KƆLƆ́SE 4:2 - Kɛ́lɛ Niinaí

² A ɣɛ́ nɔ́ɔ fɔ́ wáá Ngala fɛ́li, aáva wálaa lééw̃a w̃a ná wááyaa Ngala fɛ́li, ná vólu, waá sɛ́ɣɛɛ gula Ngalá má.

KƆLƆ́SE 4:2 Iomraidhean Croise

MÁFIYU 26:41

A ló yaah̃ú húlu ya, wú Ngala fɛ́li ngáá suugɔ́vɔ fáá álaa wú w̃áále wɔ́ɔ́ kɛ, sífaa wú lií h̃u wáá ɣɛ́ loí wú sí ɣɛ́ áá ɣɛ́ péle w̃a, kɛ́ nduwú h̃ú aa gula wú wá.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 13:33

Faalɔ, a giséi w̃a, wú w̃aah̃ú béle, sífaa wáá kɔ́lɔ mbéi hɔ́wɔi maa táingi áá foló ma.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 18:1

Kɛ Jísu i faanɛ́ɛ́ngi sí héinga volú yélaitii ma ngáá í ngakɛ́ ngáá ti ye ngáá ti ɣɛ́ táa Ngala fɛ́li táiŋ fíli má tálaa nduwúh̃ugula wa.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 21:36

A w̃aah̃ú belé hɔ́wɔ fíli aáva wú Ngala fɛ́li ngáá wú hómbo wú híya fái sítii su táá vá ɣɛ́ma, kɛinɔɔ́ wú hómbo wú ló nuí síí w̃ɔ́i taa ɣɛ́ ma Nuu Búsa Goo H̃ú Loí gakála.”

TI GƐ́Ɛ́ HAÍTII 1:14

Ti kpɛ́lɛɛ tɔ́ɔ yatɛ́ mba ỹanda yílaa hɔ́wɔ fíli táá Ngala fɛ́li, taá Jísu njéé Mɛɛloí ɛ́ɣɛ nyah̃a vékaitii taá Jísu ndéɣeai sítii ti ɣɛ́i ngáá siỹɛngáá.

LÓÓMI 12:12

Kitomái í wú yáá ná í kɛ́ ngáá háwu wú góóh̃unɛɛngɔ í ɣɛ́ la. Wu lííbangɔ í ɣɛ́ la táingi fíli má faa báma áá vá wú w̃ááh̃u, ná vólu, wú ɣɛ́ nɔ́ɔ fɔ́ wáá Ngala fɛ́li hɔ́wɔ fíli.

Ɛ́FƐSƆ 6:18

Sí kpɛ́lɛɛ sú, waayaa Ngala fɛ́li ngáá Ngalá ngí bɔ́ wú wá. Waayaa Ngala fɛ́li hɔ́wɔ fíli Hɛ́ɛ́ma Ỹínangi yákpangi h̃u. Náá hááw̃a, wálaa bɔ́lɔ Ngala fɛ́lindai wa. Waayaa Ngala fɛ́li Ngala fɛ́li mbélaitii kpɛ́lɛɛ mbɛ́ hɔ́wɔ fíli.

FÉLEPA 4:6

A wálaa ndiihɛlɛ́ fíli píli w̃a faa fíli fááw̃a. Kɛ́ aá ɣéle, a waayaa Ngala fɛ́li faa fíli fááw̃a wú béɣengɔ áá ɣɛ́ la faaw̃a. Aáva sɛ́ɣɛɛ gulama í ɣɛ́ wú líítii su hɔ́wɔ fíli ná wáá ɣɛ́ wáá fɛ́li.

KƆLƆ́SE 1:9

Háwui nátii kpɛ́lɛɛ fááw̃a, hɔ́wɔ fíli naá Ngála fɛ́li wú yɛ í séi ná h̃úú w̃á ni wú w̃áá woo ỹɛ́nini. Niỹa lɔ́ɔ́ Ngala fɛ́li ngáá í kɛ́ ngáá háwu sí ndongɔ lá nga ngi ɣɛ́ kpál̃au ngáá wú ye. Ná wáá ngáá, ngi Hɛ́ɛ́ma Ỹínangi í kɛ ngáá háwu wú géle ɣelengɔ í ɣɛ la, wúwaa fáitii ngatɔ́ mba.

KƆLƆ́SE 2:7

A ndi ngu ma wú lo kpáŋ kpáŋ kpahaí wa wú su Jísu Kílisitii wa, wú lókolangɔ í ɣɛ́ la ma wú lɛ́ɛ́h̃ui h̃uuhíya kílii h̃u. Ná vólu, ndangí wú su la nga ngí ɣɛ́ nɔ́ɔ áá ɣɛ́ wɔ́ɔ́lɔ kélei kíya tí wu gálangɔ la. Wú ɣɛ́ múl̃ɔ ngáá sɛ́ɣɛɛ gulama yélaa ngwala.

KƆLƆ́SE 3:15

A bɛ́lɛ ndiiheí sí Kílisitii áá fé í wú wúto faa fíli su wáá ɣɛ́ wú kɛ, sífaa, Ngalá tɔ í wú lólingɔ ỹanda yílaa ngáá wú báha su wú ɣɛ ndííhei h̃ú. A waayaa sɛ́ɣɛɛ gula ma hɔ́wɔ fíli.

KƆLƆ́SE 3:17

Sí fíli wáá ndé ɛ́ɣɛ sí fíli wáá kɛ, kpɛ́lɛɛ í ɣɛ Ndemɔí Jísu laahéingi h̃u. Waayaa sɛ́ɣɛɛ gula Kɛɛɣɛí Ngála má sí hááw̃a Ndemɔí Jísu í kɛ́nga mu yɛ.

KƆLƆ́SE 4:12

Siỹɛndópoi sí taa ɣɛ́ ma Ɛpáfulɔ, lɛ́i í ngáa mú mbalá Yalá fɛ́li mɔ́i ta wú gúúwui h̃u ɛ́ɣɛ Jísu Kílisitii yénge mɔɔ aa bɛlɛ́ i haaní wú w̃a. Aá lɔ́ nɔ́ɔ fɔ́ áá Ngala fɛ́li wú hááw̃a ngáá lií kpɛ́lɛɛ ngáá Ngalá ngí kɛ ngáá háwu wú h̃úú í bá wú lángi h̃u, wú ɣɛ suuwɔlɔ́ kpál̃au ngáá kɛ wú lángi wú su ngáá Jísu Kílisitii kɛ tɔɔỹaá le ɛ́ɣɛ wú gólongɔ í ɣɛ́ la Ngalá mbɛ ngáá hɛmbɛ́ fíli.

PÍTƐ HESENDAA GƆLƆÍ 4:7

Ngetéyangi sí yakɛ́ɛ́lɛmai bɛ́ɛ́ngɔ lé náa mba. A bɔwɔ́ h̃úúhou w̃a faa kpɛ́lɛɛ su, ɛ́ɣɛ wú giséi w̃a, kɛinɔɔ́ wú hómbo wááyaa Ngala fɛ́li.