KƆLƆ́SE 4:10 - Kɛ́lɛ Niinaí

¹⁰ Siỹɛndópoi sí taa ɣɛ ma Alesitáákɔ, naá láa ní kpíndi vɛlɛ́i wu ɛ́ɣɛ Bánaba yaabeí Máa tí hááni wú w̃a. Ngí ndengá wú w̃a kílii ngáá kɛ ná Máa áá vá wú héi heíma, wú nɛ́ɛ́nɛɛ, wú lókohei mbu.

KƆLƆ́SE 4:10 Iomraidhean Croise

TI GƐ́Ɛ́ HAÍTII 12:12

Ná Pítɛ í maa hái yatɔ́ni mba kpál̃au, i liiní Njɔú Máa njéé Mɛɛloí vɛ́lɛi la, mbéi nuu bih̃íw̃aa ti w̃áákpɔngɔ í ɣɛ́i lá mba na táa Ngala fɛ́li.

TI GƐ́Ɛ́ HAÍTII 12:25

Ná Bánabani ngaa Sɔ́ɔ ti vílani ti yénge ngí wóma ti ɣɛ́i liíni faaw̃a, tí gúlani Jɛlúsɛl̃ɛ wá, tí yangáima. Ti yangáima w̃aí, tí Njɔú Máa bahaní ti wa, taá tiyéi tí lí.

TI GƐ́Ɛ́ HAÍTII 13:13

Ná Pɔ́ɔni ngaa ngi mbála hiyá polu yeláitii ti gúlani tai sí h̃u taa naa lolí ngáá Páfɔ ti víli keléngi h̃u, tí li taí sí h̃u taa naa lolí ngáá Pɛ́ga í P̃ɛɛfíliya lɔwɔlɔí h̃u. Naa lɔ Njɔú Máa í ti loní na ngáá í yangáima Jɛlúsɛl̃ɛ taa h̃u.

TI GƐ́Ɛ́ HAÍTII 13:5

Ná ti folóni taí sí h̃u taa naa lolí ngáá Sálame, tí Ngalá ndaa wói lení Júsuai ti Yalá fɛ́li máákpɔ wotaítii mbu. Aáva Njɔú Máa i ɣɛi ti wa ngáá ti bɔ́mba w̃ɔɔ.

TI GƐ́Ɛ́ HAÍTII 19:29

Kɛ nungái kpɛ́lɛɛ taa walái ná h̃u ti ɣɛ́a wu nga wúúlee ngáá kpɔɔlɔ wálai sí í ɣɛ́i gulaní. Kɛ maa núngai nátii ti Gééyɔ houngá taá Alesitáákɔ tiyɛ́i ti ɣɛ́i ngáá Pɔ́ɔ híya polu yeláitii ti gúlani Mɛsedóniya lataí h̃u. Tí liiní ngáá ti ye ngáá piliỹɛ́ wála ỹandái ná tɔ́ɔ́ w̃aakpɔ́ na.

TI GƐ́Ɛ́ HAÍTII 20:4

Sítii ti lííni ti Pɔ́ɔ wuya peléni, ti ɣɛ́i ngáá Pilɔ́ h̃íỹɛndou loí Sopátɔ. Sopátɔ va, ngi láá h̃u i ɣɛi ngáá Bɛlíya. Kuya pelé yélaa vekaítii ti ɣɛ́i ngáá Alesitáákɔ ɛ́ɣɛ Sɛkúndɔ tiyɛ́i ti láá h̃u í ɣɛ́i ngáá Tɛsalónika, ɛ́ɣɛ Gééyɔ lɛ́i ngi láá h̃u í ɣɛ́i ngáá Dɛ́bi, ɛ́ɣɛ Tékekɔ ɛ́ɣɛ Túlofimɔ tiyɛ́i ti ɣɛ́i ngáá Ésiya lataí h̃úu yélaa, ɛ́ɣɛ Tímoti.

TI GƐ́Ɛ́ HAÍTII 27:2

Ni vílini náa kéle ngwálai sí h̃u í gúlani taa walái sí h̃u taa naa lolí ngáá Adulamétiyɔ. I ɣɛi náá kínɛi áá vá siyangí lɔkúla héima í lí kelé ngwála wala bulɔ máitii tataí ná h̃u taa naa lolí ngáá Ésiya. Siỹɛndópo yiláá taa ɣɛ́ ma Alesitáákɔ naá tiyéi ngi ɣɛi lá ni lííni. Alesitáákɔ va i ɣɛi ngáá Tɛsalónika taí h̃uu w̃ɔ́ɔ í Mɛsedóniya lataí h̃u.

TI GƐ́Ɛ́ HAÍTII 4:36

Siỹɛndópo yiláá i ɣɛi na taá ɣɛ́ ma Joosɛ́. Joosɛ́i sí va í ɣɛ́i ngáá Lívaingaitii ti tá. Joosɛ́i sí i gulaní ỹandái sí taa naa lolí ngáá Sáipulɔ. Aa vá tɔ Ngalángi géélaitii tɔ́ɔ́ ɣɛ ma Bánaba. Ndaaheíngi sí wúi wáá ngáá nuí áá ndúwuh̃ulɛ ngáá nuu yé.

LÓÓMI 16:2

A lokohéi mbu ngáá pangɔ ngáá kíya nɔ́ɔ kule aa ɣɛ́ Ngalángi vóngaitii ma ti lókohei nuu wu áá ɣɛ́ lái ngáá Ndemɔí Jísu. A bɔ́ mba pele kpɛ́lɛɛ su bɔw̃álale aá lɔ́ ngáá kpɔmba w̃ɔ́ɔ́ vánda nuu bíh̃i bíh̃i faaw̃a kpahangɔ́ nyá gíte ɣele tɔ mba.

LÓÓMI 16:7

Ngí há mu mbála Júsuai sítiini ma taa ɣɛ́ tí w̃a Andulɔ́nikɔ ɛ́ɣɛ Juníya, tiyɛ́i tiyá bɛ́lɛ nɔ ní ɣɛ́i kpindi vɛ́lɛi wu naá tiyéni. Tiyá p̃ɛ́ɛ́ ti ɣɛ́i ngáá Kílisitii volu yelaa nyá ɣéle tɔ ngɔ́ɔ́ ɣɛ́a ɣɛ ngáá Jísu volu w̃ɔɔ aáva ngufema wála lɔ́ Ngalángi géélaitii ngeyá ti haáw̃a.

TÍMOTI GƆ́LƆI HELE KÉLEI 4:11

Naa Lúu lɔ náá nɔ́ɔ ni mbéi. Faalɔ, ná yáá ɣɛ́a vá, wú vá waa Máa bɔw̃álale aa bɔ mbá ní yéngengi h̃u.

FELÉMO 1:23

Siỹɛndópoi sí taa ɣɛ́ ma Ɛpáfulɔ lɛ́i laa bɛ́lɛ í kpíndi vɛlɛí wu mbéi ngí na, sífaa í tɔɔỹái lengá láa bɛ́lɛ kɔwɔ́ato Jísu Kílisitii wa, i haaní i w̃a.

FELÉMO 1:24

Máa, Alesitáákɔ, Dímɔ ɛ́ɣɛ Lúu, tiyɛ́i ti ngáá mu mbála yengé mbélaitii tiyá bɛ́lɛ nɔ́ tí haaní í w̃a.

PÍTƐ HESENDAA GƆLƆÍ 5:13

Mu mbála Yalá fɛ́li mbélai sítiini tí taí sí h̃u taá náa lolí ngáá Babél̃ɔ, tí hááni wú w̃a, tiyɛ́i tiyá bɛ́lɛ Ngalá ngi lókolongɔ ti wa ngáá ngi vóngaa. Ní híya polu w̃ɔ́i Máa bɛ́lɛ lɛí í ngáá ní lóu votó laá bɛ́lɛ nɔ i haaní wú w̃a.