LÓÓMI 1:3 - Kɛ́lɛ Niinaí

³ Aá lɔ́ ngáá keela woo kɔwɔ́ato Ngalangí H̃íỹɛndou Loí Jísu Kílisitii wa, lɛ́i í mɔ́ɔ ngáá a mu Lemɔí, lɛ́i í ɣɛ́i ngáá Masangí Deevé lé kpámbii h̃uu w̃ɔ́ɔ nuu búsa gákai w̃áá véle w̃a.

LÓÓMI 1:3 Iomraidhean Croise

MÁFIYU 1:1

Jísu Kílisitii léngi lɔ́lɔndai lɔ ngáá sí. Lébilah̃auni ngaa Masangí Deevéni tɔ ti ɣɛ́i ngáá ngi káwalani wɔ́lɔ.

MÁFIYU 1:16

Jékɔ va tɔ í ɣɛ́i ngáá Joosɛ́ kɛ́ɛ́ɣɛ. Joosɛ́ sí ngi ỹáh̃a í ɣɛ́i ngáá Mɛɛloí. Mɛɛloí sí í ɣɛ́i ngáá Jísu njéé. Jísu sí taa ɣɛ́ ma Ngalángi Lókolo Mbá W̃ɔ́i.

MÁFIYU 1:6

Jɛɛ́se va tɔ í ɣɛ́i ngáá Masangí Deevé kɛ́ɛ́ɣɛ. Masangí Deevé va tɔ́ í ɣɛ́i ngáá Sɔ́lɔmɔ kɛ́ɛ́ɣɛ. Sɔ́lɔmɔ njéé lɔ í ɣɛ́i wɔ́lɔ ngáá Yuláya ỹáh̃ai hése.

MÁFIYU 12:23

Maa hái i faŋaí gíndaa vílini. Ná lɔ́ í kɛ́ni ti ɣɛ́i taá mɔɔningí wo, táá ɣɛ́ ta, “Baa sí ɔ́ɔ́ ɣɛ́ lá yɛ́ɛ́ taá tóli ngáá Masangí Deevé Láála Lói?”

MÁFIYU 15:22

Nyah̃ápo yiláa tɔ́ wɔ́lɔ í ɣɛ́i na, i ɣɛi ngáá taí sí h̃u w̃ɔ́ɔ́ taá náá lolí ngáá Kééna. I hiɣeí Táya ɛ́ɣɛ Sáidɔ lataí h̃u í vá Jísu yelé. I ɣɛi áá woo gúla áa ɣɛ́ Jísu w̃a, “Kawálai, yɛ́i taa í lóli ngáá Masangí Deevé Láála Loí, mááw̃aanu hóu kái! Faa bɔ́lungɔɔ lé ní ỹáh̃aloi la ngwala, maa lɔɔ nɔ́w̃ɔ ngáá ỹína nyɔí í pólu.”

MÁFIYU 26:63

Kɛ́ Jísu i w̃aa ɣɛí ló. Ngala sááɣa gula mbélai ti wutúwɔɔ w̃ɔ́ɔ́ wálai ná i mɔɔ yɛpɛí Jísu yelé, i ɣɛ ma, “Ndɛɛh̃u Yálangi laahéingi h̃u, ngí í wálanga kpɛɛna mbú. Nde ni w̃a, ná yá lɔ yáá ɣɛ́ ngáá Ngalángi Lókolo Mbá W̃ɔ́i, Ngalángi H̃íỹɛndou Loí.”

MÁFIYU 27:43

Ndangɔ́ɔ́ lé ngáá Ngalá aáva i ɣɛ laá lɔ́ í ngáá Ngalángi H̃íỹɛndou Loí, ná ná áá ɣɛ́, a mú tɔ́ lɛɛ ná wɔ́lii Ngalá ndóngɔ lé í maaɣawó!”

MÁFIYU 3:17

Ná naa í ɣɛ́i kpɛ́ɛ́, kɛ ngoo tá í gulangá ngelegóóh̃u, ngoí ná va i ɣɛi ngáá sí, “Sí lɔ́ í ngáá ní H̃íỹɛndou Loí, ndóngɔ lá. Aá lɔ́ ndíílɛingɔ tɔ́ fááw̃a.”

MÁFIYU 9:27

Ná Jísu va í gúlai maa ỹándai ná wa, áá lɔ́ve kpóloo, siỹɛngáá félengɔ ti wólengɔ ti hítɛi polú, táa tolí ngéleya, táá ɣɛ́ ma, “Yɛ́i taa í lóli ngáá Masangí Deevé Láála Loí, ni yaah̃ú w̃ááwaanu hóu kai!”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:35

Kɛ malékai i Mɛɛloí woo yápotenga, i ɣɛ ma, “Hɛ́ɛ́ma Ỹínangi aa va í w̃ááh̃u, aáva Ngutuwɔ́ Yála Ngwalaí aa yei í w̃a. Háwui náá hááw̃a, hɛ́ɛ́ma lói sí yíwaa vá ndéma, taá tolí ngáá Ngalángi H̃íỹɛndou Loí.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:69

I ngi wúmaawo ngakpangí wu mbúyoɣenga ngi yénge mɔí Deevé lé kpámbii h̃u.

NJƆÚ 1:14

Lɛ́i vangí taa ɣɛ́ ma Keela Wói, i batɛní ngáá nuu búsa. I ɣɛi mu liiwáá aáva ní ngi yámaloulai lɔní, yamalóulai sí vá aa lɔ na Kɛɛɣɛí Ngalángi H̃íỹɛndou Lou yiláá kpéngi háaw̃a. I tɔɔỹái yakɛ́nga ngáá ni ye kpál̃au kɔwɔ́ato Ngala mba, ɛ́ɣɛ Ngalángi haa bɔwɔ́i mu haáw̃a.

NJƆÚ 1:34

Ngí faí sí ŋál̃aa lɔngɔ́ í híya aáva nyá lɔ́ ngáá maa hééle ngáá Jísu lɔ́ í ngáá Ngalángi H̃íỹɛndou Loí.”

NJƆÚ 1:49

Kɛ Natáániyɔ i ɣɛa ma, “Kaamɔ́ɔ́, yá lɔ́ yí ngáá Ngalángi H̃íỹɛndou Lói, yí ngáá Masa Ngwálai Ísulɔ yeláitii maah̃u.”

NJƆÚ 10:30

Naa ní Kɛ́ɛ́ɣɛ ni ɣɛ kíli i yíla kpé.”

NJƆÚ 10:36

Nyá ní ndái laá, Kɛɛɣɛí Ngalá tɔ í lókolongɔ mbá, í tɔ́ve ngelewu. Ná ná áá ɣɛ́, kɛ ndeé lɔ́ náá hɔ́ɔ́ í kɛ́nga wáá nde ngáá kɛ nyá lɔɔ́ tɛɣɛsu gúla la, baa sífaa náá ngí ɣɛ́a ta nyá lɔ́ ngí ngáá Ngalángi H̃íỹɛndou Loí?

NJƆÚ 20:28

Kɛ Tɔmɔsí í Jísu woo yápotenga, i ɣɛ ma, “Yá lɔ yí ngáá Ndémɔi ɛ́ɣɛ ní Yálangi!”

NJƆÚ 20:31

Kɛ́ sítii pɔ́nɛngɔɔ lé nɔ́ɔ ngáá wú lá lá ngáá Jísu lɔ í ngáá Ngalángi Lokoló Mbá W̃ɔ́i lɛ́i í ngáa Ngalángi H̃íỹɛndou Loí. Aáva ná ndángi ná áá ɣɛ wú h̃u, wáá ndɛ́ɛ́h̃u gítei w̃aahɔ́lɔ laá máa véle w̃a.

NJƆÚ 5:25

Ngí tɔ́ɔ́ỹai lé wú w̃a, naa hɔwɔ́i lɔɔ vá fóloma ma aáva i folónga náa ma ngáá saa yeláitii táá va Ngalángi H̃íỹɛndou Lói woo ỹɛ́nima aáva sítii táá mɛ́ni ndɛɛh̃úi aa vú ti h̃u.

NJƆÚ 7:42

Pɔnɛngɔ́ɔ́ lé Ngala Kɔ́lɔi h̃u ngáá Ngalángi Lókolo Mbá W̃ɔ́i aa ɣɛ ngáá Masangí Deevé láála loí ta, Bɛ́tileh̃ɛ taí h̃u w̃ɔ́ɔ mbéinda Masangí Deevé gíte í ɣɛ́i na.”

TI GƐ́Ɛ́ HAÍTII 2:30

Kɛ́ Másangi Deevé í ɣɛ́i ngáá Ngalá ndaa háá lé mɔ́ɔ aáva i ɣɛi kɔlɔ́ ngáá kɛ Ngalá ngí kuulóngɔ, í kɛ́lɛ ngeɣé ngéya ngáá laá lɔɔ vá laá Deevé ngi létɔi ta héima laá Deevé vóma masandái h̃u.

TI GƐ́Ɛ́ HAÍTII 3:13

Ngalángi sí wɔ́lɔ a mu káwala Lébilah̃auni ngaa Áise ɛ́ɣɛ Jékɔ tɔ́ɔ́ fɛli ɛ́ɣɛ a mu káwala vekáitiini, aá lɔ í ngi Yénge Mɔ́i Jísu laaw̃áálɛnga, í ngakpá fé mbɛ. Jísui sí wú tókoleveni ngáá tí páa. Aáva wú bééleni mba Lóómingai ti gɔ́mɛti nuu walaí Páilɛɛ gakála kíya bɛ́lɛ Páilɛɛ í ɣɛ́i kpatɛní gi má ngáá í Jísu w̃aahaaló.

TI GƐ́Ɛ́ HAÍTII 8:36

Ná ti ɣɛ́i peleí w̃a tá lí, kɛ tí fólonga njɛí tá w̃a, kɛ Ítiyopiya gɔmɛti nuu walaí ná i ɣɛa Félepi w̃a, “Wɔlɛ lɛ́ɛ, njɛí béle tɛ mbéinda. Yáá lái lá ngáá kɛ maanɛ́ɛ́ngɔɔ lé náa ngí nguyaí w̃ááhɔlɔ?” [

TI GƐ́Ɛ́ HAÍTII 9:20

Ngamá nɔ́ɔ, kɛ Sɔ́ɔ i pɛlɛngá Ngala ngóó lemá Ngala fɛ́li máákpɔ wotaítii mbu ngáá kɛ Jísu lɔ í ngáá Ngalangí H̃íỹɛndou Loí.

LÓÓMI 1:9

Ngalá lɛ́i ngíwaa yénge mbɛ ngáá lií kpɛ́lɛɛ ngáá keela woó vándai ngíwaa nde kɔwɔ́ato ngi H̃íỹɛndou Loí Jísu wa, laá lɔ í ngáá maa hééle ngáá kíya fíli ngáá ɣɛ́a fɛ́li, ngáá fɛ́li wá bɛ́lɛ wú hááw̃a. Aáva nyá lɔ́ɔ́ fɛ́li ngáá sí h̃úi laá náa í ɣɛ́ náá ngáá Ngalángi lúw̃ama h̃u háá ngáá í ɣɛ ngáá solowo fáá ngí vá wú yéle.

LÓÓMI 4:1

Bɛɛ́ lɔ a maá nde ngáá a mu káwala Lébilah̃au i ngátɔi mba kɔwɔ́ato faí sí wa a máá yɛ́pɛ mba?

LÓÓMI 9:5

Ti káwalani ti ɣɛ́i wɔ́lɔ ngáá nuu yánguyangɔni Ngalá ngááh̃u. Ti káwalai sítii tɔ nɔ́ɔ mɔ́ɔ́ ti ɣɛ́i ngáá Kílisitii káwalani nuu busá gákai w̃aa vele w̃a. Bɛlɛ́ Ngalá lɛ́i í fáá kpɛ́lɛɛ mááh̃u ngáá masa, ndaaw̃áá í lɛ́ kúnafɔ taá ngí ndá gúnafɔ! Amíína.

KƆ́L̃E HESENDAA GƆLƆÍ 1:9

Ngalá tɔ ngáá tokola ma w̃ɔ́ɔ́ lɛ́i í lókolongɔ wú wá ngáá wú háá í ɣɛ́ su yíla wáá ngi H̃íỹɛndou Lói Jísu Kílisitii a mu Lemɔ́i.

KƆ́L̃E HESENDAA GƆLƆÍ 10:18

A gisíya lɛ́ɛ ngáá Ísulɔ yeláitii, ná tɔ́ɔ́ saáɣai gúla Ngalá ngéle Ngala sááɣa gula tútui w̃a, sítii kínɛi tɔ́ɔ́ máá hááɣa ỹɛɛnií tá ỹɛ, tɔ́ɔ́ báha Ngala mbá ti háá í ɣɛ́ nɔ́ɔ náa su yíla Ngala sááɣa gula fái ná h̃u.

GALÉSIYA 4:4

Kɛ́ ná kúi kái káingi í fóloni ma, Ngala ngí ngi H̃íỹɛndou Loí lɔ́veni ngelewu. Ngi njéé i ɣɛi ngáá nuu búsa, aáva i góloni sávaitii mbu Ngala ngí féni Muusé yáa,

TƐSALÓNIKA HESENDAA GƆLƆÍ 1:10

Tiyá lɔ́ɔ ndé múl̃ɔ ngáá kíya wúwaa ngi H̃íỹɛndou Loí Jísu w̃áálɛlɛ náa, lɛ́i Ngala ngí mbuyoɣéni sái h̃u, ngáá í gúla ngelegóóh̃u í va. Ngi H̃íỹɛndou Loí ná vá tɔ í mú wumááwongɔ faa bá mai yáa Ngalá ngáá vá ndáma nuu kpɛ́lɛɛ má ti háá ỹɔítii faaw̃a.

TÍMOTI HESENDAA GƆLƆÍ 2:5

Ngalá ngí yíla kpé aáva nuu yílaa tɔ áá kɛ́ ngáá háwu nuu lówah̃u áá bátɛ wáá Ngalá, nuí ná vá mbaa ngáá Jísu Kílisitii lɛ́i laá gíte í ngáá nuu búsa.

TÍMOTI HESENDAA GƆLƆÍ 3:16

Kindaa vilí tɔ́ɔ́ỹai Ngala ngí ngákɛngɔ kɔwɔ́ato sí wa mú lángɔ lá, nuu fíli ɛ́i w̃aaɣaali lá. Jísu Kílisitii i vaí ngeleí sí wu i ngáá nuu búsa. Hɛ́ɛ́ma Ỹínangi í ngákɛi kpál̃au ngáá faa ỹɔ́u fíli aa ɣɛi Jísu h̃u. Malékaitii ti tɔ́i. Aáva nungáá ti kééla wóo vándai léni kɔwɔ́ato laá mba híí kpɛ́lɛɛ má. Nungáá tí lá la ỹandá kpɛ́lɛɛ. Aáva í lɛní ngelegóóh̃u, i ɣɛ na ngáá masa Ngalá mba.

TÍMOTI GƆ́LƆI HELE KÉLEI 2:8

Gisíya lɛ́ɛ ngáá Jísu Kílisitii, lɛ́i í ɣɛ́i ngáá Masangí Deevé lé kpámbi h̃uu w̃ɔ́i tá, Ngalá ngí mbuyoɣéni sái h̃u. Fái sítii pá tɔ ti ngáá keela wóo vándai ngíwaa nde.

NJƆÚ HESENDAA GƆLƆÍ 1:3

Sí ní tɔá ɛ́ɣɛ sí ní mɛningá, laá lɔ naá faa lé wú w̃a kɔwɔ́ato mba ngáá kɛinɔɔ́ wá bɛ́lɛ nɔ́ wú báha ni wa, a mu háá í ɣɛ́ su yíla maá Kɛɛɣɛí Ngálani ngaa ngí H̃íỹɛndou Loí Jísu Kílisitii.

NJƆÚ HESENDAA GƆLƆÍ 3:23

Sí vá í ndéngɔ mu w̃a ngáá a mu kɛ́, aá wáa ngáá, mu lá ngáá ngí H̃íỹɛndou Loí Jísu Kílisitii, ná vólu, a mu ló ngáá ỹɔw̃ɔ́ ỹɔ́w̃ɔ kíya nɔ́ɔ Jísu Kílisitii í ndéngɔ mu w̃a ngáá mú kɛ.

NJƆÚ HESENDAA GƆLƆÍ 3:8

Nuí fíli áá ndí ngu ma ngáá faa ỹɔ́u ɣɛndáá kɛ maa w̃ɔ́i lɔ ngáá Ngutuwɔ́ Ỹína Nyɔí núú bɔw̃álale Ngutuwɔ́ Ỹína Nyɔí lɔ ngáá faa ỹɔ́u ɣɛ mɔ́ɔ wɔ́lɔ kpɔ́lɔɔ ngetéyangi lɔ́kula héimai. Ngalángi H̃íỹɛndou Loí i vaangɔ́ ngeleí sí wu háwui sí kái kái fááw̃a, ná wáa ngáá, í Ngutuwɔ́ Ỹína Nyɔí háá h̃uubatɛ nyɔu ỹɔungáitii kpɛ́lɛɛ nyááni.

NJƆÚ HESENDAA GƆLƆÍ 4:15

Nuí fíli áá ndé ngáá Jísu lɔ í ngáá Ngalángi H̃íỹɛndou Loí kɛ maa w̃ɔ́i báhangɔɔ lé Ngalá mbá Ngalá bɛ́lɛ nɔ́ kpahangɔ́ maa w̃ɔ́i wa.

NJƆÚ HESENDAA GƆLƆÍ 5:1

Nuí fíli áá ɣɛ́ lái la ngáá kɛ Jísu lɔ í ngáá Ngalángi Lókolo Mbá W̃ɔ́i, maa w̃ɔ́i lɔ ngáá Ngalángi lóu. Nuí fíli pa ndóngɔ áá ɣɛ́ la ngáá Kɛɛɣɛí Ngála kɛ maa w̃ɔ́i longɔ́ɔ́ lé ngáá ngi léngaitii bɛ́lɛ.

NJƆÚ HESENDAA GƆLƆÍ 5:20

A mú súúwɔlɔ ngáá Ngalángi H̃íỹɛndou Loí i vaangá ngeleí sí wu aáva i kɛ́a ngáá háwu mú ɣɛ́ ngáá faa yatɔ́ mba mbélaa kɛinɔɔ́ mu ɣɛ́ Ngalá kíte wɔlɔ́ ngáá ele gíte waa ngáá laá. Aáva a mu háá aa ɣɛ su yíla maá Ngalá kíte, sífaa maá ngí H̃íỹɛndou Loí Jísu Kílisitii mu háá lɔ su yíla. Jísu vá tɔ í ngáá Ngalá kítei ɛ́ɣɛ kúnafɔ lɛ́ɛ́h̃ui hé mɔ́i.

NJƆÚ HESENDAA GƆLƆÍ 5:5

Nuí áá hómbo í bɔ́wɔ h̃úuhou ngeleí sí wúu háá ỹɔítii ngeyá, maa w̃ɔ́i waa ngáá nuí sí ndángɔ áá ɣɛ́ lá la ngáá Jísu lɔ í ngáá Ngalángi H̃íỹɛndou Loí.

NJƆÚ GƆ́LƆI HELE KÉLEI 1:7

Nungáá bíh̃iw̃aa taa núngaa híɣe tɔɔỹaá veleí wa tiyá lɔ náá ngeleí sí wu, tiyɛ́i taá tí gálambongi wó ngáá Jísu Kílisitii aa ɣɛi ngáá nuu búsa ná h̃u í vááni ngeleí sí wu. Nuí fíli áá ná le, maa w̃ɔ́i lɔ ngáá ngakpolówa mɔ́ɔ áá nuu híɣe tɔɔỹaá vélei wa, ná vólu, maa w̃ɔ́i lɔ ngáá Kílisitii wááhilima w̃ɔ́ɔ́.

FAA YÁKƐ KƆ́LƆI 2:18

I mɔɔ ɣɛi má, “Keela wói sí vɔ́nɛ malékai sí yéle í Ngala fɛ́li mbélaitii mááh̃u tí Tayatálɔ taí h̃u. ‘Sí lɔ́ í ngáá keela wói áa gúla Ngalángi H̃íỹɛndou Loí yáa lɛ́i ngaah̃u gɛ́hɛi áa hólo sú í ɣɛ́ ngɔ́mbu hó ɛ́ɣɛ lɛ́i sí kɔwɔ́i w̃aa áá hólo míl̃a mil̃a í ɣɛ́ góóli wuyangɔ́.