LÓÓMI 10:2 - Kɛ́lɛ Niinaí

^2-3 Ngáá maa gití léve ngáá ti longɔ́ɔ́ lé ngáá Ngalá kɛ́ táa ngátɔngɔ mbá ngáá sí nuu áá kɛ áá ɣɛ́ ngáá telembo mɔ́ɔ Ngalá ngááh̃u. Faalɔ, kíya Ngalá ngáá nuu yéɣe ngáá telembo mɔ́ɔ ti lélenga ná wa, kɛ́ tiyá ɣéle táá yakpá ngáá ti ɣɛ́ ngáá telembo mbélaa ti bɔwɔ́ híya vele h̃ú.

LÓÓMI 10:2 Iomraidhean Croise

TI GƐ́Ɛ́ HAÍTII 21:20

Ná ti sí ỹɛ́nini, tí Ngalá ndaaw̃áálɛni. Kɛ tí ndengá Pɔ́ɔ w̃a, ti ɣɛ́ ma, “Mu mbálai, yá bútei yá lɔɔ́ naa lɔ kíya a mu mbála Júsuai bih̃íw̃aa ti lánga ngáá Jísu. Aáva ti kpɛ́lɛɛ ti golóngɔɔ lé ngwala Ngala sávai wu.

FÉLEPA 3:6

Ndii í ɣɛ́i kóó ya ngwala ngáá ngí híya ngáá Ngala sávai. Ngí ɣɛ́i p̃ɛ́ɛ́ ngáá faa bá ndá Jísu vólu yélaitii ma. Ná yáá gisíya ngáá nuu ɣɛ́ndai h̃u ngáá telembo mɔ́ɔ́, áá gúla nuu híya gilíí h̃u ngáá Ngala sávai, tɔmbema w̃áá fíli áá ɣɛi mbá.

FÉLEPA 1:9

Sí va tɔ í ngáá ní Yála fɛli ngói wú hááw̃a ngáá wú lóngi h̃uu í ɣɛ́ wɔ́ɔ́lɔ ngwala nungáá vékaa haaw̃a kɛinɔɔ́ wú ɣɛ́ tɔɔỹái wɔlɔ́, ná vólu, wú ɣɛ́ fáitii ngéɣe kíli wɔlɔ́.

GALÉSIYA 1:14

Naa sítii kínɛi ní ɣɛ́i laakáinga ngí ɣɛ́i ti wutúwɔ Júsuai ti Yála fɛli kílii w̃áa véle w̃a. Ngí ɣɛ́i golóni ngwala ni káwalani ti gálambongitii mbu.

KƆ́L̃E GƆ́LƆI HELE KÉLEI 4:4

Taá laí ngáá Ngala kééla woí sífaa, Setána lɛ́i í ngáá ngalángi ngeleí sí wu, i ti gi máitii ndaavɛ́lɛnga. I kɛ́a ngáá háwu keela woó vándai lɛ́i kulangɔ́ ngáá lámbo kɛ kíli áá hólo ti w̃a, taá tɔmá. Keela wói sí lɔ na kɔwɔ́ato Kílisitii yákpa maanɛɛnɛɛ ngwalaí wa lɛ́i í ngáá kíya nɔ́ɔ jɔ́ Ngalá ngí na.

KƆ́L̃E GƆ́LƆI HELE KÉLEI 4:6

Ngalangí sí í ndéni ngáá bɛ́lɛ folo hólongi í hólo kpindíí h̃u, láa lɔ nɔ́ɔ múl̃ɔ áá ndé ngáá maa hólo folongí í hólo ni liítii su, í vá ngáá kele ɣelé ní yɛ kɔwɔ́ato Ngalángi yákpa maanɛ́ɛ́nɛɛngɔi wa nuu áá tɔ Kílisitii h̃u.

TI GƐ́Ɛ́ HAÍTII 22:3

“Nyá lɔ ngáá Júsu w̃ɔɔ. Nyá lɔ ngáá Tásɔɔ taa walái h̃uu lé ndóu sí í Silísiya lataí h̃u. Kɛ́ ti máákɛngɔ Jɛlúsɛl̃ɛ taa walái sí h̃u. Ngí ɣɛ́ngɔ Gamáliyɔ wu kalambo mbú aáva i kálambongɔ bútei ngáá savaítii Ngalá ngí féni Muusé yaá sí a mu káwalani ti ɣɛ́ngɔ taá híya la. Ná vólu, Ngalángi w̃áálii lɔ kóó ya kɛ kíya nɔ́ɔ wú kpɛ́lɛɛ wú na hááwɔ.

KƆ́L̃E GƆ́LƆI HELE KÉLEI 8:3

Nyáá ngáá sí le wú w̃á bɔw̃álale taá tóko bɔ́mbai wó ngáá sí gɛ́ɣɛlai taa hómbo ma. Séimil̃a p̃ɛ́ɛ́, taá fe bih̃í í lɔ́ve sí wa ti yákpangi áá hómbo ma aáva taa ná kpɛ́lɛɛ kɛ́ ngáá wumaá.

TI GƐ́Ɛ́ HAÍTII 21:28

Ti ɣɛ́i taá woo gúla, táá ɣɛ́ ta, “Mu mbála Ísulɔ yeláitii, a bɔ́ ni wa kái! Siỹɛndópoi sí lɔ áá nungáitii kálambo ỹandá fíli ngáá kalambongí sí áá pele w̃a kɔwɔ́ato Ísulɔ yeláitii a mu wa kpahangɔ́ mu hávaitii mba taá mu Hɛ́ɛ́ma Yála Pɛ́lɛi sí. Kɛ́ í síɣe féyaa ná wa, i vaangá ngáá nungáá taa ngáá Júsua Hɛ́ɛ́ma Yála Pɛ́lɛi góvii h̃u, í kpalo vɛ́lɛ naa wa.”

GALÉSIYA 4:15

Wú góóh̃unɛɛngɔ wála í ɣɛi lá fááw̃a. Kulangɔ́ i ɣɛi lá p̃ɛ́ɛ́ ngáá wɔ́ɔ́ bɔwɔ́ yaah̃ú gɛ́hɛi gúla su fááw̃a ná ɔ́ɔ́ wú góóh̃unɛɛ. Kɛ bɛɛ́ lɔ́ náa í ɣɛ́a ngáá ndií ná í ɣɛ́ngɔ wú góó ya fááw̃a?

KƆLƆ́SE 4:13

Nyá bútei ngáá hómbo ngí ndé wú w̃á ngáá kíya Ɛpáfulɔ í yéngenga wu yɛ ngwala ɛ́ɣɛ nungáitii mbɛ tí taí sítii su taá náitii tóli ngáá Leyodésiya ɛ́ɣɛ Hiyalapóle.

TI GƐ́Ɛ́ HAÍTII 22:22

Nungáitii ti wolílongɔ i ɣɛi lá Pɔ́ɔ w̃a í ló su kpóloo í vilá njɛpɛí sí lemá. Kɛ nungáitii tí woo gúlanga ma, ti ɣɛ́ ta, “A paa í híɣe nuu yááh̃u! Maa áá nɛɛni ɔ́ɔ́ ɣɛ́ ndɛɛh̃ú h̃u!”

NJƆÚ 16:2

Tiyá lɔ́ɔ va wú bétevema Ngala fɛli máákpɔ wotaí wuu wá. Aá ɣéle p̃ɛ́ɛ́ táingi lɔɔ va folóma ma ngáá nuí fíli áá wú váá, aa ɣɛ maa w̃ɔ́i gi má ngáá aá lɔɔ Ngalá ndiivó ngénge mbo.

LÓÓMI 10:1

Mu mbála Yalá fɛ́li mbélai, ndíívo fáá wálai ɛ́ɣɛ ní Yála fɛli ngói Ngalá ngéle aá wáa ngáá ní vóngai, Ísulɔ yeláitii tí ngumaawóngi w̃ááhɔlɔ.