KƆLƆ́SE 3:9 - Kɛ́lɛ Niinaí

⁹ A waa ɣɛ́ wáá ndɛɛ gɔ́ɔ́la ỹɔw̃ɔ́ ỹɔ́w̃ɔ yáá múl̃ɔ bɔw̃álale wú vólu yafénga faa ỹɔ́i sítii kpɛ́lɛɛ mbá ti ɣɛ́ngɔ wú h̃ú.

KƆLƆ́SE 3:9 Iomraidhean Croise

NJƆÚ 8:44

Wá lɔ wú kɛ́ɛ́ɣɛ ndá gákai w̃a lɛ́i í ngáá Ngutuwɔ́ Ỹína Nyɔí, laáva wú lóngɔɔ lé wú híya ngáá ndiivó fái. I séi tɔkula heimai, aa lɔ wɔ́lɔ kélei ngáá nuu váá mɔ́ɔ́. Aa loni tɔɔỹaá vele w̃a sífaa tɔɔỹaá fíli aa laá su. Ná áá ndɛí gɔ́ɔ́la kɛ i bɔwɔ́ híí woí kái káingi lénga sífaa aá lɔ ngáá ndɛɛ w̃ɔ́ɔ́, laá vá tɔ í ngáá kɛɛɣɛí ndɛí kpɛ́lɛɛ fááw̃a.

LÓÓMI 6:6

A mú suuwɔlɔ́ ngáá maa hái gúlangɔɔ lé nɔ́ɔ ngáá kíya a mu ɣɛ́ngɔ maá lɛɛh̃úi h̃uuhíya hése aa mɔ́ɔ h̃íí, hése keleí ná í báhai Jísu wa ti kpákpa kúlɔsii w̃a, í ló na í há. Ná vá ngi ɣɛí kɛinɔɔ́ faa ỹɔu ɣɛ́ síya veleí sí í mu h̃u ngakpá ngálaa mɔ́ɔ́ ɣɛ mbɛ ngáá ɔ́ɔ́ mú wúto kíya nɔ́ɔ taá ndúwɔ lopói wúto,

Ɛ́FƐSƆ 4:22

A bé wú gɛ́ɛ́ háá vɔ́lɔaitii mba sí í ɣɛ́ngɔ wú h̃u ngáá faa ỹɔ́itii hése ngáá sí í ɣɛ́ngɔ wú lói kaka péle w̃a, áá wú ɣɛ́ kíli ỹaaní, wáá tɔ ngáá ndiivo kɛɛ́ le.

Ɛ́FƐSƆ 4:25

Náá hááw̃a, ndɛɛ gɔ́ɔ́landaa aa mɔɔ su. A mu yilá ngíla p̃ɛ́ɛ́ a mu ɣɛ́ ngáá tɔɔỹaá wóó le mbélaa ỹɔw̃ɔ́ ỹɔ́w̃ɔ w̃a bɔw̃álale a mu kpɛ́lɛɛ mu báhangɔɔ lé su Jísu Kílisitii wa.

KƆLƆ́SE 3:8

Kɛ́ a lokogúla náá faa ỹɔ́i sítii kpɛ́lɛɛ su. Na wáá ngáá, tuu wondái, ndiibándii ɛ́ɣɛ sílimai. Wálaa ɣɛ́ wáá ngɛɛli píli ɔ́ɔ́ ngoo ỹɔ́u fíli álaa gúla wú lá.

TÍMOTI HESENDAA GƆLƆÍ 1:10

Ná vólu, savaí lɔ́ ná kɔlɔsiyá mbélaitii faaw̃a ɛ́ɣɛ siỹɛngái sítii taa hítɛ ti mbála h̃iỹɛngáitii pólu ɛ́ɣɛ nyah̃ái sítii taa hítɛ ti mbála ỹah̃áitii pólu, ɛ́ɣɛ sítii taá nungái maahíya ngáá ndúwɔ lopó taa sítii taá ndɛɛ gɔ́ɔ́la, ɛ́ɣɛ sítii taá ndɛɛ hééle wóó le ɔɔ sítii taá faí sítii kɛ tɛi ɣɛ́ péle w̃a Ngalá kalambongí w̃áa véle w̃a, ná wáá ngáá, tɔɔỹaá gálambongi.

FAA YÁKƐ KƆ́LƆI 21:27

Sí fíli faa ỹɔ́u vóngi í mba, ɛi li taa walái ná h̃u. Ngufe tála haa ɣɛ́ mbélaa ɛ́ɣɛ ndɛɛ gɔ́ɔ́la mbélaa tɛ́i li taa walái ná h̃u. Sítii nɔ́ɔ léi táá vá liimá taa walái ná h̃u, aa ɣɛ ngáá sítii tí laahéingi vɔ́nɛngɔ kúnafɔ lɛ́ɛh̃u gɔ́lɔi h̃u í Mbáálai hááw̃a.

FAA YÁKƐ KƆ́LƆI 21:8

Kɛ́ sítii nduwá ndúwa ngáá ɣɛ́ tí h̃u Ngala fáá ɣɛndái h̃u, sítii taa lá ngáá Ngalá kɛ́ tɛ́i ndí ngu ma taa sítii taa híɣe Ngala péle giteí wa í báha sítii mba ti ngáá nuu váá mbélaa ɛ́ɣɛ kɔlɔsiyá mbélaa taa súkɛ yélaitii ɛ́ɣɛ kɔɔ kɔɔ́ ŋani hɛ́li mbélaitii taá ndɛ́ɛ yélai ti kpɛ́lɛɛ ti lííw̃ai waá ngáá ngɔmbu hó ngwálai h̃u ngɛ́i w̃ááku nyɔu ỹɔungí áá w̃ɔ́ ngwala kíya fukú í na i su. Saí helé kélei wómai va mil̃á.”

FAA YÁKƐ KƆ́LƆI 22:15

Kɛ́ sítii ti ngáá nyaama yélaitii ɛ́ɣɛ súkɛ gúla mbélaitii taa kɔlɔsiyá mbélaitii ɛ́ɣɛ nuu váa mbélaitii ɛ́ɣɛ sítii taá kɔɔ kɔɔ́ ŋániitii fɛ́li ɛ́ɣɛ sítii ti longɔ ngáá ndɛɛ gɔ́ɔ́landai, tɛí lí taa walái ná h̃u kúnafɔ.