KƆLƆ́SE 3:4 - Kɛ́lɛ Niinaí

⁴ Ná wáá ɣɛ́ lói wú ló ndɛɛh̃ú gítei h̃u, kɛ wáá ɣɛ́ wáá yénge Kílisitii yɛ́. Aáva ná Kílisitii áá vá volú múl̃ɔ ngeleí sí wu, wá bɛ́lɛ nɔ́ wáá ɣɛ́ náá mba ngi yákpa maanɛɛnɛɛngí h̃u.

KƆLƆ́SE 3:4 Iomraidhean Croise

MÁFIYU 13:43

Ná ná áá ɣɛ́, sítii ti ngáá telembo mbélaa Ngala ngaah̃ú, taá ɣɛ́ taa hólo kíya folói í ná ti Kɛ́ɛ́ɣɛ Ngalángi w̃ásandai h̃u. Nuí fíli faa ỹɛ́ni ngóli áá ɣɛ́ ngu mba, í faí sí yéɣe ngáá hɛmbɛ́ fíli.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 17:30

Ngimɔ́ɔ́ jɔ́ áa vá ɣɛmá folói sí w̃a Ngalá ngáá va Nuu Búsa Goo H̃ú Loí ɣɛma ngáá nuu kpɛ́lɛɛ ti tɔ.”

NJƆÚ 11:25

Kɛ Jísu i mɔɔ ɣɛa ma, “Nyá lɔ́ ngáá nungái mbuyoɣé saí h̃u ɛ́ɣɛ nyá lɔ́ ngaa ndɛɛh̃u gítei hé. Nuí fíli áá la ngáá ngé, maa w̃ɔ́i aa ɣɛ ndɛɛh̃ú gítei h̃u, ɔ́ɔ́ bɔ́ɔ́ ha bɛ́lɛ ngeleí sí wu.

NJƆÚ 14:3

Aáva ná ngáá ɣɛ́ lii, ngí ỹandá ɣɛ kíli batɛ́ wú yɛ, ngáá mɔ́ɔ yangáima náá ngáá ngí wú yéɣe wú ɣɛ́ ndóów̃a. Mbéi fíli pá ngáá ɣɛ́ na, naa lɔ náá wá bɛ́lɛ wáá ɣɛ́ na.

NJƆÚ 14:6

Kɛ Jísu i ngoo yápotenga, i ɣɛ ma, “Nyá lɔ́ ngí ngáá peleí. Nyá lɔ́ ngáá tɔɔỹái ɣɛ ngáá nuu kɔwɔ́ato Ngalá mba. Nyá lɔ́ ngáá ndɛ́ɛ́h̃u gítei hé. Nuu fíli ɛi li Kɛɛɣɛí Ngalá ngelé kɛ léi máávele w̃á.”

NJƆÚ 17:24

Kɛɛɣɛ́, ndóngɔɔ lé pólu yélai sítii yí ti hengɔ́ ngéya ti ɣɛ́ mbéi ngí na, kɛinɔɔ́ ti ní wúfema walaí lɔ, ngufema wálai sí í héngɔ mbɛ́ sífaa, yí lóngɔ ngáá ngé p̃ɛ́ɛ́ ngetéyangi ɔ́ɔ́ ɣɛ́a batɛ́.

NJƆÚ 20:31

Kɛ́ sítii pɔ́nɛngɔɔ lé nɔ́ɔ ngáá wú lá lá ngáá Jísu lɔ í ngáá Ngalángi Lokoló Mbá W̃ɔ́i lɛ́i í ngáa Ngalángi H̃íỹɛndou Loí. Aáva ná ndángi ná áá ɣɛ wú h̃u, wáá ndɛ́ɛ́h̃u gítei w̃aahɔ́lɔ laá máa véle w̃a.

TI GƐ́Ɛ́ HAÍTII 3:15

Wú ndɛɛh̃ú he mɔ́i vááni, kɛ́ Ngalá ngí mbuyoɣéni sái h̃u. Niỹá vá tɔ ni ngáá faí sí w̃aa héélea.

LÓÓMI 8:18

Ndángɔɔ lé lá gíte ngáá maanɔw̃ɔ́i náá a máá híya sú nuu ɛ́i suw̃á p̃ɛ́ɛ́ ngakpá máánɛɛnɛɛngi w̃a a máá vá suulɔmá kúna.

LÓÓMI 8:19

Seímil̃a p̃ɛ́ɛ́, Ngalángi bátɛ wɔlingái kpɛ́lɛɛ tiyá lɔ́ɔ́ naa w̃áálɛlɛ nɔ́ɔ ngáá ndiihíka híka ngáá tí náá lɔ ngáá elení tɔ́ ti ngáá Ngalángi léngaitii.

KƆ́L̃E HESENDAA GƆLƆÍ 1:7

Náa hááw̃a, Ngalángi nɛ́ɛ́mai ta fíli álaa lɔ́ve wú w̃á ná wáá naa w̃áálɛlɛ gɛ́lɛ gɛlɛ ngáá Ndemɔí Jísu Kílisitii í vá vólu.

KƆ́L̃E HESENDAA GƆLƆÍ 15:43

Ná táa kpɔlú nyɔúngɔ áá ɣɛ lá njɔ njɔngɔ́. Kɛ́ ná Ngalá ngáá mbuyoɣé sái h̃u, pangɔ́ áá ɣɛ lá ngwala aáva suubangɔ́.

KƆ́L̃E GƆ́LƆI HELE KÉLEI 4:17

Faa bɔ́lunda gúlo guloái sítii táa vá ma lɛ́mbi má múwaa w̃áánɔw̃ɔ ti wu taa kɛ ngáá háwu mú ŋáni ta w̃ááhɔlɔ mbɔɔlɔngɔ́ ngwala lɛ́i áá ló mu yaá kúnafɔ fááw̃a.

GALÉSIYA 2:20

aáva ngáá mɔ́ɔ ndɛɛh̃ú h̃u bɔwɔ́ hááw̃a kɛ́ Kílisitii lɔ́ náa ngí su faaw̃a. Ndɛɛh̃úi sí ngí su náa sí h̃úi, nyá lɔ su ndangí w̃aa véle w̃a ngí su ngáá Ngalángi H̃íỹɛndou Lói lɛ́i í longɔ́ ngáá ngé í lɛ́ɛ́h̃ui gúla kɛlɛ́ma fááw̃a.

FÉLEPA 3:21

lɛ́i ngakpángi í ngeyá áá kɛ ngáá háwu ŋani kpɛ́lɛɛ í ɣɛ laá ngi léhei wu. Mu luwúi sítii taa ỹááni aa ti w̃áálovi ngáá maa yákpangi ná í ngeyá tí ɣɛ ngáá ngi ndá lúwui w̃aanɛɛ ngwalaí ɣɛ́ kíli.

TƐSALÓNIKA HESENDAA GƆLƆÍ 4:17

Muỹɛ́i va a maa ɣɛ́ nɛ́nɛ ndɛɛh̃úi h̃u, a muỹɛ́ bɛ́lɛ a maá lɛ́ náa mu lɔ́ngɔ mu báha ti wa ngáá a mú Ndemɔí Jísu laaw̃ɛ́ɛ́ ngeleí ya. Aáva ngimɔ́ɔ́ náa a maa ɣɛ́ na Ndemɔí Jísu yelé kúnafɔ.

TÍMOTI HESENDAA GƆLƆÍ 6:14

Maa háitii mbaa ngáá, yí fái sítii kɛ ngáá pangɔ́ ɛ́ɣɛ tɔmbema w̃áá fíli álaa ɣɛ í wá faa fíli su í ló su bɛ́lɛ a mu Lemɔ́i Jísu Kílisitii í va.

TÍMOTI GƆ́LƆI HELE KÉLEI 1:1

Nyɛ́i ngí ngáá Pɔ́ɔ, nyá lɔ ngáá Jísu Kílisitii gééla áá gúla Ngalángi háá h̃uubatɛ su. Ngalá ngí tɔ́vengɔ ngáá ngí ngi gúúlongi sí w̃áá heehé wo kɔwɔ́ato ndɛɛh̃úi sí wá a mu su kpahái wa a mú su Jísu Kílisitii wa.

TÍMOTI GƆ́LƆI HELE KÉLEI 4:8

Ná hááw̃a, Ngala ngí ní w̃aaỹángi yandɔ́ɔ́lɔngɔ, ná wáá ngáá, maaỹángi nuu áá mááhɔlɔ telembo pólu véle h̃u. Ndemɔí Jísu lɛ́i i ngáá Telembo Kɔ́sɔ Mɔ́i, áá fé ngéya Ngala Kɔsɔ́ Foloí w̃a ɛ́ɣɛ sítii kpɛ́lɛɛ ti yaah̃ú áá ɣɛ tuwɔ aáva ti góóh̃unɛɛngɔ ngáá paalaí.

TÁITƆ 2:13

A maá ɣɛ́ maa sítii kɛ ná nɛ́nɛ múwaa kooh̃unɛ́ɛ́ hóloi sí w̃áálɛlɛ í ngáá mu gítomai. Ná wáá ngáá, fóloi sí mu Yála ngwalaí Jísu Kílisitii lɛ́i í ngáá mu Wumááwo Mɔ́i áá vá ngi yákpa maanɛɛnɛɛngí h̃u.

HÍBULU 9:28

ngimɔ́ɔ́ nɔ́ɔ Kílisitii í bɔwɔ́ gúlani ngáá saáɣa naa héiw̃aa í ɣɛ́i yíla kpé ngáá kɛinɔɔ́ í nuu bíh̃iw̃aa ti háá ỹɔítii nguyá ti w̃a. Aá lɔɔ vá vaamá vólu múl̃ɔ kɛ́ sí h̃úi ɛi mɔɔ ɣɛ ngáá faa ỹɔ́u wúya fáá nuu w̃a, kɛ́ aá ɣéle, aá lɔɔ vá naá sí h̃úi ngáá í sítii ngumááwo tí yaah̃ú í túwɔ.

PÍTƐ HESENDAA GƆLƆÍ 1:13

Náá hááw̃a, a héi gilí bátɛ ngáá wú gí maitii ti ɣɛ́ Ngala fáitii kɛ fááw̃a, wálaa lééw̃a, ná vólu, wú gítomai kpɛ́lɛɛ í ɣɛ́ nɔɔ́ náa Ngalángi háá bɔwɔí sí wa í ngeyá wú hááw̃a. Wá lɔɔ vá maahɔ́lɔma ngeyá ná h̃u Jísu Kílisitii íwaa vá yangáimama ngeleí sí wu.

PÍTƐ HESENDAA GƆLƆÍ 5:4

Kílisitii lɛ́i ngi háá gulangɔ́ ngáá mbaala w̃ááh̃u béle mbélaa ti wutúwɔɔ w̃ɔ́ɔ́ wala, ná áá ɣɛ yangáimai, aa maaỹa pandá wala he náá wú yáa lɛ́i kúnafɔ ngaah̃ú ɛ́i gúla mba.

NJƆÚ HESENDAA GƆLƆÍ 2:28

Wɛ́i wu ngáá ndengáitii ndóngɔ ngáá wú yé, a ló kpáhai h̃u wú su mba kɛinɔɔ́ ná áá vá, nduwá álaa ɣɛ́ wú h̃u foloí ná w̃a áá va vááma ma ngáá wɔ́i mɔ́ɔ lo yaah̃ú lɔ́ɔ́wuma mba ngufé su maa hóloi ná w̃a.

NJƆÚ HESENDAA GƆLƆÍ 3:2

Mu mbála vandáitii, a muỹá lɔ́ náá ngáá Ngalángi léngaa kɛ́ kíya máá vá ɣɛmá, nga ngáá nɛ́ɛ́ kpál̃au. Kɛ́ aáva a mú kɔ́lɔ ngáá ná Jísu Kílisitii áá vá a maá ɣɛ́ ngáá kɛ kíli bɔw̃álale a maá tɔ kíya gíte í na.

NJƆÚ HESENDAA GƆLƆÍ 5:12

Nuí fíli taá Ngalángi H̃íỹɛndou Loí ti háá áá ɣɛ́ su yíla, kɛ maa w̃ɔ́i lɔ náa kúnafɔ lɛ́ɛ́h̃ui h̃u, kɛ́ nuí fíli taá Ngalángi H̃íỹɛndou Loí ti háá ɛ́i ɣɛ su yíla, kɛ maa w̃ɔ́i aa kúnafɔ lɛ́ɛ́h̃ui h̃u.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:24

A mú mu Yála ngiláá kpéngi lɛ lɛ́i í ngáá mu Wúmaawo Mɔ́i! Aa kɛ ngáá háwu a mɔ́i gúla ngi hái h̃u, aáva a mu w̃ááw̃uỹangɔ aa ɣɛ lá fó faa ỹɔ́i yáa, ná vólu, mu ɣɛ́ kooh̃unɛɛ h̃u ndoow̃á ngi háá w̃aanɛɛnɛɛ ngwalaí h̃u. A mu Lemɔ́i Jísu Kílisitii w̃aa véle w̃a, bɛlɛ́ ndaaw̃áá í lɛ, ngufema í ɣɛ́ mbɛ, ná vólu, bɛlɛ́ ngi háá w̃aanɛɛnɛɛ ngwalaí, ngi yákpangi, ɛ́ɣɛ ngi w̃ásandaa walaí tí ɣɛ́i na wɔ́lɔ aáva tí na sí h̃úi, ti ɣɛ na kúnafɔ! Amíína.

FAA YÁKƐ KƆ́LƆI 2:7

Nuí faá ỹɛ́ni ngóli áá ɣɛ́ í wú mba, kɛ wolílo sí w̃á Hɛ́ɛ́ma Ỹínangi áá nde Ngala fɛ́li mbélaitii ma! Wɛ́i wú ndái áa ndoma, ngáá lúw̃ama wú lí Ngalangí bélei h̃ú wú ngulú wángi sí ta ỹɛ áá nuu wɔ́ ngáá kúnafɔ lɛ́ɛ́h̃ui.’ ”

FAA YÁKƐ KƆ́LƆI 22:1

Malékai í mɔ́ɔ ndɛɛh̃ú w̃ááhɔlɔ njɛ́ wálai ɣɛ́i ngáá ngé ngaséɣengɔ kpál̃au kíya nɔ́ɔ mɛl̃ɛ mɛl̃ɛ í na. Njɛí sí i ɣɛi áá gúla mbéi Ngála ɛ́ɣɛ Mbaalaí ti w̃ása kpɔkpɔngí í na.

FAA YÁKƐ KƆ́LƆI 22:14

Aá lɔ́ ngáá faa vánda sítii faaw̃a ti ɣɛ kíli gulangɔ́ ngáá kíya nungáá taa w̃áá gúla wúya fó. Tiyá vá tɔ naa gúlangɔ kɛ́lɛma ti yɛ ngáá tí ngúlu wángi sí ỹɛ áá ndɛ́ɛ́h̃u gítei hé, ná vólu, ti wála sasaí lá tí lí taa walái h̃u.