KƆLƆ́SE 4:8 - Kɛ́lɛ Niinaí

⁸ Ná lɔ́ í kɛngá ngíwaa tɔve wú yéle, kɛinɔɔ́ í wú lííwuulɛ ngáá í nde wu w̃a kíya ní kpɛ́lɛɛ náá híya.

KƆLƆ́SE 4:8 Iomraidhean Croise

KƆ́L̃E HESENDAA GƆLƆÍ 4:17

Háwui sí hááw̃a, nyá ngaá Tímoti lɔ́ve wú yéle lɛ́i kulangɔ́ ngáá ndíívo síỹɛndou lou tɔwɔ́baɣangɔ Ngala fái h̃u. Laá lɔ áá va í wú gísitɛ síya gilíí wa kpahaí wa ngí su Jísu Kílisitii wa. Aá va tɔ ngáá mbó ngáá kalambo Ngala fɛ́li mbélaitii ma ỹanda kpɛ́lɛɛ.

KƆ́L̃E GƆ́LƆI HELE KÉLEI 1:4

Aa ni liiyápɔpɔ ni háá bɔlundaí kpɛ́lɛɛ sú kɛinɔɔ́ ni hómbo ni sítii ndiiyápɔpɔ faa bɔ́lundaa híí fíli áá ɣɛ́ ti w̃a ngáá ndiiyapɔpɔ́ngi sí ní mááhɔlɔngɔ laá Ngalá ngeyá.

KƆ́L̃E GƆ́LƆI HELE KÉLEI 12:18

Ngí Táitɔ w̃aanɛ́ɛ́nɛni ngáá í vá wú yéle aáva ngí a mu mbála Yalá fɛ́li mɔ́i ná vɛ́lɛi mba. Táitɔ i ŋani gúlai wú yáá? Náa láa ni lúva veléi ɣɛ kíli i yíla, ni híya veléi ɣɛ kíli í yíla.

KƆ́L̃E GƆ́LƆI HELE KÉLEI 2:7

Kɛ́ ná fíli sú, a suuhaaló ɛ́ɣɛ wú ndiiyapɔ́pɔ kɛinɔɔ́ ndii ɔ́ɔ́ ỹááni ngwala í bɔwɔ́ gúla yaa fó fóndei.

Ɛ́FƐSƆ 6:22

Ná háá va tɔ ngáá tɔvé ma wú yéle í vá í nde wú w̃á sí ní kpɛ́lɛɛ náá híya su ɛ́ɣɛ í wú lííba ngáá wálaa liihɛ́lɛ ngáá faa fíli.

FÉLEPA 2:28

Faalɔ, tɔvendái lɔ náa ndíí wa ngwala kɛinɔɔ́ ná wáá tɔ múl̃ɔ wú góóh̃u í nɛ́ɛ, nyá bɛ́lɛ pá maaw̃aanumai í híɣe ma.

KƆLƆ́SE 2:2

Nyá lɔ́ɔ́ yénge h̃íí na kɛinɔɔ́ wú kpɛ́lɛɛ ndiiwúúlɛngɔ í ɣɛ́ la ngwala ɛ́ɣɛ wú bɔ́su wú ló ngáa ỹɔw̃ɔ́ ỹɔ́w̃ɔ, ɛ́ɣɛ mɔ́ɔ́ wú nɛ́ɛ́mai sí w̃aahɔ́lɔ áá gúla faa yatɔ́mbandaa walái h̃u wú yɛ́. Ná ná áá ɣɛ́, wáá ɣɛ́ náá kɔlɔ́ sí kái kái í ngáá Ngalángi lɔ́ɔ́wu h̃u hái, ná wáá ngáá, Kílisitii laá búte.

TƐSALÓNIKA HESENDAA GƆLƆÍ 2:11

Wú kɔ́lɔ ngáá ni wú h̃úúhouni kíya nɔ́ɔ ndoú kɛ́ɛ́ɣɛ áá ngí léngaitii suuhóu.

TƐSALÓNIKA HESENDAA GƆLƆÍ 3:2

Aáva mu mbála Yála fɛ́li mɔ́i Tímoti, lɛ́i naá tiyéni náa yénge Ngalá mbɛ́ Ngalángi gééla woo vandaí léndai h̃u kɔwɔ́ato Kílisitii wa, ní tɔ́veni wú yéle. Ní tɔ́vei ngáá í wú lííwuulɛ, í kɛ́ ngáá háwu wú h̃uu í bá wú lángi h̃u.

TƐSALÓNIKA HESENDAA GƆLƆÍ 3:5

Háwui ná vá tɔ í kɛ́ngɔ ngí Tímoti lɔvéngɔ wú yéle ngáá í vá í tɔ́ kíya wú lángi ɣɛ́ kíli í na sí h̃úi, sífaa ndíí ɛ́i belé mɔ́ɔ́ lónga. Ngí ɣɛ́ngɔ ngáá gísiya ngáá tɛ́ingaa suugɔvɔ́ mɔ́i Setána aa ɣɛ wú h̃úúgɔvɔnga aáva wáá ɣɛ́ bengá Ngalá fái wa. Ná ná vá ngɔ́ɔ́ ɣɛ́, kɛ ní yéngengi kpɛ́lɛɛ kulasuunúma fíli ɛ́i béle mɔ́ɔ́ ɣɛ́ su.

TƐSALÓNIKA HESENDAA GƆLƆÍ 4:18

Faalɔ, a ỹɔw̃ɔ́ ỹɔ́w̃ɔ liiwúúlɛ ngáá ngoí sítiini.

TƐSALÓNIKA HESENDAA GƆLƆÍ 5:11

Faalɔ, a ỹɔw̃ɔ́ ỹɔ́w̃ɔ liiwúúlɛ, wú bɔ ỹɔw̃ɔ́ ỹɔ́w̃ɔ wa wú h̃úú í bá Ngala fái h̃u kíya nɔ́ɔ p̃ɛ́ɛ́ wúwaa kɛ.

TƐSALÓNIKA HESENDAA GƆLƆÍ 5:14

Mu mbála Yalá fɛ́li mbélai, niỹá lɔ́ɔ́ ndé wú w̃á gíte ngáá sítii taa ɣɛ́ nɔ́ɔ héi gbááma tɛ́i ɣɛ́ lói ti lóko ɔ́ɔ́ ɣɛ́ faa fíli mbá, wú tí laahí, ti bé ná wa. Wú sítii ndiibá nduwá ndúwa ngáá ɣɛ́ tí h̃u. Sítii pa ngákpa ngɛ́i ɣɛ́ ti yɛ, wú bɔ́ ti wa. Wú líílɔlɔngɔ í ɣɛ́ lá nuu kpɛ́lɛɛ ngéya.