Biblia Todo Logo
Bìoball air-loidhne

- Sanasan -




LÓÓMI 1:1 - Kɛ́lɛ Niinaí

1 Nyɛ́i ngí ngáá Pɔ́ɔ, ngí ngáá Jísu Kílisitii yénge mɔɔ, nyá lɔ ngíwaa kɔ́lɔi sí vɔ́nɛ. Ngala ngí tólingɔ, í lókolo mbá ngáá ngi géélai ngáá ngí ngi gééla woó vandaí lé.

Faic an caibideil Dèan lethbhreac




LÓÓMI 1:1
73 Iomraidhean Croise  

Ná Njɔú vílingɔ í ɣɛ́i náá lá kpindi vɛlɛ́i wu, Jísu i liiní Galéli lataí h̃u, íwaa Ngalángi gééla woo vandaí le.


Nuí fíli áá ɣɛ́ í ɣɛ ngáá ní yénge mɔɔ, kɛ maa w̃ɔ́i aa hitɛ́ pólu, kɛinɔɔ́ mbéi ngáá ɣɛ́ na, naa lɔ maa w̃ɔ́i áá ɣɛ́ na laá bɛ́lɛ. Ní Kɛ́ɛ́ɣɛ Ngalá ngáá ngufemaí he nuí sí yɛ áá ɣɛ́ ngáá ní yénge mɔɔ.”


Kúnafɔ ngɛ́i mɔ́ɔ́ wú lóli ngáá ngenge mbélaa bɔw̃álale ngenge mɔ́ɔ́ ɛi ɣɛ w̃aalíɣii yaá haa h̃uuwɔ́lɔ. Kɛ́ laá ɣéle, ngí wú lólinga ngáá ní mbálangaa sífaa, sí kínɛi ní Kɛ́ɛ́ɣɛ í ndéngɔ má, ngí ndénga wú w̃a.


A giséi ngoí sítii ma ngí ndéngɔ wú w̃a, ‘Ngenge mɔ́ɔ́ fíli ngakpángɔɔ láá lé ɔ́ɔ́ lɔ́ve w̃aalíɣii wa,’ ná wɔ́lii taa ɣɛ́ faa bá ndái má, wá bɛ́lɛ nɔ taá faa bá ndá wú w̃a. Ná wɔ́lii taa ɣɛ́ golóni ní gálambongitii mbu, wá bɛ́lɛ taá goló wú ndái wu.


Kɛ́ Sɔ́ɔ, lɛ́i taa mɔ́ɔ ɣɛ ma Pɔ́ɔ, Hɛ́ɛ́ma Ỹínangi i ɣɛi polú. I wɔlɛní Ɛ́lemɔ yaah̃ú tííŋ, i ɣɛ ma,


Kɛ́ ngáá lɛɛh̃úi yeɣéngɔ ngáá ŋani fíli bɔwɔ́ yaa. Sí nɔ́ɔ léi kpéɣengɔ ma, aá waa ngáá ngí ngengengí sí wu kúla Ndemɔí Jísu í fengá ngéya. Maa yéngengi waa keela woó vándai léndai kɔwɔ́ato Ngalángi háá bɔwɔí wa.”


Ná i lúw̃ani ma ngáá Pɔ́ɔ í yɛ́pɛ, Pɔ́ɔ i loní sitɛ́pii ya, i loko ɣɛ mɛ́mɛ ngáá faŋaí ngáá tí w̃aa ɣɛ ló. Ná ti kpɛ́lɛɛ tí w̃aa ɣɛní ló, i yɛpɛní ti yelé Híbulu woí h̃u, i ɣɛ ta,


Kɛ Ndemɔí Jísu i ndengá má, i ɣɛ má, ‘Lí! Nyá ngaá í lɔ́ve kpɔ́lɔɔ sítii ngelé taa ngáá Júsua.’ ”


Ngí h̃úndɛni ndɔwɔlɔ́i wa aáva ngí ngoo tá ỹɛ́nini, i ɣɛ má, ‘Sɔ́ɔ! Sɔ́ɔ! Ndeé le yíwaa faa bá nda má?’


Kɛ Masangí Agílepa i ɣɛa Pɔ́ɔ w̃a, “Yɛpɛ náa bɔwɔ́ hááw̃a.” Faalɔ, Pɔ́ɔ i lokoí lɛni ngeleya, í pɛlɛ kɔsɔ́ngi gúlama.


Ni kpɛ́lɛɛ ni gúlani ndɔwɔlɔí wa aáva ngí ngoo tá ỹɛ́nini Híbulu woí h̃u, áá ɣɛ́ má, ‘Sɔ́ɔ! Sɔ́ɔ! Ndeé le yíwaa faa bá nda má? Naa bangɔ́ɔ́ le ngáá yí bɔtái sei ngulú yákulangɔ ya, sífaa yáá ɣɛ nɔ́ɔ yáá ỹanda héi bɔwɔ́ wa.’


Bɔ́kɔi w̃á, Ngalángi sí ngí fááw̃a, ná vólu, ngáá fɛli, ngi w̃áleka i gulaní ngááh̃u, í ló kpéla.


Kɛ Ndemɔí Jísu i ɣɛa Ananáya w̃a, “Lí! Ngí lókolonga siỹɛndópoi sí wa ngáá ní yénge mɔɔ ngáá í lí Ísulɔ yeláitii ngelé ɛ́ɣɛ nungáitii sítii taa ngáá Júsua ti w̃ása ngwála walaítii í ndé ti w̃a ti ɣɛ́ kɔlɔ́ ngáá kɛ ele wáá ngáá nge.


Ngáá wúfema ngáá Ngalángi gééla woo vandaí bɔw̃álale, aá lɔ í ngáá Ngalángi yákpangi ngumaawóngi hááw̃a nuu fíli fááw̃a áá lá la. Maifɔ́lɔ mbélaitii í ɣɛ́ngɔ ná ti haáw̃a tiyá wáá ngáá Júsuaitii, náa vólu yélaitii mbaa ngáá sítii taa ngáá Júsua.


Jísu w̃áa véle w̃a, Ngalá ngí naa gúlaa kɛ́lɛma mbɛ́ ngáá ngí ɣɛ́ ngáá ngi gééla Jísu Kílisitii hááw̃a ngáá kɛinɔɔ́ nungáá ti gúla híítii sú bɛ́kpɛ ti lá ngáá Ngalá, ti gólo mbɛ́.


Ngalá lɛ́i ngíwaa yénge mbɛ ngáá lií kpɛ́lɛɛ ngáá keela woó vándai ngíwaa nde kɔwɔ́ato ngi H̃íỹɛndou Loí Jísu wa, laá lɔ í ngáá maa hééle ngáá kíya fíli ngáá ɣɛ́a fɛ́li, ngáá fɛ́li wá bɛ́lɛ wú hááw̃a. Aáva nyá lɔ́ɔ́ fɛ́li ngáá sí h̃úi laá náa í ɣɛ́ náá ngáá Ngalángi lúw̃ama h̃u háá ngáá í ɣɛ ngáá solowo fáá ngí vá wú yéle.


Nyá lɔ́ɔ yɛ́pɛ náá wú yéle wɛ́i wáá ngáá Júsua ngáá ná nɔ́ɔ kái nyá lɔ́ ngáá Ngalángi gééla, Ngala kééla woo vandaí lé fááw̃a sítii ma taa ngáá Júsua ná lɔ́ ngáá ndíívo ngénge.


ngáá ngí ɣɛ́ ngáá ngenge mɔ́ɔ́ Jísu Kílisitii yɛ sítii fááw̃a taa ngáá Júsua, ngí ɣɛ́ ngáá Ngala sááɣa gula mɔ́ɔ́ ɣɛ kíli ngi gééla woo vándai lé fái h̃u. Ngalá ngí sí ɣɛ́ngɔ ngáá kɛinɔɔ́ Hɛ́ɛ́ma Ỹínangi í kɛ́ ngáá háwu sítii taa ngáá Júsua ti ɣɛ́ ngáá Ngalángi vóngaa, ti ɣɛ́ ngáá kíya nɔ́ɔ saáɣa vanda faa vó fíli ɛ́i ɣɛ́ mba Ngala faaw̃a aáva áá ɣɛ́ ngáá Ngalá ndíila kéle.


Ngí súúwɔlɔ ngáá ná ngáá vá wú yéle Kílisitii nɛ́ɛ́mai áá yéi wú w̃a, ngwala yambɔ́ɔ́lɔngɔ aa ɣɛ la.


sífaa taá yéngema Ndemɔí Jísu Kílisitii hááw̃a, aá ɣéle ti bɛɣéngɔɔ lé nɔ́ɔ ngáá ti laaỹɛ́ɛ́ni haa. Taá woo nɛ́ɛ́ nɛɛ nda sítii mbu tɛ́i ɣɛ́ faa wɔ́lɔ ngwala kɔwɔ́ato nyaama háá wa, tí tí yakpólowa.


A mú Ngála tɛ́ lɛ́i áá kɛ ngáá háwu Ngalángi gééla woo vandaí sí ngíwaa nde kɔwɔ́ato Jísu Kílisitii wa íwaa wú h̃úúba ngi hái h̃u. Wɔ́lɔ kpɔ́lɔɔ tɔɔỹáa gééla wói sí w̃aa lɔ́ɔ́wungɔ i ɣɛngɔ la,


Nyɛ́i ngí ngáá Pɔ́ɔ, nyɛ́i Ngalángi háá h̃úúbatɛ su í lókolongɔ mbá ngáá Jísu Kílisitii géélai, nyá lɔ ngáá kɔlɔí sí vɔ́nɛ naá mú mbála Yalá fɛ́li mɔ́i Sɔsitɛ́ni.


Ngáá nduwɔ laá h̃u, nyá lɔ́ ngáá Ngalángi gééla. Aáva ngí a mu Lemɔ́i Jísu lɔngá. Aáva ngengengí sí ngíwaa mbo Ndemɔí Jísu yɛ, wá lɔ́ Ngalá ngí wú w̃ááhɔlɔngɔ ngengeí sí h̃u ngí mbóngɔ.


Nyɛ́i ngí ngáá Pɔ́ɔ, ngí ngáá Jísu Kílisitii géélai áá gúla Ngala ngí háá h̃uubatɛ su, nyá lɔ́ ngáá kɔlɔí sí vɔ́nɛ náa mú mbála Yalá fɛ́li mɔ́i Tímoti. Kɔlɔí sí lɔɔ vá wú yéle wɛ́i wú ngáá Ngala fɛ́li mbélaitii wú taí sí h̃u taá náá lolí ngáá Kɔ́l̃e í báha náá Ngalángi vóngaitii kpɛ́lɛɛ mbá tí Akáya lataí h̃u hááli hááli.


Aá lɔ kí ma ngáá kɛ nungái nátii wáá ti lolí ngáá Ngalángi gééla wala wala ngufema áá ti yɛ ɔ́ɔ́ lɔ́ve mbá.


Ngáá wú gákala lángɔ ngáá ŋani fíli ná ngí ɣɛ́i ngáá Ngalángi gééla woo vandaí lé wú w̃á aáva ngí bɔ́wɔ wú nganjéini kɛinɔɔ́ wú wú nga ngí yóóɣe. Laá lɔ wú gí ma ngáá kɛ faa ỹɔ́u lɔ ngí kɛ́a?


Nyá ngáá lúva kɛ kíya tamál̃a mɔ́ɔ́, kɛ́ wá vá tɔ wú kɛ́a ngíwaa ná ɣɛ́ h̃íí, sífaa, wá lɔ kule í wú w̃a wú njɛ́pɛ vandá vú kɔwɔ́ato mbá. Kíya bɛ́lɛ ngáá ngáá ŋani fíli, kɛ́ nungái nátii wáá tí lolí ngáá Ngalángi gééla wala wala taá lɔ́vei mbá.


Ná ngí fóloi Túlowa taa h̃u ngáá ngí Ngalángi gééla woo vandaí lé kɔwɔ́ato Kílisitii wa, ngí ngátɔni mba ngáá kɛ Ndemɔí Ngalá i pele laawónga ngi yéngengi hááw̃a na.


Keela woí náá nde, naá ndéma kɔwɔ́ato bɔwɔ́ wa. Kɛ́ niỹá lɔ nde kɔwɔ́ato Jísu Kílisitii wa í ngáá a mu Lemɔ́i. Sí náá nde kɔwɔ́ato bɔwɔ́ wa laá waa ngáá niỹá lɔ́ɔ ngáá wú yénge mbelaa Kílisitii hááw̃a.


Nyɛ́i ngí ngáá Pɔ́ɔ, nyá lɔ́ ngáá kɔlɔí sí vɔ́nɛ wú yéle wɛ́i wú ngáá Ngala fɛ́li mbélai wú Galésiya lataí h̃u. Nuu búsa láá le ɔ́ɔ́ kɛ́ ngáá Ngalángi gééla kɛlaa maa ɔ́ɔ́ gúla nuu búsa háwu h̃u. Kɛ́ Jísu Kílisitii ɛ́ɣɛ Kɛɛɣɛí Ngála, lɛ́i í Jísu wuyoɣéngɔ sái h̃u, tiyá lɔ tí lókolongɔ mbá ngáá Ngala kééla. Wɛ́i wú Galésiya lataí h̃u ngáá Ngala fɛ́li mbélaa, ni há wú w̃á naá mu mbála Yála fɛ́li mbélaitii kpɛ́lɛɛ ni mbéinda.


Nyɛ́i ngí ngáá Pɔ́ɔ, nyá lɔ́ ngáá kɔlɔí sí vɔ́nɛ nyɛ́i ngi ngáá Jísu Kílisitii géélai áá gúla Ngalángi háá h̃uubatɛ su. Nyá lɔ́ ngáá Kɔlɔí sí vɔ́nɛ wú yéle wɛ́i wú ngáá Ngalángi vóngaitii taí sí h̃u taa tolí ngáá Ɛ́fɛsɔ, wɛ́i wáá híɣengɔ tɔ́wɔbaɣa vélei sí wa wú lɛ́ɛ́h̃ui h̃u wú kpáhangɔ Jísu Kílisitii wa.


Wá bɛ́lɛ nɔ́ Ngala ngí wú ɣɛ́i ngáá ngi vóngaa ná wú tɔɔỹaá gééla woo vandaí ỹɛ́nini, wú lá lá. I wú wumááwoni, wú lá ngáá Kílisitii aáva Ngalá ngi ngakɛ́a ngáá muỹa lɔ ngáá ngi vóngaa ngáá Hɛ́ɛ́ma Ỹínangi í maa gúúlo mbóni, í kɛ́a ngáá háwu í mu vólu.


Aá gítei vá tɔ́ nɔ́ɔ í fémbɛ wɔ́lingaitii fengɔ́ nungáitii ngeyá ná wáa ngáá, ngenge tókoitii. I ti lɛ́ingaa ɣɛ́ngɔ ngáá Ngalángi géélaitii, í tí lɛ́ingaa ɣɛ́ ngáá Ngalá ndaa háá lé mbélaitii, í tí lɛ́ingaa ɣɛ́ ngáá Ngala ngóó le mbélaitii, í tí lɛ́ingaa ɣɛ́ ngáá Ngala fɛ́li mbélaitii tí w̃ááh̃u béle mbélaa, í mɔ́ɔ tí lɛ́ingaa ɣɛ́ ngáá Ngala Kɔ́lɔ ɣɛ mbélaitii.


Nyɛ́i ngí ngáá Pɔ́ɔ í báha Tímoti wa niỹɛ́i ni ngáá Jísu Kílisitii yenge mbélaa, niỹa lɔ níwaa kɔlɔí sí vɔ́nɛ wú yele. Ní pɔ́nɛngɔ wú kpɛ́lɛɛ ngéle wɛ́i wú ngáá Ngalángi vóngaitii wú Félepa taa h̃u wú báhangɔ Jísu Kílisitii wa ngungi nda mɛ́ɛ Ngala fɛ́li mbélai ti wutúwɔaitii ma ɛ́ɣɛ ti bɔmba yeláitii.


Nuu kpɛ́lɛɛ pá taá nde lííwaa wála ngáá Jísu Kílisitii lɔ í ngáá Ndemɔí kɛinɔɔ́ Kɛɛɣɛí Ngalá í ngúfema w̃ááhɔlɔ su.


Nyɛ́i ngí ngáá Pɔ́ɔ, nyɛ́i Ngalá ngí kɛ́ngɔ ngáá Jísu Kílisitii géélai, nyá ɛ́ɣɛ mu mbála Yála fɛ́li mɔ́i Tímoti niỹá lɔ náa kɔlɔí sí vɔ́nɛ.


Aáva Ngalá ngí kɛ́nga ngáá ngi yénge mɔɔ wú yɛ wɛ́i wú ngáá Ngala fɛ́li mbélaitii. I ngengengí sí héngɔ ngeyá ngáá ngí mbo kɛinɔɔ́ wú kulasuunúma w̃aahɔ́lɔ su. Aáva maa yéngengi waa ngáá ngí Ngala kééla woí lé wú w̃a ngáá pangɔ́.


Wá gíte wú kɔ́lɔ kíya ti ɣɛ́i náá ni h̃úúhou kíli ỹɔu woní ɛ́ɣɛ kíya tí ni yangúfeni Félepa taa h̃u nɔɔ́ ɣɛ́a va wú yéle Tɛsalónika taa h̃u. Kɛ́ Ngála pa í mú ndá gákai w̃a, í ní liibáni ngáá ní kééla woó vándai lé wú w̃a áá gúla ngeyá. Aáva ní maa gééla woí léni kíya bɛ́lɛ nuu bíh̃iw̃aa ti ɣɛ́i na táá yakpá ngáá tí ni betéve nde fái wa.


Ndo ngwálai ní su ngáá wú ye i kɛngɔ́ ngáa háwu ní Ngalángi gééla wóo vandaí lé wú w̃a. Kɛ́ aáva aa gɛɛlɛní nɔ́ɔ ná wa, aá ɣéle p̃ɛ́ɛ́ nɔ́ɔ́ bɔwɔ́ gúla kɛlɛ́ma wú hááw̃a ná vá ɔ́ɔ́ ni liilá sífaa, ni longɔ́ɔ́ lé ngáá wú ye ngwála.


Mu mbála Yalá fɛ́li mbélai, wú gíseingɔ ma gíte kíya nɔ́ɔ ngenge kpá kpangaitii mbó wú lííwaa. Nɔ́ɔ́ yénge fóloni ngaa kpindí kɛinɔɔ́ ni waa háá ɣɛ́ndaa ɔ́ɔ́ va bá nuu fíli ngú mba Ngalángi gééla woo vandaí sí lé fááw̃a í féngɔ ni yaá ngáá ní ndé wú w̃a.


Nyɛ́i ngí ngáá Pɔ́ɔ, nyá lɔ ngáá kɔlɔí sí vɔ́nɛ. Nyá lɔ ngáá Jísu Kílisitii gééla kíya Ngalá lɛ́i í ngáá mu Wumáawo Mɔ́i ɛ́ɣɛ Jísu Kílisitii lɛ́i í ngáá mu gítomai ti ndéngɔ ngáá í ɣɛ́.


Ná vá tɔ í kɛ́ngɔ Ngalá ngí tɔ́vengɔ ngáá Jísu Kílisitii gééla, ɛ́ɣɛ kalambo mɔ́ɔ́ nungái sítii fááw̃a taá ngáá Júsua, ná vólu, ngí kééla woó vándai lé kɔwɔ́ato ndangí wa nuu áá ɣɛ́ su ngáá Jísu Kílisitii ɛ́ɣɛ tɔɔỹái kɔwɔ́ato mba. Ndɛɛ láá le ngɔ́ɔ́ ɣɛ́ ngáá kɔ́ɔ́la, sí ngíwaa nde aá lɔ́ ngáá tɔɔỹaá.


Ngalá ngí lokolongɔ́ mbá ngáá keelá ɛ́ɣɛ kalambo mɔ́ɔ ngáá ngí kééla woó vándai lé.


Nyɛ́i ngí ngáá Pɔ́ɔ, ngí ngáá Ngalángi yénge mɔɔ, ɛ́ɣɛ mɔ́ɔ́ Jísu Kílisitii géélai, nyá lɔ́ ngáá kɔlɔí sí vɔ́nɛ. Ngalá ngí lókolongɔ mbá, í tɔ́ve sítii ngelé í lókolonga ti wa ngáá ngi vóngaa ngáá ngí bɔ́ tí wa ti h̃úú í ba ti lángi h̃u. Ngí mɔ́ɔ́ bɔ ti wa ti ló tɔ́ɔ́ỹaa vélei gíte w̃á.


Nuu fíli ɛi lokolo nɔ́ɔ bɔwɔ́ wa ngáá í ngúfema lóów̃ai sí w̃ááhɔlɔ, ná wáá ngáá, í ɣɛ́ ngáá Ngala sááɣa gula mbélai ti wutúwɔɔ w̃ɔ́ɔ́ wala, kɛ́ aá ɣéle, Ngalá tɔ áá lókolo nuu wa kíya nɔ́ɔ í lókoloi wɔ́lɔ siỹɛndópoi ná wa tɔ́ɔ́ ɣɛ́ ma Éél̃ɔ.


Jísu ndá Yála sááɣa gulandái h̃u, aa hombó í mú gúla a mu beɣéma háitii sú bɔw̃álale, aá lɔ́ ngáá hɛ́ɛ́ma w̃ɔ́ɔ́, tɔmbema w̃áá fíli aa mba aáva aa ngáá faa ỹɔ́u ɣɛ mɔ́ɔ kíya mu ngáá faa ỹɔ́u ɣɛ́ mbélaa. Ngalá pa i kɛngá ngáá ngangímba w̃ɔ́ɔ́ wála ngelegóóh̃u.


Nyɛ́i ngí ngáá Jimisí ngí ngáá ngenge mɔ́ɔ́ Ngalá mbɛ taa Ndemɔí Jísu Kílisitii, nyá lɔ́ ngáá kɔlɔí sí vɔ́nɛ. Ngí há wú kpɛ́lɛɛ má wɛ́i wú ngáá Ngala fɛ́li mbélai wú váhangɔ hááli ndɔwɔlɔ́i kpɛ́lɛɛ su.


Naa hɔwɔ́i i foloá náa ma Ngalá ngíwaa vá nuu kpɛ́lɛɛ kɔ́sɔma ma. Maa gɔ́sɔngi va aá lɔ́ɔ tɔkúla héi Ngalángi vóngaitii a mu wa. Ná aá vá áá ɣɛ tɔkúla héini a mu wa, ná ná áá ɣɛ, faa bámai h̃uu áá ɣɛ wɔɔlɔ áá la sítii ma taa lái ngáá Ngalángi gééla woo vandaí í tɔvengɔ́ ngeleí sí wu.


Nyɛ́i ngí ngáá Sáimɔ Pítɛ, ngí ngáá Jísu Kílisitii yénge mɔɔ ɛ́ɣɛ mɔ́ɔ ngi géélai, nyá lɔ́ ngáá kɔlɔí sí vɔ́nɛ wú yéle wɛ́i wú nda pánda wálai w̃ááhɔlɔnga mu su. Mú kpɛ́lɛɛ mú nda ngílaa kpéngi sí w̃áahɔlɔngɔ Jísu Kílisitii lélembongi w̃áá véle w̃a lɛ́i í ngáá mu Yálangi ɛ́ɣɛ mu Wúmaawo Mɔ́i.


Nyɛ́i ngí ngáá Júu, ngi ngáá Jimisí ndéɣei ɛ́ɣɛ Jísu Kílisitii yénge mɔɔ, nyá lɔ́ ngáá kɔlɔí sí vɔ́nɛ wú yéle wɛ́i Kɛɛɣɛí Ngála ngí wú lólingɔ ngáá wú ɣɛ ngáá Ngala fɛ́li mbélaitii. Ná wáá ngáá, wɛ́i Ngalá ndóngɔ ngáá wú ye aáva Jísu Kílisitii áá wu w̃ááh̃u béle.


Sítii pɔnɛngɔ́i kɔlɔí sí h̃u kɔwɔ́ í tóngɔ fáitii mba Jísu Kílisitii í ngákɛni. Ngala ngí fái sítii ngakɛ́ni ngáá Jísu Kílisitii ngáá í ngákɛ ngáá ngi yénge mbeláitii. Tiyá lɔ́ ngáá faa tá ngáá táá vá ɣɛ́ma h̃umbuwá. Aáva Jísu í ngi w̃álekai lɔ́veni ngi yénge mɔí Njɔú yéle ngáá í fái sítii ngákɛ la.


Kɛ malékai i ɣɛa má, “Ngoí sítii kpɛ́lɛɛ yí mɛ́ningɔ tiyá lɔ́ ngáá tɔɔỹaá ɛ́ɣɛ tokolá ma wóo. Ndemɔí Ngála, lɛ́i í ngí Ỹínangi héngɔ laa háá lé mbélaitii ngeyá, í ngi w̃álekai lɔ́venga ngáá í ngákɛ ngáá ngi yénge mbélaitii sí kule í ma áá vá ɣɛ́ma h̃úmbuwa.”


Kɛ́ malékai i ɣɛi ma, “Yaa ná ɣɛ́! Ngalá tɔ́ nɔ́ɔ yáá fɛli. Nyá bɛ́lɛ nyá lɔ́ nɔ́ɔ ngáá Ngala ngénge mɔɔ́ kíya nɔ́ɔ yí na, ɛ́ɣɛ í mbála Yalá ndaa háá lé mbélai ɛ́ɣɛ sítii kpɛ́lɛɛ ti golongɔ́ ngoí sítii mbu tí kɔ́lɔi sí h̃u!”


Lean sinn:

Sanasan


Sanasan