KƆLƆ́SE 3:1 - Kɛ́lɛ Niinaí

¹ Ná Ngála ngí Kílisitii wúyoɣeni sái h̃u, wa bɛ́lɛ nɔ́ wú wuyóɣengɔ votó ngí ɣɛi lá sái h̃u. Faalɔ, a wááyaa gisíya ngáá faítii tí ngelegóóh̃u mbéi Kílisitii í héini ngufema ỹándai Ngala kpéla masandáá h̃u.

KƆLƆ́SE 3:1 Iomraidhean Croise

MÁFIYU 22:44

‘Ndemɔí Ngalá i ndení Ndémɔi w̃a, i ɣɛ ma, Hei ngufema ỹándai kpéla ní w̃ásandai h̃u í ló su kpóloo ngí í wááhilima yélaitii pu í gɔ́wɔ wú.’ ”

MÁFIYU 26:64

Jísu i ngoo yápoteni, i ɣɛ ma, “Ngimɔ́ɔ́ yí ndéa, kɛ́ ngí nde wú kpɛ́lɛɛ má, í síɣe náa háá w̃a í lí naa lúwɔ, wá lɔɔ vá nuí síí w̃ɔ́i taa ɣɛ́ ma Nuu Búsa Goo H̃ú Lói lɔmá héini ngufema ỹándai Ngakpa Ngála Ngwalaí béla masandáá h̃u. Wáa tɔ i héini njɛ bilíítii nga áá vá.”

MÁFIYU 6:20

Kɛ́ aá ɣéle, a ngandɔɔlɔ́ mbó bɔwɔ́ hááw̃a ngelegóóh̃u, mbéi kaahe ɛ́ɣɛ ngiliá ɣɛ́ kíli wɔlingaa tɛí ngi háá h̃úú ỹááni na, aáva ŋuỹá yélaa tɛí naa h̃úúwolo tɔɔ́ ŋuỹá wó na,

MÁFIYU 6:33

Wá ɣéle wú béɣema háá walaí í ɣɛ́ ngáá Ngalá ngi ɣɛ́ wú w̃ááh̃u ngi w̃ásandai h̃u ɛ́ɣɛ ngí lúva vele vandaí í ɣɛ́ wú h̃ú. Ngalá tɔ áá wú béɣema wɔlingái sítii kpɛ́lɛɛ kúla kɛlɛ́ma wú yɛ́.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 12:36

Deevé bútei va i yɛpɛní Hɛ́ɛ́ma Ỹínangi yákpangi h̃u, i ɣɛ ta, ‘Ndemɔí Ngalá i ndení Ndémɔi w̃a, i ɣɛ ma, héi ngufema ỹándai kpéla ní w̃ásandai h̃u í ló su kpóloo ngí í wááhilima yélaitii pu í gɔ́wɔ wú.’ ”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 14:62

Kɛ Jísu i ngoo yápotenga, i ɣɛ ta, “Eéi, aáva wá lɔɔ vá nuí sí w̃ɔ́i taa ɣɛ́ ma Nuu Búsa Goo H̃ú Loí lɔmá héini ngufema ỹándai Ngakpa Ngála Ngwalaí béla masandáá h̃u. Wáa tɔ í héini njɛ bilíítii su áá vá.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 16:19

Ná Ndemɔí Jísu í vílani yɛpɛmá volú yélaitii ngéle, i lɛ́i ngelegóóh̃u. Aáva aá lɔ héini ngufema ỹándai Ngalá kpela ngi w̃ásandai h̃u.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:33

A wú hɔ́lɔ wɔlingáitii kpɛ́lɛɛ mááɣɛ wú maa gápangi he nyaani yélaitii ngeyá. A naholói sí wɔ́lii bɔwɔ́ hááw̃a ɛ́i víla. Ná waa ngáá, wú ngándɔɔlɔ mbó ngelegóóh̃u mbéi ta ɛ́i gúla mba na ɔɔ mbéi ŋuỹa w̃ɔ́ɔ fíli ɛ́i lí naa béla kɛlaa ngiliá ɣɛ́ kíli wɔlingaa tɔɔ́ mɛ,

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 20:42

Deevé bútei vá í ndéni Ngala Fɛ́li Ngúle Gɔlɔí h̃u ngáá sí, í ɣɛ́i ta, ‘Ndemɔí Ngalá i ndení Ndémɔi w̃a, i ɣɛ ma, Hei nguféma ỹándai kpélaa ní w̃ásandai h̃u

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 22:69

Kɛ́ í síɣe náa hááwɔ w̃a í lí naa lúwɔ, nuí síí w̃ɔ́i taa ɣɛ́ ma Nuu Búsa Goo H̃ú Loí aa lɔɔ vá héima nguféma ỹándai Ngakpa Ngalá Ngwalaí bélaa masandáá h̃u.”

TI GƐ́Ɛ́ HAÍTII 2:34

Sífaa Masangí Deevé áá lɛ́ɛ́ni ngelegóóh̃u kɛ kíya Jísu í lɛ́ɛ́ni ngelegóóh̃u. Kɛ́ ná fíli su, i ndení, i ɣɛ ta, ‘Ndemɔí Ngalá ngí ndení Ndémɔi w̃a, i ɣɛ ma, héi ngufema ỹándai kpéla ní w̃ásandai h̃u

TI GƐ́Ɛ́ HAÍTII 7:55

Kɛ́ Hɛ́ɛ́ma Ỹínangi i ɣɛi Sitívi volú, aáva Sitívi i wɔlɛní ngelegóóh̃u, í Ngalángi múw̃a muw̃angí lɔ. Ná vólu, i Jísu lɔní lóóni naa béla.

LÓÓMI 8:34

Baa nuu fíli aa hómbo í ti waaléve ngáá taá véleni? Ná ɣéle ngɛi ɣɛ p̃ɛ́ɛ́. Aá ɣéle Jísu Kílisitii i haaní, Ngalá ngí mɔ́ɔ́ mbuyoɣé sái h̃u, aá vá tɔ́ náá héini ngufema ỹándai Ngalá kpela masandáá h̃u íwaa a mu w̃áánɛɛnɛ mbó.

LÓÓMI 8:6

Ná wɔ́li nuu gitóngɔ áá ɣɛ́ nɔ́ɔ la sítii mbá taa ɣɛ́ ngáá nuu liivó fáitii, kisíya láálii ná aa kɛ nuu í sáa w̃ááhɔlɔ. Kɛ́ ná nuu gisíya áá to nɔ́ɔ sí wa Hɛ́ɛ́ma Ỹínangi áá nuu ló ma, kisíya láálii ná aa kɛ nuu í ndɛ́ɛ́h̃u gítei w̃ááhɔlɔ ɛ́ɣɛ Ngalángi lííhei.

KƆ́L̃E GƆ́LƆI HELE KÉLEI 4:18

Mu gísiyaitii taa sítii mba a maa ti lɔ sífaa tɛí lɛ́mbi, kɛ́ aá ɣéle, tiyá lɔ sí wa a mɔí tɔ sífaa ná lɔ áá ɣɛ́ na kúnafɔ.

Ɛ́FƐSƆ 4:10

Nuí sí vá i yéingɔ aá va tɔ nɔ́ɔ múl̃ɔ í lɛ́ɛ́ngɔ ngelegóóh̃u kɛinɔ́ɔ faa kpɛ́lɛɛ í ỹanda kpɛ́lɛɛ í ɣɛ́ kíya ndongɔ́ í ɣɛ.

Ɛ́FƐSƆ 5:22

Wɛ́i wú ngáá nyah̃áitii, a waayaa bɔwɔ́ gúla kɛlɛ́ma wú h̃íỹɛngaitii mbɛ kíya nɔ́ɔ wáá bɔ́wɔ gúla kɛlɛ́ma ma Ndemɔí Jísu yɛ,

KƆLƆ́SE 2:20

Ná Kílisitii í hááni, wa bɛ́lɛ nɔ wu háángɔ votó ngí ɣɛ́i lá aáva wú wúmaawongɔɔ lé náa ngakpa ŋáni ỹɔu ỹɔungáitii ngeyá tí ngélewu. Faalɔ, kule áá wú w̃a wú lúva veléi ɔ́ɔ́ ɣɛ́ ngáá ngeleí sí wúu yélaitii kái kái ti ndái ɣɛ kíli. Kule áá mɔ́ɔ́ wú w̃a wɔ́ɔ́ gólo sava lááli sítii mbu.

KƆLƆ́SE 3:2

A waayaa gisíya ngáá ngelegóóh̃u háitii, kɛ́ wálaa ɣɛ́ wáá gísiya ngáá faítii tí ngélewu.

HÍBULU 1:13

Nápa aa nɛɛ ɣɛi maléka ta fíli má, “Hei ngufema ỹándai kpéla ní w̃ásandai h̃u í ló su kpóloo ngí í wááhilima yélaitii kɛ ngáá í gɔ́wɔ lóów̃aa wɔ́lingaa.”

HÍBULU 1:3

Aá lɔ́ áá ngákɛ kíya Ngalá káámaangɔ aáva kíya nɔ́ɔ Ngala ngí ná, ngimɔ́ɔ́ nɔ́ɔ jɔ́ í na. Aa kɛ ngáá háwu faa kpɛ́lɛɛ tí ndi ngu ma ngelewu ndaa wóó yákpangɔ wálai w̃áá véle w̃a. Ná náa í faa ỹɔ́i wúyani nuu búsaa w̃a i héini náa ngufema ỹándai ngelegóóh̃u Ngakpa Ngála Ngwalaí bélaa masandáá h̃u.

HÍBULU 10:12

Kɛ́ Kílisitii láa ngi ndá hááɣa gulandái faa ỹɔ́itii faaw̃a, naa héiw̃aa i ɣɛngɔ́ nɔ́ɔ yíla kpé aáva kúnafɔ maa hááɣai nga ngɛ́i wála mba aáva ná ná í gúlai su, i heiní náa ngufema ỹándai Ngala kpélaa masandáá h̃u.

HÍBULU 12:2

A mu yaah̃ú í ɣɛ́ nɔ́ɔ́ Jísu wa lɛ́i áá kɛ ngáá háwu a máá lá ngáá Ngala aáva maa lángi ɛ́i gɛ́ɛ́lɛ pele h̃u. I liilɔ́lɔni maanɔw̃ɔ́i yaá í ngéɣeni ná h̃u tí kpákpani kulɔ́sii w̃a ɛ́ɣɛ maa wúfengi í yéini ma. I ná vá kɛní nɔ́ɔ kooh̃unɛɛ háá walaí sí hááw̃a í ɣɛ́i áá va maahɔ́lɔma naa vólu w̃ái. Aáva aá lɔ́ náá héini ngufema ỹándai Ngala kpéla masandáá h̃u.

HÍBULU 8:1

Njɛpɛí sí kpɛ́lɛɛ ngungí wáá ngáá, Ngala sááɣa gula mɔ́ɔ́ wala lɔ mu yaá kíya nɔ́ɔ sí í na mu yɛ́pɛngɔ kɔwɔ́ato mba. Laá va tɔ náa héini ngufema ỹándai ngelegóóh̃u Ngakpa Ngála Ngwalaí bélaa masandáá h̃u.

PÍTƐ HESENDAA GƆLƆÍ 3:22

Lɛ́i va í ngáá Jísu Kílisitii, í liingá ngelegóóh̃u, aá lɔ héi ngufema ỹándai Ngalá kpéla masandáá h̃u. Ngi w̃ásandai vá tɔ malékaitii mááh̃u ɛ́ɣɛ ngakpa ŋániaitii kpɛ́lɛɛ.