi yénge mbélaitii sí kule í ma áá vá ɣɛ́ma h̃úmbuwa.”