LÓÓMI 2:3 - Kɛ́lɛ Niinaí

³ Áá lɔ́ wú gi ma ngáá Ngalá ngɛ́i fáá bá ndá wú w̃a sí haáw̃a wáá núngaa vékaa yeɣé sú ngáá faa ỹɔ́u yélaa wáá vá wúwaa ngi híí ɣɛ?

LÓÓMI 2:3 Iomraidhean Croise

MÁFIYU 23:33

Wá lɔ ngáá kaaliá ɣɛ́ kíli aáva wú ngáá ti góó h̃u léngaa ɣɛ́ kíli! Wáá ɣéle w̃aavelá faa bámai sí h̃ú Ngalá ngáá vá ndáma wú w̃a í wú lɔ́ve njahááma?

MÁFIYU 26:53

Yáá kɔ́lɔ ngáá ngɔ́ɔ́ ní Kɛ́ɛ́ɣɛ Ngalá tóli ngáá í bɔ́mba, aáva ɔ́ɔ́ maléka tásu kpih̃íw̃aa lɔ́ve ngéle?

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:14

Kɛ Jísu i siỹɛndópoi ná woo yápotenga, i ɣɛ ma, “Ele lɔ í lókolongɔ mbá ngáá poŋaní yákɔlɛ mɔ́ɔ wú félengɔ lówah̃u?”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 22:58

Ná naa guló í ɣɛ́i kpɛ́ɛ́, nuu tá i mɔɔ Pítɛ lɔ́ni, kɛ i ɣɛa ma, “Jísu volú w̃ɔ́i ta yiláá mbáá ngáá í ye.” Kɛ Pítɛ í ngoo yápotenga, i ɣɛ ma, “Siỹɛndói, ti tá laá ngáá ngé!”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 22:60

Kɛ Pítɛ i ngoo yápotenga, i ɣɛ ma, “Siỹɛndói, ngáá kɔlɔ sí yáa yɛ́pɛ kɔwɔ́ato mba!” Pítɛ i lóni nɔ́ɔ njɛpɛí vúma, ngamá nɔ́ɔ, kɛ tɛɛhínai í wokoléa.

LÓÓMI 1:32

Tí súúwɔlɔ ngáá Ngalá ngí ndengɔ́ ngáá nuí fíli kɛ́ kíli áá ɣɛ́ h̃íí, kulé lɔ maa w̃ɔ́i w̃a í saá w̃aahɔ́lɔ. Kɛ́ ná fíli sú, taá ɣɛ́ nɔ́ɔ taá ndí ngu ma ngáá maa haa ỹɔí sítii kɛ́ndaa, aá ɣéle p̃ɛ́ɛ́ taá ɣɛ́ taá nungáá vékaa liiwúúlɛ ngáá nátii bɛ́lɛ ti ɣɛ́ táá faa ỹɔ́itii kɛ.

LÓÓMI 2:1

Wɛ́i wáá ɣɛ́ wáá faa vɛ́lɛ nungáá vékaitii mbá ngáá tiyá lɔ́ ngáá faa ỹaaní mbélaa ngooh̃ugulá w̃áá fíli aa wú wá, bɔw̃álale, sí wáá ɣɛ́ wáá nungáá vékaitii ngéɣe sú ngáá faa ỹɔ́u yélaa ngi híí lɔ nɔ́ɔ jɔ́ wáá ɣɛ́ wáá kɛ. Kɛ ná ná áá ɣɛ́, kɛ wáá lɔɔ bɔwɔ waaleve ngáá kɛ wáá véleni.

LÓÓMI 2:2

Sítii táá túvai nátiini mbo Ngalángi ndái lɔ pele w̃a ná áá ti waaléve ngáá taá vélei.

LÓÓMI 9:20

Kɛ́ laáva mu mbálai, ele wáá ngáá í yé ngáá yáá ló Ngála ndaa wú mɔɔni fááw̃a. Fɛɛtói aa bátɛ mɔ́i w̃ɔ́ɔ́ni ngáá, “Ndéé le yí kpátɛngɔ h̃íí na?”

TƐSALÓNIKA HESENDAA GƆLƆÍ 5:3

Nungáitii taá ló nɔ́ɔ ndemá ngáá kɛ ti liihéingɔɔ lé ɛ́ɣɛ faa áa ti wa ngeleí sí wu, kɛ faa báma wálai áá ti ɣɛ kíli ỹaaní i yeingá ti w̃a aáva ti véla w̃aá ɛi ɣɛ lá mba kpósouŋ. Maa hái aa ɣɛ́ nɔ́ɔ ngáá ndoú lé kóóh̃ubaalɛi áá gɔ́ɔ́la koo ỹah̃ái wa.

HÍBULU 12:25

Wú ndá gí su gíte ngáá wálaa léle wolilóndaa w̃a Ngalá ma lɛ́i áá yɛ́pɛ wú yéle. Sítii ti léleni ngáá tí wólilo ma ná h̃u í ngí lááhingi wóni ngáá ti ye ngelewu taá vélai maa háá bamaí wa í lái ti w̃a. Muỹa ɣéle p̃ɛ́ɛ́ pele guló áá ná mɔɔ́ w̃aavela ná maa léle ngáá a mú wólilo Ngalá ma lɛ́i ngi lááhingi áá gúla ngelegóóh̃u.

HÍBULU 2:3

Ngimɔ́ɔ́ nɔ́ɔ mɔ́ɔ́ í ná ngáá Ndemɔí Jísu hése tɔ í fáá léni mu w̃a kɔwɔ́ato ngumaawóngi wa. Sítii pa tí ngoo ỹɛ́nini tiyá lɔ́ náá tí ngákɛngɔ ngáá mu ye ngáá kɛ tɔɔỹaá le. Ngalá bɛ́lɛ i ngakɛ́ngɔ ngáá mu ye ngáá tɔɔỹaá le ngáá faí sítii kɛ́ndaa bɛ́kpɛ. Ná wáá ngáá, káámaa haítii ɛ́ɣɛ kíndaa vilí fáitii kɛ́ndaa ɛ́ɣɛ múl̃ɔ kíya áá kɛ ngáá háwu Hɛ́ɛ́ma Ỹínangi áá ɣɛ́ mú volú kíya áá ɣɛ́ loí í ɣɛ́ mu yilá ngíla pólu. Ná ná áá ɣɛ, a maá ɣéle w̃áávela faa bámai wa Ngala ngáá vá ndáma mu w̃a ná á maá wóli híɣe ngumaawó kééla woo walaí sí w̃a Ngala ngí kúlangɔ kɛ́lɛma?