KƆLƆ́SE 3:8 - Kɛ́lɛ Niinaí

⁸ Kɛ́ a lokogúla náá faa ỹɔ́i sítii kpɛ́lɛɛ su. Na wáá ngáá, tuu wondái, ndiibándii ɛ́ɣɛ sílimai. Wálaa ɣɛ́ wáá ngɛɛli píli ɔ́ɔ́ ngoo ỹɔ́u fíli álaa gúla wú lá.

KƆLƆ́SE 3:8 Iomraidhean Croise

MÁFIYU 5:22

Kɛ́ nyá lɔɔ́ nde náa wú w̃á ngáá, nuí fíli tuungɔ́ áá ɣɛ́ la ngi mbálai yaá, taá vá ngáá maa w̃ɔ́i kóótii h̃u. Nuí fíli pá áá ngí mbála yɛɛlí, taá vá ngáá maa w̃ɔ́i kóóti walaí h̃u. Ná vólu, nuí fíli áá ɣɛ́ ngi mbála w̃a, ‘Ngambalámba w̃ɔ́ɔ́ waa ngáá í ye!’ Ná áá kɛ ngáá háwu Ngalá ngí maa w̃ɔ́i lɔ́ve njahááma wɔ́mbui h̃u.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 7:22

í núngaa yáa wɔ́li mɔní ɣɛ́, í túva velé ỹɔ́u wo, í nungáá vɛ́lɛ, í tóloma gúla, í maaboo ngoo le kɔwɔ́ato nungáá véka wa, í suuwɔɔlɔ́ gúla, ɛ́ɣɛ í kútɔ túva wo.

LÓÓMI 13:13

Faalɔ, wú híya veléitii ti ɣɛ́ péle w̃a kíya nɔ́ɔ nungáá taa ɣɛ́ na taa ɣɛ́ ngelewóngi h̃u. Wálaa ɣɛ́ wáá lí kooh̃unɛ́ɛ́ lááỹɛ mbo máá wala walaítii kɔlɔsiyá faa áá ɣɛ́ ná kɛlaa wɔ́ɔ́ ɣɛ́ ndɔɔ hóu h̃u. Wálaa ɣɛ́ kɔ́lɔsiya su ɔɔ njɔlɔ haáni. Wálaa ɣɛ́ kpɔɔlɔ́ laa wú kɛlaa tolóma h̃u.

KƆ́L̃E HESENDAA GƆLƆÍ 3:3

bɔw̃álale wá lɔ nɛ́nɛ ngáá ngeleí sí wú yélaitii kɛ kíli. Tolómai ɛ́ɣɛ kpɔɔlɔ kpɔɔlɔ́ngi taá ɣɛ́ wú lówah̃u, aáva ná vá tɔ áá ngakɛ́ ngáá kɛ wá lɔ́ nɛ́nɛ ngáá ngeleí sí wu yélai kɛ kíli.

KƆ́L̃E GƆ́LƆI HELE KÉLEI 12:20

Maa gísiya lɔ́ má ngáá ná ngáá vá tɛingaa ngɛ́i wú w̃áále wɔ́ɔ́ ɣɛ́ kíya ndóngɔ wú ɣɛ́ na, aáva wɔ́i tɔ́ ngɔ́ɔ́ ɣɛ́ kíya wú lóngɔ ngí ɣɛ́ na. Nyá lɔɔ gisíya ngáá ná ngáá vá, ngáá kpɔɔlɔ́ w̃áále wú lííwaa ɛ́ɣɛ tolóma ɛ́ɣɛ ndiibandí ɛ́ɣɛ maalií ɛ́ɣɛ ngɛɛlí ɛ́ɣɛ njɛpɛ mba ɛ́ɣɛ ndiiwɔɔlɔ́ ɛ́ɣɛ ngoo ya fahá.

GALÉSIYA 5:15

Kɛ́ ná wú lúva gilíí áá ɣɛ́ ngáá kíya ndɔbɔ huwáitii tí na, wáá bɔwɔ́ lúwu yá fúúlɛ, wáá ỹanda héi heí ỹɔw̃ɔ́ ỹɔ́w̃ɔ wa, kɛ ná wáá ɣɛ́ wáá fái sítii kɛ, kɛ́ a nda gi sú ngáá kɛ wá lɔ́ɔ vá bɔ́wɔ háá h̃uu ỹáánima pɔ́lɛɣɛ pɔ́lɛɣɛ.

GALÉSIYA 5:20

Ná vólu, kɔɔ kɔɔ́ ŋániaitii fɛ́lindai nungáá táa ti yeɣé ngáá ngalángaa ɛ́ɣɛ kala ndoolí wóndai. Ná vólu, silíí ngáá ỹɔw̃ɔ́ ỹɔ́w̃ɔ, ɛ́ɣɛ ndaahasái ɛ́ɣɛ tolómai, ndiiyatɛtɛ́i ɛ́ɣɛ ndiíkooya háá wálai. Ná vólu, ngasolángi ɛ́ɣɛ kɔlɛ wɔlɛ suí ngáá kuuwu kuuwú.

GALÉSIYA 5:26

A mu h̃úú álaa ɣɛ́ wɔ́ɔ́lɔ. Ná vólu, a málaa bɔwɔ́ báálɛ mba hááni kɛ, kɛlaa mɔɔ ɣɛ́ máá tóloma ngúla ngáá ỹɔw̃ɔ́ ỹɔ́w̃ɔ.

Ɛ́FƐSƆ 4:22

A bé wú gɛ́ɛ́ háá vɔ́lɔaitii mba sí í ɣɛ́ngɔ wú h̃u ngáá faa ỹɔ́itii hése ngáá sí í ɣɛ́ngɔ wú lói kaka péle w̃a, áá wú ɣɛ́ kíli ỹaaní, wáá tɔ ngáá ndiivo kɛɛ́ le.

Ɛ́FƐSƆ 4:25

Náá hááw̃a, ndɛɛ gɔ́ɔ́landaa aa mɔɔ su. A mu yilá ngíla p̃ɛ́ɛ́ a mu ɣɛ́ ngáá tɔɔỹaá wóó le mbélaa ỹɔw̃ɔ́ ỹɔ́w̃ɔ w̃a bɔw̃álale a mu kpɛ́lɛɛ mu báhangɔɔ lé su Jísu Kílisitii wa.

Ɛ́FƐSƆ 4:26

Ná wáá lúu, waa kɛ wú líí ỹɔi ɔ́ɔ́ kɛ wɔ́ɔ́ faa ỹɔ́u ɣɛ. Wálaa lúva túi ná h̃u.

Ɛ́FƐSƆ 4:29

Ngoo ỹɔ́u ỹɔ́u álaa ɣɛ́ áá gúla wú la. Wú láá wóitii ti ɣɛ́ ngáá ngoo vánda vándaa táingi fíli ma ngáá sítii taá mɛ́ni, í tí gúla faa h̃u.

Ɛ́FƐSƆ 5:4

Aa pele w̃a ngáá ngufe tála woo ɔɔ tamál̃a ngóó ɔ́ɔ́ ɣɛ́ áá gúla wú lá kɛlaa seemɔɔ woo kɔwɔ́ato nyah̃áa taa siỹɛ fáa wa, kɛ́ laá ɣele, a waayaa sɛ́ɣɛɛ gula Ngalá má.

KƆLƆ́SE 3:5

Sítii kínɛi tí wú h̃u ngáá faa ỹɔ́itii ngeleí sí wu, a vólu yafé ti kpɛ́lɛɛ mbá. Ná wáá ngáá, kɔlɔsiyá fáitii ɔɔ njeé sína w̃áa lúva wóndaitii ɔɔ nyah̃á w̃ɔ́nini ngaa siỹɛ mɔ́ni táá víli nuu líí vólu ɔɔ nyaama gúla mɔní ɔɔ mɔ́ni mɔ́ningi. Kɛ ngimɔ́ɔ́ nɔ́ɔ nuí fíli áá nungáá yáá wɔ́li kɛ ngáá liivó ngwála kɛ náá w̃ɔ́i ndá yála mil̃a.

KƆLƆ́SE 3:9

A waa ɣɛ́ wáá ndɛɛ gɔ́ɔ́la ỹɔw̃ɔ́ ỹɔ́w̃ɔ yáá múl̃ɔ bɔw̃álale wú vólu yafénga faa ỹɔ́i sítii kpɛ́lɛɛ mbá ti ɣɛ́ngɔ wú h̃ú.

TÍMOTI HESENDAA GƆLƆÍ 1:13

I ná ɣɛ́ngɔ mbɛ́ kíya bɛ́lɛ ngɔ́ɔ́ ngoo ỹɔ́u ỹɔ́u nde kɔwɔ́ato Jísu wa, ngí faa bá ndá ma, ngí ngɛ́ɛ́li, kɛ́ Ngalángi mááw̃aanu hóuni bɔw̃álale ngáá ɣɛ́i nɛ́nɛ laí ngáá Jísu aáva ngáá ɣɛ́i kɔ́lɔ ngáá faa ỹɔ́u lɔ́ ngí ɣɛ́i ngáá kɛ.

TÍMOTI HESENDAA GƆLƆÍ 1:20

Maa yélaitii suu vá, nuu félengɔ lɔ́ na taa ɣɛ́ ti w̃a Hamɛ́neeyɔ ɛ́ɣɛ Alɛsáánda tiyɛ́i ngí tí lókolevenga Setána w̃a kɛinɔɔ́ tí w̃áánɔw̃ɔ, ná ná áá ɣɛ́, taá kálambo mááhɔlɔ ti bé yɛ́pɛma ỹɔ́u Ngalá mba.

HÍBULU 12:1

Nungáá bíh̃i bih̃ingí sítii ti híya veléi ɛ́ɣɛ ti gɛ́ɛ́ haítii tɔ taá ngákɛ ngáá mu ye ngáá sí í ngáá ndangí. Faalɔ, a mú bé fái sítii mba taá kɛ́ ngáá háwu sí kule í mú w̃a mú kɛ a mɔí kɛ, ná vólu, faa ỹɔ́u ɣɛ́ndai lɛ́i ɛ́i lómbiya víli mu gɔwɔ́ h̃u. Kɛ́ áa ɣéle, Ngalángi yéngengi í mú wutúwɔ a mú mbó ngáá lií kpɛ́lɛɛ kpɛ́lɛɛ.

JIMISÍ 2:7

Kɛ́mbɛ tiyá lɔ nɔ́ɔ múl̃ɔ taá ndaaheí sínai ná ỹááni wú lókolangɔi ma, kɛ́lɛi?

PÍTƐ HESENDAA GƆLƆÍ 2:1

Ná ná áá ɣɛ, a bé naá nyaama haa ɣɛndái kpɛ́lɛɛ mbá ɛ́ɣɛ ndɛɛ gɔ́ɔ́landaitii ɛ́ɣɛ fáa lándai wa yaah̃ú kɛ́ ɛi ɣɛ wú líí h̃u. Ná vólu, a bé náa tólomai wa ɛ́ɣɛ ngoo ỹɔ́u léndai nungáá vékaa w̃a.

PÍTƐ GƆ́LƆI HELE KÉLEI 2:18

Ti yónga tevéndai kele ɣelé kíte ɛi ɣɛ́ su. Ndiivo kɛɛ́ ỹɔ́u ỹɔungáitii taa ɣɛ su ngáá lúwui, laá lɔ́ taá nungáitii píli lá faa ỹɔ́u ɣɛ́ndai h̃u. Ná wáá ngáá, nungái sítiini taa ɣɛ́ nɔ́ɔ taá gɔ́wɔ gúla ngáá niina nungái sítiini ndiiwáá ti lɔ́ngɔ ti ɣɛ́ngɔ faa ỹɔ́i h̃u taá tiyéni.

PÍTƐ GƆ́LƆI HELE KÉLEI 2:7

Nuí léi í maaɣawóni i ɣɛi ngáá siỹɛndópoi sí tɔ́ɔ ɣɛ́ ma Lɔ́ti. Lɔ́ti i ɣɛi ngáá tuva velé vánda w̃ɔɔ, laáva ndiiỹááningɔ í ɣɛi lá kɔwɔ́ato njɔlɔ háitii mba nyaama yélai nátii ti ɣɛ́i su taa walá wálai nátii su.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:13

Ngufe tálai í ti h̃u kɛɛlɛ́ ngáá mba kíya nɔ́ɔ njɛí áá ɣɛ́ áá lúndɛ ngí húúlengi áá lɛ́nga. Ti gúlangɔɔ lé ngáá temúleɣai áá ɣɛ́ káka su, Ngalá ngáá ɣɛ ỹanda bátɛni mbɛ kpindí wála h̃u áá ɣɛ́ na kúnafɔ.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:8

Nungái sítii ti vílinga wú gúúwui h̃u taa híya ngáá ti h̃íŋal̃aitii taá mbó, ná vá tɔ áá tí ɣɛ kíli ỹaaní kíya nɔ́ɔ í ɣɛ́i ngáá nátii ngí yɛ́pɛngɔ ti wa. Tɛ́i Ngala tɔ yaah̃ú kulo bɛ́lɛ, ná vólu, taá ngelegóóh̃u w̃álekaitii suuhaláta.

FAA YÁKƐ KƆ́LƆI 16:9

Folo lúye nduyengí wála bandingɔ́ i ɣɛi lá í pɛ́lɛ nungáitii mɔ́ma ngáá suulɔ́vengɔ. Nungái sítii tí pɛ́lɛ Ngalá ngɛ́ɛ́lima, lɛ́i ngakpá ngí ngeyá faa bámai sítii mááh̃u. Kɛ́ taá kɛi tɔɔ bé tí háá ỹɔítii mba tɔɔ́ Ngalá ndaaw̃áálɛ.