KƆLƆ́SE 3:3 - Kɛ́lɛ Niinaí

³ Kulangɔ́ɔ́ lé nɔ́ɔ ngáá kɛ wú háángɔɔ lé, kɛ́ Kílisitii i wú lɛ́ɛ́h̃ui yandɔ́ɔ́lɔngɔ Ngala ngéle.

KƆLƆ́SE 3:3 Iomraidhean Croise

MÁFIYU 11:25

Táingi ná w̃a kínɛi, kɛ Jísu i ɣɛa ta, “Kɛɛɣɛ́ Ngalá, yɛ́i yí ngáá Ndemɔí faa kpɛ́lɛɛ mááh̃u ngelewu, ngí sɛ́ɣɛɛ gula í w̃a bɔw̃álale yí fái sítii ndɔɔwungá nungái sítii mba ti gi máá gúlangɔ ɛ́ɣɛ sítiini tí faa gálangɔ, kɛ́ yí ngakɛ́ngɔ kpál̃au ngáá sítii taá faa gálangɔ.

NJƆÚ 14:19

Suu áá mɔ́ɔ́ gooh̃á nungáá vekáitii tí ngélei sí wu tɛí mɔɔ tɔ́ kpósouŋ, kɛ́ wá, wá lɔɔ vá tɔ́ma múl̃ɔ. Aáva sífaa ngáá va ɣɛmá múl̃ɔ ndɛɛh̃úi h̃u, náá hááw̃a, wá bɛ́lɛ wáá ɣɛ́ ndɛɛh̃úi h̃u.

NJƆÚ 3:16

Sífaa, Ngalá ndóngɔ ngáá nuu búsai ngwala ná lɔ́ í kɛ́ni í ngi H̃íỹɛndou Lou yiláá kpéngi lɔ́veni ngáá nuí fíli áá lá ngáá ngi H̃íỹɛndou Loí ɛi saa w̃ááhɔlɔ kɛ́ aa kúnafɔ lɛ́ɛ́h̃ui w̃ááhɔlɔ.

NJƆÚ 4:14

Kɛ́ nuí fíli áá njɛí sí bɔ́le ngáá fe ngeyá, njɛ w̃ɔní ɛi mɔɔ maa w̃ɔ́i hóu kúnafɔ, laáva aa kúnafɔ lɛ́ɛ́h̃ui he mbɛ. Tɔɔỹáá hááw̃a njɛí sí ngáá fé maa w̃ɔ́i yaá aa ɣɛ maa w̃ɔ́i h̃u ngáá njɛí sí ɣɛ kíli áá gúla ndɔwɔlɔ́i wu púi púi.”

NJƆÚ 5:21

Kíya nɔ́ɔ Kɛɛɣɛí Ngalá áá nungái mbuyoɣé saí h̃u, i ndɛɛh̃úi vú ti h̃u, ngimɔ́ɔ́ nɔ́ɔ ngi H̃íỹɛndou Loí bɛ́lɛ áá ndɛɛh̃úi vú sítii su táá ndiivó ngáá í pú ti h̃u.

NJƆÚ 5:24

Í mɔ́ɔ́ ɣɛi ti w̃a, “Ngí tɔɔỹái lé wú w̃a, nuí fíli áá ni gééla woí sítii mɛ́ni í gólo ti wu, í lá ngáá Ngalá lɛ́i i tɔ́vengɔ, kɛ kúnafɔ lɛ́ɛ́h̃ui lɔ́ maa w̃ɔ́ɔ́ haaw̃a. Aáva Ngalángi gɔ́sɔ ngɛi ɣɛ maa w̃ɔ́i w̃a, kɛ́ aá ɣéle, i lɔvengá náa kúnafɔ saí w̃a í li kúnafɔ lɛ́ɛ́h̃ui h̃u.

NJƆÚ 5:40

Kɛ́ ná fíli su, wáá lói wɔ́ɔ́ va ngéle wɔ́ɔ́ kúnafɔ lɛ́ɛ́h̃ui w̃aahɔ́lɔ.

LÓÓMI 5:10

A mu ɣɛ́ngɔ ngáá Ngalá mbaahílima yélaa. Kɛ́ sái w̃áá véle w̃a ngi H̃íỹɛndou Loí Jísu Kílisitii í mbóni a mu haáw̃a, i mú lówah̃u bátɛnga maá Ngalá. Ná áá ɣéle a mu lówah̃u batɛ́ngɔ maá Ngála, mu wumááwongɔɔ lé kpésekele ndɛɛh̃úi w̃aa véle w̃a Kílisitii í su.

LÓÓMI 5:21

Faalɔ, kíya nɔ́ɔ faa ỹɔ́i aa ngí yákpangi yaah̃ú ɣɛ́ sái w̃áá véle w̃á, ngimɔ́ɔ́ nɔ́ɔ Ngalángi haa bɔwɔí áá ngi yákpangi yaah̃ú ɣɛ́ telembongí w̃áá véle w̃a lɛ́i áá kɛ ngáá háwu nuu áá kúnafɔ lɛ́ɛ́h̃ui w̃ááhɔlɔ a mú Lemɔ́i Jísu Kílisitii w̃áá véle w̃a.

LÓÓMI 6:11

Ngimɔ́ɔ́ nɔ́ɔ wá bɛ́lɛ nɔ́ kule í ma wú bɔ́wɔ yéɣe ngáá kíya nɔ́ɔ nuu áá ɣɛ́ ná saangɔ́ áá ɣɛ́ la, faa ỹɔ́u yákpa ngɛi mɔɔ ɣɛ wú w̃ááh̃u. Kɛ́ wú ɣɛ kíli i ɣɛ́ ngáá nuu áá ɣɛ ndɛɛh̃ú h̃u Ngalá fááw̃a kpahái wa wáá ɣɛ́ su Jísu Kílisitii wa.

LÓÓMI 6:2

Ngalá ngí gílihoo ná w̃a! Aá ɣéle p̃ɛ́ɛ́, maa hái gúlangɔɔ lé nɔ́ɔ́ ngáá kíya nɔ́ɔ nuu áá há í ndá fíli ɛ́i mɔ́ɔ́ ɣɛ faa wá ngeleí sí wu, ngimɔ́ɔ́ nɔ́ɔ a maa bɔ́i faaw̃á maá faa ỹɔ́i. Faalɔ, mɔí mɔ́ɔ́ ɣɛ faa ỹɔ́u ɣɛ́ndaa h̃u.

LÓÓMI 8:2

Hɛ́ɛ́ma Ỹínangi aa kɛ ngáá háwu wú ndɛɛh̃u gítei w̃ááhɔlɔ áá gúla Jísu Kílisitii yaa. Ná vá tɔ áá wú wúmaawo faa ỹɔ́u ɣɛ́ndai yaá ɛ́ɣɛ sái.

KƆ́L̃E HESENDAA GƆLƆÍ 15:45

kíya nɔ́ɔ pɔnɛngɔ Ngalá Kɔ́lɔi h̃u ngáá sí, “Hésendaa nuí Ngala ngi kpatɛí tɔ́ɔ ɣɛ́ ma Ádau, Ngalá ngí kpatɛí, í ndɛɛh̃ú vú su.” Kɛ́ nuí sí taa ɣɛ́ ma Ádau vekaí, aá lɔ í ngáá ndɛɛh̃u gítei he Ỹína pandaí.

KƆ́L̃E HESENDAA GƆLƆÍ 2:14

Nuí fíli Hɛ́ɛ́ma Ỹínangi ɛ́i ɣɛ́ polú, ɛi lokohéi sítii mbu taa gúla Hɛ́ɛ́ma Ỹínangi yaa, sífaa taá ɣɛ ngáá faa ỹááka laá ngeyá. Aáva ɛi ti yatɔ́ mbá sífaa Hɛ́ɛ́ma Ỹínangi ɛi ɣɛ́ polú ɔ́ɔ́ kɛ́ ngáá háwu ɔ́ɔ́ ti yatɔ́ mba.

KƆ́L̃E GƆ́LƆI HELE KÉLEI 5:14

Kílisitii longí lɔ áá mú wú tó sífaa ni langɔ́ɔ́ lé lá ngáá i haangɔ́ núi kpɛ́lɛɛ fááw̃a. Ná ná áá ɣɛ́, kɛ mu kpɛ́lɛɛ tɔ́ mu háángɔ.

KƆ́L̃E GƆ́LƆI HELE KÉLEI 5:7

Kɛ́ ná fíli su, a maá lɛ́ɛ́h̃ui h̃uuhíya ndangí w̃ááh̃u í mu h̃u. Kɛ́ a mu lókolangɔ láá lé sítii ma a maá tɔ ngáá yaah̃ú.

GALÉSIYA 2:20

aáva ngáá mɔ́ɔ ndɛɛh̃ú h̃u bɔwɔ́ hááw̃a kɛ́ Kílisitii lɔ́ náa ngí su faaw̃a. Ndɛɛh̃úi sí ngí su náa sí h̃úi, nyá lɔ su ndangí w̃aa véle w̃a ngí su ngáá Ngalángi H̃íỹɛndou Lói lɛ́i í longɔ́ ngáá ngé í lɛ́ɛ́h̃ui gúla kɛlɛ́ma fááw̃a.

Ɛ́FƐSƆ 3:9

Kule lɔ́ má múl̃ɔ ngí kɛ nuu kpɛ́lɛɛ tí ngátɔ mba kíya Ngalá ngáá vá ngi lɔ́ɔ́wu h̃u hái h̃uu híyama. Ngala, lɛ́i í ngáá ngelegóóh̃u ɛ́ɣɛ ngélewu bátɛ mɔ́i, i ngi lɔ́ɔ́wu h̃ú hái sí lɔ́ɔ́wungɔ nuu kpɛ́lɛɛ mbá wɔ́lɔ

FÉLEPA 4:7

Ná ná áá ɣɛ́, Ngalángi lííhei sí nuu fíli ɛ́i ngatɔ́ mba aa kɛ ngáá háwu ndiihɛlɛ́ ngɛ́i ɣɛ́ wú líítii su kɛlaa kisíya ɔ́ɔ́ víli wú w̃a. Ná va ngáá ɣɛ wú báha gilíi wa Jísu Kílisitii wa.

KƆLƆ́SE 1:5

Táingi ná h̃u ti tɔɔỹaá gééla woí léni wú w̃a hése, ná wáá ngáá, keela woó vándai, wú faa ỹɛ́nini kɔwɔ́ato kitomái wa nuu áá mááhɔlɔ su. Ndangí ɛ́ɣɛ ndóngi wú su aá lɔ́ɔ́ gúla kitómai h̃u í wú wa, ná wáá ngáá, sí ngandɔ́ɔ́lɔngɔ wú hááw̃a ngáá pangɔ́ ngelegóóh̃u.

KƆLƆ́SE 2:20

Ná Kílisitii í hááni, wa bɛ́lɛ nɔ wu háángɔ votó ngí ɣɛ́i lá aáva wú wúmaawongɔɔ lé náa ngakpa ŋáni ỹɔu ỹɔungáitii ngeyá tí ngélewu. Faalɔ, kule áá wú w̃a wú lúva veléi ɔ́ɔ́ ɣɛ́ ngáá ngeleí sí wúu yélaitii kái kái ti ndái ɣɛ kíli. Kule áá mɔ́ɔ́ wú w̃a wɔ́ɔ́ gólo sava lááli sítii mbu.

KƆLƆ́SE 2:3

Kílisitii lɔ áá kɛ nuu áá ɣɛ́ faa wɔ́lɔ kɔwɔ́ato Ngalángi géle ɣelengí ɛ́ɣɛ ngi háá wɔlɔngɔ́i wa tiyɛ́i ti gúlangɔ ngáá kíya nɔ́ɔ ngandɔ́ɔ́lɔ ngáá ɣɛ́ ná ndɔɔwu h̃ú.

KƆLƆ́SE 3:4

Ná wáá ɣɛ́ lói wú ló ndɛɛh̃ú gítei h̃u, kɛ wáá ɣɛ́ wáá yénge Kílisitii yɛ́. Aáva ná Kílisitii áá vá volú múl̃ɔ ngeleí sí wu, wá bɛ́lɛ nɔ́ wáá ɣɛ́ náá mba ngi yákpa maanɛɛnɛɛngí h̃u.

HÍBULU 7:25

Náá hááw̃a, nuí fíli áá lí Ngalá ngéle Jísu w̃áá véle w̃a, Jísu aa hómbo í maa w̃ɔ́i wumááwo kpésekele bɔw̃álale, lɛ́i í ngáá Jísu aá lɔ́ na kúnafɔ íwaa yɛ́pɛ nungáitii faaw̃a Ngalá ngéle.

PÍTƐ HESENDAA GƆLƆÍ 3:4

Kɛ́ laá ɣéle, wú vángi í ɣɛ́ ngáá kíya wú ná gíte wú líí h̃uu véle. Pangí sí kúnafɔ ngaah̃ú ɛ́i gúla mba, ná wáa ngáá, wú lúva veléi w̃aanɛ́ɛ́ngɔ í ɣɛ́ la, wú ɣɛ́ngɔ lúúỹaa. Ná lɔ́ Ngalá ngáá ngéɣe ngáá ngangímba háá.

PÍTƐ HESENDAA GƆLƆÍ 4:2

A ná ɣɛ kɛinɔɔ́ wú wú lɛ́ɛ́h̃ui w̃áta h̃uuhíya ngeleí sí wu kíya Ngalá ndóngɔ wú kɛ, kɛ́ álaa ɣɛ́ ngáá ngeleí sí wu líívo kɛí.

NJƆÚ HESENDAA GƆLƆÍ 3:2

Mu mbála vandáitii, a muỹá lɔ́ náá ngáá Ngalángi léngaa kɛ́ kíya máá vá ɣɛmá, nga ngáá nɛ́ɛ́ kpál̃au. Kɛ́ aáva a mú kɔ́lɔ ngáá ná Jísu Kílisitii áá vá a maá ɣɛ́ ngáá kɛ kíli bɔw̃álale a maá tɔ kíya gíte í na.

FAA YÁKƐ KƆ́LƆI 2:17

Nuí faá ỹɛ́ni ngóli áá ɣɛ́ í wú mba, kɛ wolílo sí w̃á Hɛ́ɛ́ma Ỹínangi áá ndé Ngala fɛ́li mbélaitii ma! Wɛ́i wú ndái áa ndoma, ngáá wú wɔ́ ngáá ndɔwuh̃ú ỹɛ́ɛ́nii sí tá táa tolí ngáá máánai. Ngí mɔ́ɔ wú yíla ngíla kɔ́ ngáá kɔtu wólengi sí ndaahei níínai vɔ́nɛngɔ ma nuu fíli áá kɔ́lɔ kɛ nɔ́ɔ nuí síí w̃ɔ́i áá ɣɛ́ mááhɔlɔni.’ ”