Wú lúva veléi i ɣɛngɔ ỹɔu kíya nɔ́ɔ ngeleí sí wuu yélai ti lúva véle ỹɔu ỹɔungí tí na. Lɛ́i í ỹína nyɔítii maah̃u ngelewu, wú gólongɔ i ɣɛngɔ la mbu lɛ́i mɔ́ɔ í sítii maah̃u taá kólo lálai gúla ngáá Ngalá.
Muỹá bɛ́lɛ mu ɣɛ́i wɔ́lɔ ngáá tamál̃aa mbélaa ɛ́ɣɛ kolo lála yélaa hése ɛ́ɣɛ mú yakpolowangɔ. Muỹá bɛ́lɛ mu ɣɛ́i kíya nduwɔá taa ɣɛ́ na ndiivo kɛ́i híí kpɛ́lɛɛ su ɛ́ɣɛ mu ɣɛ́i ngáá nyaama yélaa mu lólomangɔ, ná vólu, mu hilímangɔ, nungáá bɛ́lɛ tí hílingɔ ngáá mu ye.