KƆLƆ́SE 3:11 - Kɛ́lɛ Niinaí

¹¹ Náá hááw̃a, ndowah̃u kɔ́lɛ fíli áa mɔɔ sítii ndowah̃u taa ngáá Júsua ɛ́ɣɛ sítii ti ngáá Júsua, sítii ndówah̃u tí lɔ́vengɔ pɛ́lɛ vólu ɛ́ɣɛ sítii taa ti lɔ́vengɔ pɛ́lɛ vólu. Ná vólu mɔ́ɔ́, ndowah̃u kɔ́lɛ aa mɔ́ɔ sítii ndówah̃u ti ngáá ndɔwɔlɔ vékaa h̃uu yélaa ɛ́ɣɛ sítii taa wíí fáá fíli ngákɔlɔ. Ndowah̃u kɔ́lɛ aa sítii ndówah̃u ti ngáá nduwɔ lopóa taa sítii taa ngáá nduwɔ lopóa. Kɛ́ maa hái kpɛ́lɛɛ su, Kílisitii lɔ́ í ngáá faa bíkpingi, aáva aa ɣɛ Ngalá fɛ́li mbélaitii kpɛ́lɛɛ ndííh̃u.

KƆLƆ́SE 3:11 Iomraidhean Croise

NJƆÚ 14:23

Jísu í ngoo yápoteni, i ɣɛ ma, “Nuí fíli áá ɣɛ́ loí ngáá ngé, maa w̃ɔ́i aa híya ngáá ní gálambongi. Ní Kɛ́ɛ́ɣɛ vá aa lo ngáá maa w̃ɔ́i. Ná vólu, naá va naa ní Kɛ́ɛ́ɣɛ maa w̃ɔ́i yelé, ní ló ndoow̃á.

NJƆÚ 15:5

Nyá lɔ ngáá sii hii ŋáni wúlu ɣɛ kíli, wá va tɔ wú ngáá mbekeítii kɛ kíli. Ná wáá ló kpahái h̃u wú su mbá, nyá bɛ́lɛ ngáá ló kpahái h̃u ngi su wú wá, ngamba pánda aa hɔ́lɔ wú h̃u. Í síɣe féa mbá, wɔ́i faa fíli páa.

NJƆÚ 17:23

Ná wáá ngáá, kpáhangɔ lé ti wa, maa í ye va mu báhangɔ su. Ná vá tɔ í kɛ́ngɔ ti ngoo yílaa su ngáá pangɔ́ kɛinɔɔ́ ngeleí sí wúu yélai ti ɣɛ́ kɔ́lɔ ngáá yá lɔ́ yí tɔ́vengɔ aáva í lóngɔɔ lé ngáá ti ye kíya nɔ́ɔ í lóngɔ ngáá ngé.

TI GƐ́Ɛ́ HAÍTII 15:17

kɛinɔɔ́ ní hái í víli nungáá vékaitii kpɛ́lɛɛ ndíí vólu, ná vólu, kɛinɔɔ́ ní lááheingi í ɣɛ́ ti kpɛ́lɛɛ mbá. Ngimɔ́ɔ́ Ndemɔí Ngalá ngí ndéni lɛ́i í kɛ́ni ngáá háwu

TI GƐ́Ɛ́ HAÍTII 28:2

Nungái nátii ti ɣɛ́i na, tí kɛ́ɛ́hɔ pandá wála gulaní ngáá ni ye ngáá ni gí kéle tɔ aa ɣɛi mba. Tí lókoheini ní wu, tí ngɔmbu la, tí ni lolí ma ni kpɛ́lɛɛ, bɔw̃álale njɛí i ɣɛi áá wá, kɔɔlɛ́i áá va.

TI GƐ́Ɛ́ HAÍTII 28:4

Ná maa látai ná h̃uu yélaitii tí kaalií na lɔ́ni hɛ́lɛni Pɔ́ɔ lokoí wa, ti ɣɛ́i náa taa nde ndé ỹɔw̃ɔ́ ỹɔ́w̃ɔ w̃a, táa ɣɛ́ ta, “Siỹɛndópoi sí ɔɔ ɣɛ ngáá nuu váá mɔ́ɔ́ kái kái. Ná lɔ́ í kɛ́nga kíya bɛ́lɛ í vélangɔ áá mɔ́ɔ longɔ́ yívoi wu, ná fíli sú, tɔ́wɔbaɣa w̃ásangi lɔɔ ɣɛ́ í ngi háá ỹɔí votó kula nɔ́ɔ w̃ɛ́ɛ́ ma, aa lɔɔ ɣɛ́ nɔɔ́ í ngu ndaa víli.”

LÓÓMI 1:14

Aá lɔ má ngáá kule ngáá ngí Ngala ngói le nuu kpɛ́lɛɛ má, ná wáá ngáá sítii ti ngáá wííngaa ɛ́ɣɛ sítii taa ngáá wííngaa, ná vólu, sítii tí kɔ́lɔ wɔlɔ́ ɛ́ɣɛ sítii taá kɔ́lɔ wɔlɔ́.

LÓÓMI 10:12

Bele pa maa w̃ɔ́ɔ́ aa ɣɛ ngáá Júsu w̃ɔɔ ɔɔ ɛi ɣɛ ngáá Júsu w̃ɔɔ, a mu Lemɔ́i i yíla nɔ́ɔ aáva kulangɔ́ɔ́ lé gíte fó fóndei kɛ́lɛma kpɔmba hááw̃a nuu fíli mbɛ́ áá mɔ́ɔ́ni kpɔmba hááw̃a,

LÓÓMI 3:22

Ngalá ngáá nuu yeɣé ngáá telembo mɔ́ɔ́ ná í lángɔ áá ɣɛ́ la ngáá Jísu Kílisitii. Ngalá ngáá sí ɣɛ nuu fíli mbɛ́ ndángɔ ngáá Jísu Kílisitii suuwɔlɛ́ fáá fíli aa su,

LÓÓMI 3:29

Ngalá ngáá na Júsua ngiláá kpé fááw̃a nɔ́ɔ kɛ́ áá lɔ́ na sítii kele tɔ faaw̃a taa ngáá Júsua.

KƆ́L̃E HESENDAA GƆLƆÍ 12:13

Mu lɛ́ingaa muỹá lɔ́ ngáá Júsua, mu lɛ́ingaa maá ngáá Júsua, mu lɛ́ingaa mu ngáá nduwɔ lopóa, mu lɛ́ingaa maa ngáá nduwɔ lopóa, kɛ́ Hɛ́ɛ́ma Ỹína ngilaa kpéngi lɔ mu kpɛ́lɛɛ mú nguyaí w̃ááhɔlɔngɔ maa véle w̃a, mu gúlangɔ ngáá kpusa yílaa. Aáva Hɛ́ɛ́ma Ỹína ngiláá kpéngi lɔ áá ɣɛ́ mu yilá ngílangi kpɛ́lɛɛ pólu.

KƆ́L̃E HESENDAA GƆLƆÍ 14:11

Kɛ́ ná nuu áá híí woo lé ngɛ́i ɣɛ́ kɔlɔ́ kɛ maa w̃ɔ́i lɔ ngáá koha w̃ɔ́ɔ. Ná ná áá ɣɛ́, naa ɣɛ ngáá koha yelaa ỹɔw̃ɔ́ ỹɔ́w̃ɔ w̃a.

KƆ́L̃E HESENDAA GƆLƆÍ 7:19

Sífaa ti bɔ́ɔ́ nuu lɔ́ve pɛlɛ́ vólu ɔɔ tálaa tɔve pɛlɛ́ vólu, ná aa ngáá faá fíli. Fái bíkpingi waa ngáá, nuu gólondai Ngala sávaitii mbu.

GALÉSIYA 2:20

aáva ngáá mɔ́ɔ ndɛɛh̃ú h̃u bɔwɔ́ hááw̃a kɛ́ Kílisitii lɔ́ náa ngí su faaw̃a. Ndɛɛh̃úi sí ngí su náa sí h̃úi, nyá lɔ su ndangí w̃aa véle w̃a ngí su ngáá Ngalángi H̃íỹɛndou Lói lɛ́i í longɔ́ ngáá ngé í lɛ́ɛ́h̃ui gúla kɛlɛ́ma fááw̃a.

GALÉSIYA 5:6

Ná nuu báhangɔ áá ɣɛ́ la Jísu Kílisitii wa, bele bɛ́lɛ í lɔ́vengɔ aa ɣɛ lá pɛ́lɛ vólu ɔɔ í lɔ́vengɔ ɛi ɣɛ lá pɛ́lɛ vólu, ná aa ngáá faa fíli kpósouŋ. Kɛ́ sí í ngáá faa bíkpingi laá wáa ngáá ndangí nuu áá ɣɛ́ sú ngáá Jísu Kílisitii. Ná vá tɔ áá kɛ ndongí áá ɣɛ nuu h̃u nuu vekáitii fááw̃a.

Ɛ́FƐSƆ 1:23

Ngala fɛ́li mbélaitii kulangɔ́ɔ́ lé ngáá Kílisitii laá búte. Ngala fɛ́li mbélaitii tɔ ti ngáá Kílisitii yénge toko yafɔ́ningɔi. Aáva Kílisitii lɔ náa í ngáá fái kpɛ́lɛɛ ngu tevéngɔi ỹandá kpɛ́lɛɛ.

Ɛ́FƐSƆ 2:14

Jísu Kílisitii bɛ́lɛ i vaangá ngáá ndiihéi a mu yɛ sífaa sítii tí ngáá Júsua ɛ́ɣɛ sítii taa ngáá Júsua i ti ɣɛngá ngáá nuu yílaa. Sái Jísu i mbóni kulɔ́sii w̃a, i silímai gúlanga Júsuai ndowah̃u ɛ́ɣɛ sítii taa ngáá Júsua.

Ɛ́FƐSƆ 2:15

I Júsuai tí hávaitii ngi háá bɛni nga í ɣɛ́i na í ɣɛ́i áá nungái nguto kɛinɔɔ́ Júsuai ɛ́ɣɛ sítii taa ngáá Júsua ti ɣɛ́ ngáá nuu yílaa, tí báhangɔ í ɣɛ́ la su Jísu wa. Ná lɔ í kɛ́nga ndiihéi í híí félengɔi sítii ndówa h̃u.

Ɛ́FƐSƆ 3:17

Ngáá Ngala fɛ́li ngáá Kílisitii í vá wú líí h̃u ngáá ndangí wáá ɣɛ́ su lá ɛ́ɣɛ ngí lóngi í wú líí h̃u láa hé

Ɛ́FƐSƆ 3:6

Ndɔɔwu h̃ú hái sí wáa ngáá kééla woo vándai í kɛ́a ngáá háwu Júsuai ɛ́ɣɛ sítii taá ngáá Júsua tí héi h̃u félengɔ p̃ɛ́ɛ́ tí ɣɛ́a ngáá nuu yílaa aáva ti kpɛ́lɛɛ taa Ngalángi nɛ́ɛ́mai w̃ááhɔlɔ ɛ́ɣɛ kuulóngi Ngalá ngi mbóngɔ Jísu Kílisitii í kɛ́nga ngáá háwu íwaa ɣɛ́.

Ɛ́FƐSƆ 6:8

Yí ɣɛ́i ngáá nduwɔ ɔɔ yáá ɣɛ́i ngáá nduwɔ, wú ɣɛ́ kɔ́lɔ ngáá kɛ Ndemɔí Jísu lɔɔ wú w̃ááỹa fe wú yénge pandaí hááw̃a wáá mbo.

KƆLƆ́SE 2:10

Aáva mu ndɛ́ɛ́h̃u gítei w̃aahɔ́lɔngɔ kpahaí wa mu su Kílisitii wa. Aá va tɔ ngakpa ngí ngeyá ngakpa ŋániaitii kpɛ́lɛɛ mááh̃u ti ngákpa su.

NJƆÚ HESENDAA GƆLƆÍ 5:20

A mú súúwɔlɔ ngáá Ngalángi H̃íỹɛndou Loí i vaangá ngeleí sí wu aáva i kɛ́a ngáá háwu mú ɣɛ́ ngáá faa yatɔ́ mba mbélaa kɛinɔɔ́ mu ɣɛ́ Ngalá kíte wɔlɔ́ ngáá ele gíte waa ngáá laá. Aáva a mu háá aa ɣɛ su yíla maá Ngalá kíte, sífaa maá ngí H̃íỹɛndou Loí Jísu Kílisitii mu háá lɔ su yíla. Jísu vá tɔ í ngáá Ngalá kítei ɛ́ɣɛ kúnafɔ lɛ́ɛ́h̃ui hé mɔ́i.

NJƆÚ GƆ́LƆI HELE KÉLEI 1:9

Nuí fíli ɛ́i ɣɛ́ ndíi ngu ma ngáá kalambongí sí Kílisitii í mbóngɔ, kɛ́ áa ɣéle í ta báha mba, kɛ maa w̃ɔ́i taá Ngála ti háá aa su yíla. Nuí fíli pá áá ɣɛ́ áá maa gálambongi séɣe héɣe mbó nɔ́ɔ kɛ maa w̃ɔ́i taa Kɛɛɣɛí Ngála ɛ́ɣɛ ngi H̃íỹɛndou Loí ti háá lɔ su yíla.